Dutaronome 4:19 - Anatunya Buku Baepole Ole Testamene Pii Lapo dee Nuu Tesamene

¹⁹ Nakamame yake dokona netape kanape buipi dupwa kandapala dokopa walu lao lakando dusipana lao minyuo yulu pii nalapape. Nakamana Kamongo Anatumi wambu wakale keta bange dusipa lakandena lao maiya.

Dutaronome 4:19 ပူးပေါင်းရင်းမြစ်များ

Jenesese 1:14

Yake dokona yanga paupau lao kukwa korakamape dolapona lili pyuo rao dokome kwai kanape yuu giipi ee kanape dupwa lasaka pinya, leya.

Jenesese 2:1

Dopa pyuo pipala dokopa Anatumi yake yuupi dee ketae isapana bange peparaepe pyuo oteya.

2 Kiŋi 23:11

Baame kamame Juta kiŋi dupwame mena ose lapo kalya pyuo neta doko lakando maingi dupwa nyuo nembeya. Dee mena ipyuo papingi uliuli lakandenge dokona ingyuo singi dupwa kisinyi nembeya. (Bange dupwa tembole anda kamapi dokona kame kambu dokona repeta retenge. Doko akali mupwa kingi Netane Meleke lenge dokona panda repeta singi.)

Niyamaya 9:6

Isaraele wambu dupwame ateŋa dake piyami. Kamongo doko embako iki Kamongo ingilyamo. Embame yakepe yakena buipi pyuo wasii. Embame yuupi ipwa kotape bange silyamo dupwa peparaepe embame pyuo wasii. Bange dupwa peparae embame letena renge maii. Aŋala yake panda karaminyi dupwame emba lao pangu soo lakandenge.

Samu 19:3

Mendasa wambu ingyuo epo pii lao dee lyapu lao pipyamo see nange.

Jeremaya 19:13

Yuu Jerusaleme dokona anda dupwape Juta kiŋi dupwana andape dee anda lapo dupwanape anda yangi ketaerena rendamu pingi dupwa kiso bui dupwa kingi lao maiyami dupwape dee lapona mena kiso maingi dopale ingyuo ipwa waene dupwa mee bange anatu lenge dupwana kulimbuo palyiyami dupwa peparae yuu Topete koo dokome kwaeyasi silyamo dopale ingyuo para, leya.

Jeremaya 31:35

Kamongo yuu yangama korakamape dokopa neta dokome rena lao dee kukwa dokopa kana buipi dupwame rena lao pingi. Baame ipwa kota dupwa kasakole minyuo ranju ketae epena lao pingi. Banya kingi Kamongo Porai Wakasa.

Isikiolo 18:6

doko baa Isaraele wambu dupwame bange lapo anatu lao wasisi semango karo bange lapo lakando pyao kiso maingi dupwana naa nange ingyara. Baa akali mendena enda kepo pyakami nao panda enda nenge range nao petenge dokopa kepo pii nange ingyuo karara.

Matyu 5:45

Dopa pyuo pirami ramo dokopa nakamana Rakane yake panda karenge dokona wane wanakepe ingyuo parami. Dokona lao baame banya neta doko wambu koo keyangepe peparaena lao pyakalyapala rena lenge. Dopako pyuo apunda doko wambu rolae pingi rolae pii nangepe peparaena lao epena lenge.

APOSELENA YULU 7:42

Dokopa lao Anatumi nakama yaki nyuo kaeyamosa nakama yakena bui kanape dupwa kingi lao mona kando kareyami. Dokona lao poropeta akalinya pii mende palamo. Doko nakama Isaraele rara dupwa nakama yuu muiyane dokona ee kana akalisa kisima karo mena pyao kiso maiyami doko daa nambasa lao jiyaminde daa.

Orome 1:25

Anatu lao pii kinyi doko alowa pyuo kyambo inginyi pyambwapala karo Anatu dokona iki lakandapenge doko kaeyapala baa bange wasiyamo dupwana lapo nyepala karo mona kando kingi letaminyi. Doko kaeyapala bange angi wasiyamo doko baa iki lakando karalu karamana kinyi.

Dutaronome 13:10

Nakama kendemande ingyuo yuu Isipi kareyaminyipa nakamana Kamongo Anatu kiiramo nyuo minyuo epeyamo doko yaki nyuo kata wakalena pupwale lao lapya. Dokona lao kana dupwame pyao kumakalapape.

Dutaronome 13:5

Nakamana Kamongo dokome kendemande ingyuo yuu Isipi kareyaminyipa kiiramo nyuo minyuo epeya doko kame soo mata maipwase lao pii nolakao lenge mendepe panda kombeya iso polo lenge akali mendemepe leya kande doko pyao kumakalapape. Akali dopale mende koo palenge dokome Kamongome nakama au pyuo palyuo karamili lao suu pilyamo doko yaki nyuo kata wakalena lanyuo pupuli lao pira. Doko nakama range koo dokona nenge rekya lao nyuo dokopa akali doko pyao kumarami.

Dutaronome 4:18

panda kau omape yale waso pii napala koo keta pasaramano lao kando karalapape. Dopa pirami ramo keyange ingyuo kararami.