Dutaronome 4:16 - Anatunya Buku Baepole Ole Testamene Pii Lapo dee Nuu Tesamene

¹⁶ Dokona lao nakamame mee bange anatu lapo akali panda enda yale

Dutaronome 4:16 ပူးပေါင်းရင်းမြစ်များ

Ekesetase 32:7

Dopa piyaminyisa Kamongo dokome Mosese lamaiyuo lao, Embena wambu yuu Isipi yaki nyuo lanyuo epee kande dupwame namba mata joo yulu koo pilyaminyi dokona dakepa aopa waiya lao lupyuo puu, leya.

Aisaya 40:18

Api mendeme Anatupa manda manjo larase? Apa pyuo embame baa apiyakalende lao polo larese?

Aisaya 44:13

Kamondame isa angi doko makande pyuo kandenge. Kandapala banya makande isa dokome wambu yalende lenge kambu keyange inginyi pyambuo rombo palyuo wasingi. Pipala wambu yale doko lanyuo epo banya anda dokona retenge.

Lipitikase 19:4

Namba kame soo yaki nyuo kingimi wasisi dupwa anatuŋu lao mona nyii nalapape. Mee kapa pyakepasi dupwame kiso wambu ingyuo wasapala anatuŋu lao lakanda nalapape. Namba Kamongo doko nakamana Anatu doko namba karo kande.

Jone 4:24

Anatu baa imambuŋu dokome wambu baa ketae pyambuo yako lao karaminyi dupwame imambunya kulisa palyuo ketae pyambuo kingi larami ingilyamo leya.

APOSELENA YULU 17:29

Namwa Anatunya para pyao nyisi karamano dokona suu pyao akalimi kana golo dee kulingi kanape kana wakalepe nyepala kingi suu pingipi mora petenge dokome Anatu yale ingyuo wasiyamilyamo lao suu pyaa namanale.

Dutaronome 31:29

Kumaparo dokopa wambu dolomame ama koo angingyuo karo nambame nakama pii mana lamaiyuo dupwa kamba lao nembarami doko silyu. Dopa pyuo yuu gii ene eparamo dupwana Kamongome daa lenge dupwa pyuo kararami dokome baa imbwanyi pyambuo randa nyeramilyamo, leya.

Dutaronome 4:23

Nakamana Kamongo Anatu dokome nakama keta kana minyuo lalu lao lenge langiyamo doko kame seramano lao kando karalapape. Nakama rangeme mee bange anatu lapo waseramano kando lao karo banya mawa pii warombo soo minyuo karalapape.

Dutaronome 4:25

Nakama yuu dakena ee kana malu mee pao karapala wane manjiraminyi dupwana dee wane manjiraminyipape nakama range koo pyuo mee bange anatu wakalena mendemepe waso pii narami. Yulu doko Kamongona lenge kambu dokona koo ingyuo papala baa imbwanyi pyambwara.

Dutaronome 9:12

Pyao jepala dokopa Kamongome namba langyuo, Embena wambu yuu Isipi yaki nyuo lanyuo epee kande dupwame yulu kopetame pyuo nambame yulu pinya lao mawa pii lamaiyunu dupwa kaeyo otapala nakama rangena mee bange anatu doko wasiyami. Dokona lao yuu kyau dokona karo waiya lao lupyuo puu, leya.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.