Dutaronome 4:26 - Anatunya Buku Baepole Ole Testamene Pii Lapo dee Nuu Tesamene

²⁶ Nambame yake dokopa isa yuu dokopame epapu nakama pipya pii langilyu dokona usinisi ingyuo lakaramiŋi lao kee leto. Nakamame nambana pii warombo see narami ramo doko nakama oo repeta yuu dakena pali nalomene. Doko ipwa Jotane yalo nakama yuu dokona palinya suu pilyaminyi dokona yuu gii andare palyuo kara narami. Nakama pyao kokwa soo nembalu nembo nembaro.

Dutaronome 4:26 ပူးပေါင်းရင်းမြစ်များ

Jenesese 19:13

Yuu dake repeta pyao kokwa solomano. Renge doko Kamongona lenge kambu dokona pii andake palipyasa baame kokwa sinyi nembala pupwa lao Kamongome nambwa peeyapyasa epelyambano, leyambi.

1 Kiŋi 9:7

nambame nambana Isaraele wambu dupwa yuu nakama maiyunu dokona pali nana lao nyisa pena laro. Tembole anda nambame poo pyasi ingyuo waso rae maiyuo nambana lakandenge pandaŋa lao karenge dake nyuo kame soo yaki nyuo kaeyaro. Wambu yuu muu dupwana peparaeme Isaraele wambu dupwa kando giyalya giyana pyuo kilya kando larami.

Aisaya 1:2

Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Aisaya 6:11

Dokopa nambame baa piso soo, Kamongo yuu gii akipare dopale ingyuo serape? leyo. Baame isingi langyuo, Yuu taone andake dupwa kwaeyo alowa pyuo iki sero dee anda dupwa pii karo dee yuu angi doko muiyane ingyuo soo piramo dokopa lalono dopale pira, leya.

Jeremaya 2:12

Dokona nambame yake doko yuusili minyili lao paka pinyi pyambuo yamarangunya lao romo romo andake pinya lao leto.

Jeremaya 6:19

Isa yuu dokona palaminyi dupwa selapa. Nakamame koo pimwali yaka lao suu pyao nambana pii warombo see nao dee nambana mana pii dokona kamba lao piminyi dokona wambu dupwa nambame pyao kokwa soo kumuo nembaro, leya.

Isikiolo 33:28

Yuu doko ketange pyanyi nembaro. Renge porai lapo palipyamo eneko kaelyaminyi doko nyuo mee inginyi nembaro. Isaraele dokona yuu kyau dupwa apa yuu ingyuo seraronopa wambu kapa parami ingya nara.

Isikiolo 36:4

Dokona nakama yuu kyau kuki andakepe ipwa pona kukipi yuu anda lama lamape dee yuu kwaeyasi silyamo dupwape dee taone yuu liti wakale parali maki palenge dupwame pyuo kilya kando kwaeyaminyi dupwa mee apu silyamo dupwape namba Kamongo Mupwa Andake Wakasa karenge dokome apa letene lao selapape.

Maeka 1:2

Wambu peparae nakama pii dake selapape. Isa yuu panda karaminyi dupwa peparaeme pii dake selapape. Kamongo Mupwa Andake Wakasa dokome nakama koo pimiŋi lao banya yake panda tembole anda dokona karo, lara.

Maeka 6:2

Yuu kyau isa yuu dokona susa pyao sulu singi dupwa Kamongona pii laramo doko selapape. Kamongo dokome banya Isaraele wambu dupwa pipya koo kando lalana suu pilyamuli pyuo lara.

Luku 21:24

Nakama wua gela nenge dokona nyinyi piso pyaraminyipa, rara wakale wakale dupwame nakama puu maipala lanyuo parami. Dokopa wambu rara wakale dupwame Anatu kaena lara yuu gii doko ene epapa naramopa Jerusaleme doko nyuo kalyuo kararami.

Dutaronome 31:28

Nakamana rara dupwana akali kyawa iso karaminyi dupwape isingi akali dupwape pii lamairuŋu nambana lenge kambu dokona sukusa sukusa pyuo epena lao nyuo malu palyarami. Nambame yake yuupa dolapo nambana usinisi ingyuo sinya laro.

Dutaronome 32:1

Isa yuu yakepe dolapo pii lalopono dupwa selapa. Kale yukupala nambana pii sokondali pipwape.

Dutaronome 7:4

Dokona lao enda dupwame wane dupwa Anatu mata maipala anatu wakale dupwa lakandena lao kata koo lasaka pyuo lanyuo pasarami. Dopa pirami ramo doko Kamongome nakama kando imbwuapala yuu mendaki pyao kokwa soo nembara.

Dutaronome 8:19

Nakamana Kamongo Anatu doko ama kame see napala anatu wakale dupwana yulu pyakamyuo lakando paa nalapape. Doko kaepala nakama dopa pirami ramo Anatumi nakama pyao kokwa soo nembara lao repe pii langilyu.

Dutaronome 8:20

Nakama wambako pao kararaminyuipa Kamongome rara wakale dupwa pyao kokwa soo nembara doko suu pyao nakama Kamongona pii warombo soo kara narami ramo doko baame nakama pyao kokwa soo nembarako.

Josua 24:20

Dee mende nakamame Anatu yaki nyepala rara wakalena kyambo anatu lenge dupwana yulu pyakamyuo kararami ramo Anatu baame nakamana yanda pimwai ingyuo randa joo pira. Wamba baame nakama keta elyape ingyuo pisiyamopape epapu baame nakama pyao kokwa sera, leya.