Dutaronome 4:1 - Anatunya Buku Baepole Ole Testamene Pii Lapo dee Nuu Tesamene

¹ Moseseme wambu dupwa lamaiyuo, Nambame mawa pii mana langilyu dupwa peparae warombo serami ramo doko nakama lete karo Kamongo doko nakamana rora ambasu dupwana Anatu dokome yuu doko jipyamo dokona palyuo kararami.

Dutaronome 4:1 ပူးပေါင်းရင်းမြစ်များ

Samu 105:45

Renge doko banya wambu dupwame banya lowa dupwana kamba laa nao karo mawa pii lasi dupwa minyakao karo pirami lao piya.

Ekesetase 18:20

Embame Anatunya mawa pii dupwa mana lamaiyuo wambu dupwa apa pyuo mondo lao palyuo karapenge dee aki yulu pipenge lao polo lamairi.

Isikiolo 36:27

Nambame nambana imambu doko nakamana mona rena palyapala nambana lowa pii kuki epengepe jiyunu dupwa apa pyuo minyilyaminyi lao kando kararo.

Isikiolo 37:24

Kiŋi mende nambana kendemande Dapiti yale dokome nakama iso karara. Nakama kiŋi mendakimi isaramo dokopa mendakinya ingyuo nambana mawa pii dupwa warombo soo mondoko lao minyarami.

Lipitikase 19:19

Nambana mawa pii letamuli pyuo minyalapape. Nakamana mena bulamakao dupwa mena rara wakale dupwa pipya pyaso kepo pyuo yakane manja kaena dee waingi rara lama minyuo pyaso ee mendakinya wara pii nalapape. Komau eleko rara lamame pyaso wapu nalapape.

Lipitikase 19:37

Namba Kamongo dokome mawa piipi mana pii dupwape jiyu kande dupwa poraiyuo minyuo karalapape.

Matyu 28:20

Nambame nakama dopa pipwape dopa pipwape lao langyuo karenge pii dupwa peparae minyuo pyuo karena lao mana lamaipwape. Dokopa isa wambu karamano yuu gii doko ene lumwa pipa naramopa namba nakama pipya yuu peparae role pyao kararama lyakande, leya.

Luku 1:6

Nakamba laparae Anatunya lenge kambu dokona Kamongona mawa pii andake kukipi ama kaeya nao minyuo kareyambi.

Jone 15:14

Nambame nakama pipya lao laronuli pyuo kararami ramo doko nambana puu minyingi ingyuo kararamisa pira.

Orome 10:5

Pii dokona lao Moseseme apa pyuo Lowame namwa Anatupa nyuo rolara lao pyao reto dokopa, Lowame laramuli pyuo pipala Anatupa rolae ingyuo kararami leyapya.

Dutaronome 1:3

Isipi yaki nyuo epeyaminyipa ee kana akalisa kisima epo peyamopa yuu gii mupwa kana akalisa ipisu mendaki dokona Moseseme wambu dupwa Kamongome pii lamainya lao lamaiyamo dupwa peparae lamaiya.

Dutaronome 1:8

Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.

Dutaronome 13:1

Pii nolakao lenge akali mendeme panda kombeya iso polo lenge akali mendemepe nakama kando lalu lao lao, Yulu wambumi pii nangepe kando yamarangungipi dupwa pirama, larami.

Dutaronome 30:16

Nakamana Kamongo Anatu dokona mawa pii epapu nambame nakama jilyu dupwa warombo soo pyuo karo baa mona reto baa leyamuli pyuo pyuo banya lowa pii dupwa mondo lao reto minyuo pyuo karo pirami ramo dokopa nakama kamonganyi pyambuo wambu rara malu ingyuo palyuo kararami. Dokopa nakamana Kamongo Anatu dokome yuu nakama nyuo palya panya pilyaminyi dokona nakama elyape keta pisara.

Dutaronome 30:19

Dokona nambame epapu renge kata lama jilyu dolapo lete karenge dokope kumungi dokope dee Anatumi elyape keta pisingi dokope dee koo keta pisingi dokope jilyu. Jepala nambame yake yuupi dolapome nakama angi renge dolapona mende rombo palyuo nyeraminyi dokona usinisi lakana lao kee leto. Lete karenge renge doko rombo palyalapape.

Dutaronome 30:20

Nakamana Kamongo Anatu doko mona nyepala baapa rape rape lao yaki nyii nalapape. Dokopa nakamape nakamana wane para pyao manjo paraminyi dupwa pipya yuu nakamana imbwange Aporakame Aisake Jekopemoo mairuŋu lao lalu lao lao kaeyamo dokona yuu gii andarele palyuo kararami ingilyamo.

Dutaronome 4:40

Epapu nambame nakama banya mawa pi jelono dokona rape rape lao kararami ramo nakamape nakamana manjiraminyi dupwape kapa karo parami. Nakamana Kamongo Anatumi yuu nakamana ingyuo sulu sera lao jilyamo dokona nakama mee palyuo puu parami.

Dutaronome 4:8

Epapu lowa pii mana langipunu dupwa ama rolae pingi. Yuu wakale dupwana rara andake ingyaramopape lowa dopale mende minya nalyaminyi.

Dutaronome 6:1

Nakamana Kamongo Anatu dokome mawa pii dapwa peparae nambame nakama mana lamaipi lao namba langiya. Nakama palyuo kararami yuu pyaka soo panya pilyaminyi dokona karo warombo soo karalapape.

Dutaronome 6:24

Dokopa namwana Kamongo Anatu dokome namwa mana langyuo mawa pii dapwa peparae rape rape lao minyuo baa mupwa lao suu pyao pako karalapape, leya. Namwa dopa pirama ramo dokopa baame yuu peparae namwana rara dupwa iso karo nyisaramopa kapa mondo lao au pyuo palyuo puu parama.

Dutaronome 7:11

Dokona lao nakama mana langiyaminyi pii dupwa warombo soo karalapape. Dopa pyuo karo dokopa epapu nambame mawa pii jilyu dupwa peparae rape rape lao minyuo karalapape.

Dutaronome 8:1

Epapu nambame mawa pii nakama jilyu dupwa rape rape lao kandokondali pyuo minyuo karalapape. Dokona lao Kamongo dokome nakamana rora ambasu dupwa kando yuu jeroŋo lao lalu lao leyamo dokona nakama ama malu soo kaeyo ingyaramopa palyuo kararami.

Dutaronome 8:11

Nakamana Kamongo Anatu doko nakamame kame sisaramano lao kandokondali pyuo karalapape. Banya mawa pii nambame epapu nakama jilyu dupwana mendepe isa paa nana lao kando rape rape lao karalapape.

Dutaronome 9:1

Isaraele wambu dupwa selapa. Nakama ipwa Jotane oo repeta yalo papala yuu nyuo palirami doko rara wakale palenge dupwa andake ingyuo nakamana porai renge doko isa palyuo karaminyi dupwana yuu ingyuo silyamo. Nakamana taone andake kana kame londe dokome pyuo yaki dokona suu lenge.

Josua 3:9

Dokopa Josuame wambu dupwa lamaiyuo, Dae epapala nakamana Kamongo Anatumi pii mende langira doko selapape.