Dutaronome 33:3 - Anatunya Buku Baepole Ole Testamene Pii Lapo dee Nuu Tesamene

³ Kamongome banya wambu dupwa mona reto kyawa minyingi dokona lao namwa banya kimbu silyamo dorena pangu sepala baame langilyamuli pyuo warombo singi.

Dutaronome 33:3 ပူးပေါင်းရင်းမြစ်များ

Samu 47:4

Namwa yuu palamano doko baame palirami lao nyuo jiya. Wambu baame mona reteyamo dupwa yuu dokonyuo palipala kimbu pisipyamo karamano lao suu pilyaminyi.

Jeremaya 2:2

Wambu peparae Jerusaleme petaminyi dupwa wai pii dake lamaila pupi. Nakama wane ene dokopa namba yaki nyii nao suu pyao mona reto kareyami kande lao suu pyao karapunu pilyamo. Enda mapwae kanda soo yapo nyepala dokopa mona retalamuli pyuo nakamame namba mona reto kareyami. Nakama yuu muiyane dokonape dee yuu ee nengepe wara pii nange dokonape nakama namba moko minyuo epeyami.

Jeremaya 31:3

namba nanesale karo nakama keta nolakayo. Isaraele wambu dupwa nambame nakama yuu peparae mona retengenyili pyuo nambana mona reto retenge puu penge renge doko lasaka pyuo karalu kararo.

Osia 11:1

Kamongo dokome leya. Isaraele wambu dupwa wane nyaŋana mendeke ingyuo kareyaminyi dokopa nambame mona reto kareyo. Karo yuu Isipi yaki nyuo nambana waneŋe lao neta epena leyo.

Malakae 1:2

Kamongome lao, Nambame nakama yuu peparae mona retelyo, letamo. Dopa pipunupape wambu nakamame isingi lao dokopa, Embame apa pyuo namwa mona retengese? letaminyi. Dokopa Kamongome isingi lao, Iso Jekopepa ane yangongepa dokona nambame Jekope baape banya rara wambu wai kiso nyiyamo dupwa peparaepe mona retelyo, leya.

Matyu 23:2

Mawa Pii mana lenge akali dupwape Parisi dupwape Mosesena apo dokona alo pyuo petaminyi.

Luku 10:39

Banya kakingi mende kingi Maria lenge peteya. Dokome Kamongo dokona kimbu siyamo dokona pisipala banya mana pii soo peteya.

Luku 2:46

Papala yuu rema epo papeyamopa tembole anda dokona peteyamo kando nyiyambi. Baa mana lenge dupwa peteyaminyi dokona role pyao piso nakamana pii sepapu piso soo peteya.

Luku 8:35

Dopa piyamisa wambu dupwa kandala epeyami. Epo Yesu kareya dokona epapala akali imambu koo dupwa rekya lao peyamo doko Yesunya kimbu siyamo dokona komau wapuo banya suu pingi doko rolae paleyamopa peteyamo kandeyami. Kandapala pakayami.

APOSELENA YULU 22:3

Namba Juu akali yuu Silisia dokona Tasasa yuu range. Dokona mandeyaminyipape anda malu repe repe pyuo karenge dakena mana lenge andake Gamaliele dokona mana pii soo peteyo. Namwana rakange kyawa dupwana Mawa Pii dupwa kandokondali pyuo karenge yulu dokonako palyuo pyuo karape lao poraiyuo mana langiyamopa epapu nakama peparaeme Anatu waa waa karo suu pyao karaminyi doko suu pyao namba dopako pyuo kareyo.

Dutaronome 4:37

Nakamana rora ambasu dupwa mona reteyamo dokona baame nakama rombo palyuo banya porainya renge wakasa dokome baa rangeme nakama yuu Isipi yaki nyuo kiiramo minyuo epeya.

Dutaronome 6:1

Nakamana Kamongo Anatu dokome mawa pii dapwa peparae nambame nakama mana lamaipi lao namba langiya. Nakama palyuo kararami yuu pyaka soo panya pilyaminyi dokona karo warombo soo karalapape.

1 Tesalonaika 1:6

Nakamame Kamongona yulu dokonape namwa piyama dokonape kimbu moko minyuo pyuo kareyami. Randa andake nyuo dokopa waili pii keyange soo nyiyami. Dokona Imambu Poo Pyasimi nyisiyamopa rae maiyuo kareyami.

1 Pita 1:5

Lumwa pingi yuu gii pyaka seramopa Anatu namwa lete wai pyao nyero lao reteyamo doko kandalana iso karaminyi. Baa kapa ingingi lao suu pilyaminyi dokona baa banya porai renge dokome nakama kyawa minyaro karamo.

1 Jone 4:19

Baame namwa wambo mona reteyamo dokona lao namwame baa mona reto karamano.

1 Samyuele 2:9

Kamongome wambu banya yulu kare kare soo pyuo karenge dupwa kyawa minyingi. Dopa pilyamopape yulu koo pingi dupwa iminjingi dokona nyuo ope ape pokenge. Akali rangena poraindeme koo dupwa nyuo kalyuo anamengende daa.