Dutaronome 4:24 - Anatunya Buku Baepole Ole Testamene Pii Lapo dee Nuu Tesamene

²⁴ Dokona lao nakamana Kamongo Anatu doko isare uliyapu puu pae lenge dopale dokome baame mendali banya panda mai nange.

Dutaronome 4:24 ပူးပေါင်းရင်းမြစ်များ

2 Kiŋi 24:20

Dopa piyamosa Kamongo dokome Jerusaleme wambupi dee Juta wambu dupwape keta ama wakasa imbwuapala banya lenge kambu dokona rekya lao nyisa nembeya.

Ekesetase 15:7

Embena porai wakasa mupwa ingyapinyi dokome embena yanda pimwai dupwa pyao nembelene. Embena imbu singi renge doko wakasa palyapala yangi manda isareme renge dopale ingyuo wambu dupwa rao otelyamo.

Ekesetase 20:5

Namba nakamana Kamongo Anatu. Wakale mendeme nambana panda nyinya lao maiya nange. Dokona lao mee bange anatu angi daa dupwana ponga napala kingi ketae pyambuo lakanda nalapape. Wambu mendeme namba awa nara ramo dokopa nakamana para pyaraminyi dupwame manjo jingi para pyao paraminyipa rema panda kisima ingyuo manjiraminyi dusipana mende keta randa mairu.

Ekesetase 33:3

Dokopa nakama yuu keyange amenge kapape pingi dokona parami. Dopa pyuo paraminyipape nakama waiya lao mona kana pokonge dokona nambame katasa nakama pyao kokwa soo nembasaroŋo namba range role pyao paa narama, leya.

Ekesetase 34:14

Nakamame anatu wakale lapo lakanda nalapape. Namba Kamongo dokome nambana wambu dupwa yulu kopetame dopale dupwa pinya lao yaki nyii nao nakama nambana iki ingyuo karamili yaka lao suu pilyu.

Aisaya 33:14

Sayone range wambu dupwa yulu koo pinya wangu lakange pako walu walu lao karo lao, Anatunya kote lao rolenge dokome isare ingyuo rao karalu karara dokona namwa apa pyuo lete kararama?

Aisaya 42:8

Namba iki doko embena Kamongo Anatu. Bange anatu lenge dupwa namba kingi lenge dokona role pyao laa narami. Nambame kingimi wasisi dupwa nambana lakandenge panda dokona lakandena lao panda serakami naro.

Emosa 5:6

Nakama Kamongo karara dokona papala lete karalapape. Doko kaepala paa narami ramo doko baa isare kekenge dopale ingyuo nakama Isaraele wambu dupwa keta epara. Isare dokome nakama yuu Betele wambu dupwa rao otara. Dokopa mendeme isare doko kapa kunja nara.

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 32:16

Nakamame isa kanapeme wasisi dupwa kando lakandeyami dokome Kamongopa yango palyinyi pyambuyami. Dee yulu koo piyaminyi dokome Kamongo imbwanyi pyambuyami.

Dutaronome 6:15

Nakama dopa pirami ramo dokopa Kamongona imbu singi doko nakama keta isare ingyuo epo palipala nakama pyao kokwa soo nembara. Doko nakamana Kamongo Anatu nakama pipya karenge dokona panda mendemepe nyii narami ingilyamo lao suu pilyamo.

Dutaronome 9:3

Dopa piminyipape epapu nakamana Kamongo Anatu dokome isareŋe rao nakamana lenge kambu dorena wambo paramo doko nakama rangeme kandarami. Nakama wambo pao kararaminyipa baame wambu doloma anamasi minyuo karara. Dokona lao baame lalu lao leyamuli pyuo nakamame doloma neta nembo waiya lao pyao kokwa soo nembarami.