Dutaronome 34:9 - Anatunya Buku Baepole Ole Testamene Pii Lapo dee Nuu Tesamene

⁹ Ee lao piso oteyaminyi dokopa akali Nanena ikinyingi Josua mona palenge renge palyuo pyoko pyoko leya. Renge doko Mosese baame banya panda nyera lao rombo palyuo dokopa leyamuli pyuo piya. Isaraele wambu nakamame Mosese keta Anatunya mawa pii epeyamo dupwa Josuame leyamo dokona rape rape lao minyiyami.

Dutaronome 34:9 ပူးပေါင်းရင်းမြစ်များ

1 Kiŋi 3:12

Dokona embame piso silini dupwa nambame piru. Pipala nambame emba singinya renge konda pyuo joo dee soo nyinginya renge joo piru doko wambu mendemepe wamba nyii nalu nange dee mendemepe rengya nyii nalu naramiko doko jero.

1 Kiŋi 3:9

Dokona lao keyange koopena wakale wakale doko anjuku lao soo nyuo dee kata rolae dokona soo rolo piru ingilyamo dokona embena mona palenge singinya renge doko namba jepe. Jii nare ramo doko embena wambu malu dapwa nambame apa pyuo reto karo rapu pyakarose? leya.

2 Kiŋi 2:15

Peyamo dokopa poropeta akali akalisa kingi paki Jereko range dupwame baa kandapala dopa lao, Ilainjana porainya renge doko Ilaisa keta palyamo, leyami. Dopa lapala nakama Ilaisa kando nyela pao nakama banya lenge kambu siyamo dokona pao ponga neyami.

2 Kiŋi 2:9

Dumurena peyambinyipa Ilainjame Ilaisa piso soo leya, Namba ene nyepala paa naronopa wambo nambame aki mende emba keta pyakapili lao suu pilini, leya. Dokopa Ilaisame isingi lao, Rakange dokome banya ikinyingi moyange bange maingi doko suu pyao namba embena porainya renge doko jerene kando nyepala dokopa namba emba alo pyuo embena panda nyero doko, leya.

Ekesetase 12:28

Dopa pipala pao Kamongome Mosese Eronepa pinya lamaiyamuli pyuo piyami.

Aisaya 11:2

Anatunya Imambu dokome baa mona palenge singinya renge soo gisinginya rengepe mora petengena rengepe baa keta mairamopa baame banya wambu dupwa iso karara. Baame Anatumi dopa pipyali lao suu pyaramo dupwana soo gisapala baa ketae pyambuo kararamopa

Daniele 6:3

Dokopa Danieleme gapomane akali dupwape yulu isingi akali dolapope nyuo isa palyuo baa yulu kamame keyange ingyuo pinya piya. Baa ama mondo koo lao pinya piyamosa kiŋi dokome banya isingi yuu peparaena Daniele baa mupwa ingyuo karapyali lao suu piya.

Nambase 11:17

Namba isa epapala dokona nakama pipya pii langiru. Dee nambame Imambunya porainya renge nambame emba jiyunu dupwana lapo nyuo nakama mairu. Dokopa akali dupwame emba nyiso wambu dupwa rapu pyuo yulu pyakamiraminyi dokopa embame iki yulu pii nare.

Jone 3:34

Dokona lao Anatumi mapanyi peeyamo epeyamo dokome Anatunyako pii lao karamo. Anatumi Imambu doko pingyapala mainginde daa.

APOSELENA YULU 6:6

Rombo palyapala akali dusipa aposele dupwana lenge kambu siyamo dokona karena leyaminyi dokopa aposele dupwame nakamana kingi nakama ketae reto ateŋa lakamiyami.

Dutaronome 34:8

Isaraele wambu dupwa banya lao yuu gii akalisa rema Moape yuu dokona kumanda ee lao peteyami.

1 Timoti 4:14

Poropeta akali dupwa misi andake lao kareyaminyipa Elyambu Pinginya mupwa dupwame emba elya pyuo pyambuo nakamana kingi dupwa embena kyawana reteyami dokopa Imambumi emba keta mora petenge jiyamo doko mee kaka soo nemba napipi.

1 Timoti 5:22

Kamongona yulu dokona mendali langa waiya lao rombo palya napipi. Mendena koo piramo dokona mee isa lakao palele lapala pii nao range waso kandanyi nembo karare.