Dutaronome 32:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa piyamopape Jekopena para pyasi wambu dupwa baa rangena ingyara lao rombo palyiya.

Dutaronome 32:9 ပူးပေါင်းရင်းမြစ်များ

1 Kiŋi 8:51

Nakama embena range kipungi wambu. Yuu Isipi dokona randa andake nao kareyaminyi dokopa nakama nyuo minyuo epee kande.

1 Kiŋi 8:53

Embame wambu dupwa embena range ingyara lao wambu peparaena rombo palyii kande. Namwana rora ambasu dupwa Isipi yaki nyuo minyuo epeene dokopa embena kendemande akali Mosese keta nakama dopa lamai.

Samu 33:12

Yuu liti andake mende Anatu Kamongo ingyuo pelyamo lao suu pilyaminyi dupwa rae maiyuo parami. Wambu baa rangena lao rombo palyuo nyiya ingilyamo dupwa rae maiyuo parami.

Ekesetase 15:16

Walu lao pakange renge dupwa nakama keta palamo. Embena porainya renge wakasa palipyamo dokona nakama romo pii nao isa karele letaminyi. O Kamongo, embena wambu dupwame pakiki palyama mee parami. Dee embena wambu angi range kulisa embame kiiramo nyipinyi dupwa dopako pyuo parami.

Ekesetase 34:9

Lakando baame lao, Kamongo embame namba kando angi rae mairi ramo doko namwa pipya emba role pyao mona ipu lao piso silyu. Wambu dapwa mona kana pokolyaminyipape embame namwana koo peparae nyuo kame sakapala namwa emba rangena wambu ingyuo manjo nyepe, leya.

Aisaya 43:21

Nakama nambana wambu namba rangeme wasiyunu petaminyi dupwame namba lakando kenane pyarami ingilyamo.

Jeremaya 2:7

Nambame nakama yuu amenge pingi nenge jingi lyingipi singi dupwana rae maiyuo dee nenge lapo dupwana rae maiyuo pirami lapala nambame nakama lanyuo peyo. Dopa piyunupape nakamame yuu au pyuo narami doko suu pyao nakamame nambana yuu doko lulya ranyi nembo kokwa siyami.

Maeka 2:5

Dopa pipala enakana Kamongona wambu dupwana yuu doko range maira dokopa kamba rombo pyao nyerami yuu gii dokopa nakama mendepe nyii narami.

Epesasa 1:18

Nambame ateŋa lao dokopa imambunya lenge pendakae lapala Anatunya yanga paupau lasi dupwa kandamili lao lakalyo. Baame banya wambu keta keyange pyakarono renge dupwa kandarami lao kee lao sukusa ipupwape leya.

Dutaronome 9:29

Wambu dasipa emba rangena lao rombo palyepala embena porai renge andake dokome yuu Isipi yaki nyuo lanyuo epee kande. Dokona lao embame nakama pyao kokwa soo nemba nare ingilyamo lao ateŋa leyo, leya Moseseme.

Josua 24:17

Lapala namwana Kamongo Anatu dokome namwana rakange dupwape namwape yuu Isipi dokona kendemande yulu pyakamyuo kareyamano dokopa neta nyuo lanyuo epeya. Epeyamo dokopa yulu andake piyamo dupwa namwame kandeyama. Namwa panya peyamano dupwana akali rara wakale wakale dupwame namwa pyalana piyaminyipape Anatumi namwa nyuo retaro karo nyiso lanyuo peya.

1 Samyuele 10:1

Dokopa Samyueleme isa olipi jingi mamba wele ipwange pee doko nyepala Solena kyawa dokona kulimbwakamipala baa nyinyi piya. Nyinyi pipala lao, Kamongo dokome emba mupwa ingyuo banya Isaraele wambu dupwa isakare lao rombo palyilyamo. Emba wambu dupwa isakamyuo karo nakamana nyisu petenge dupwa alya isa minyili laro karare. Kamongome rombo palyuo otelyoŋo lao doko emba katasa parene dokopa mende piramo dokome nolakarasa pira, leya.