Dutaronome 32:6 - Anatunya Buku Baepole Ole Testamene Pii Lapo dee Nuu Tesamene

⁶ Nakama kopyali kyawa sisingi pali nange dupwa dopa pyuo nakamame Kamongo doko rape rape lao kararamisi? Baa nakamana rakange dokome nakama wasiya. Baame nakama rara andake ingyuo wasinyi pyambuya.

Dutaronome 32:6 ပူးပေါင်းရင်းမြစ်များ

2 Samyuele 7:24

Isaraele dupwa embame emba rangena wambu ingyuo puu parami lao rombo palyapala emba Kamongo doko namwana Anatu angingyuo karenge.

Samu 100:3

Kamongo doko Anatuŋu lao kame see nalapape. Baame namwa wasiya dokona namwa banya wambu ingilyamo. Namwa banya sipisipi dopale.

Samu 116:12

Kamongo baame nambapa lao yulu keyange pilyamo dokona aki mende banya pipakamiwane lao sepa nalyo.

Samu 95:6

Namwa wapambu pii pyaro piso Kamongo namwa wasiyamo dokolakandamana. Ipupwa.

Ekesetase 15:16

Walu lao pakange renge dupwa nakama keta palamo. Embena porainya renge wakasa palipyamo dokona nakama romo pii nao isa karele letaminyi. O Kamongo, embena wambu dupwame pakiki palyama mee parami. Dee embena wambu angi range kulisa embame kiiramo nyipinyi dupwa dopako pyuo parami.

Ekesetase 4:22

Dokopa embame Perao lamaiyuo, Kamongo dokome dopa letamo. Isaraele rara dupwa nambana wane mupwa kyawalengya lao mandengeŋe.

Aisaya 1:2

Kamongome lao, Yake yuupa dolapona nambame pii leto doko apa pyuo leene lao serambi, leya. Wane wanakepe nambame manju andanyi pyambwapu dupwame namba yanda pimwailyaminyi.

Aisaya 43:1

Isaraele wambu dupwa, nakama wasiyamo Kamongo Anatu dokome lao, Nambame nakama kyawa minyaroŋo paka nalapape, letamo. Nambame nakama kingi leyoŋo. Nakama nambana angingyuo karaminyiŋi.

Aisaya 43:7

Nakama namba rangena wambu. Nakamame nambana kingi andakinyi nembo yulu pirami lao nambame nakama wasiyu.

Aisaya 44:2

Namba Kamongo dokome nakama wasiyu. Nakama ene nyaŋa manjo nyiyami dokona piso nambame nyiso epeyo. Nakama paka nalapape. Nakama nambana kendemande wambu. Namba rangena rombo palyiyu dokona nambame mona retelyo.

Aisaya 63:16

Emba doko namwana rakange angi. Namwana rora ambasu Aporakame Jekopepame namwa soo nyii nange. Dopa pimbinyipape emba Kamongo namwana rakange dokome yuu peparae namwa koo dupwana nenge raka lao nyuo karenge.

Aisaya 64:8

Dopa pilinyiko doŋo Kamongo emba namwana rakange. Namwa mee wara yuu komba awai dopale ingyuo karamano. Dee emba yuu dokome penge angi wasingi akali dopale ingyuo karene. Embame namwa pyuo wasii kande.

Osia 13:13

Isaraele dupwa yuu gii mende mairunu palu kararami ingyapyamopa nakama wane nyaŋa ene manjana pilyaminyipa romba anda piso epana saka nange dopale ingyo yuu gii doko nyelana kopyali minyuo yakara pilyaminyi.

Malakae 1:6

Kamongo Porai Wakasa dokome purisi dupwa lamaiyuo lao, Ikinyingimi rakange rape rape lenge kandape. Dee kendemande akali dokome banya yulu pyakamingi akali doko kando rape rape lenge kandapi. Namba nakamana rakane doŋo akipamo nakamame namba kando rape rape laa nalyamisi? Namba nakamana mupwa doŋo akipamo nakamame namba paka nalyamisi? Nakamame namba kilya kando kandelyaminyi. Kandapala piso soo lao, Apa pyuo namwame emba kilya kandelyamase? letaminyi.

Jone 8:41

Nakamana rakange pyuo kareyamuli pyuo nakamame pyuo karaminyi leya. Nakamame baa lamaiyuo, Namwa Anatu kaeyapala kura ipwa likya likya ingyuo kara nalyamano. Namwana Rakange mendaki angi doko Anatuko karenge leyami.

APOSELENA YULU 20:28

Nakama range yulu koo pisasarama lao kandokondali pyuo waso karo Imambu Poo Pyasimi sipisipi rapu pyuo kararami lao jiyamo dupwa mondo koo lao rapu pyuo karalapape leto. Anatunya Elyambu Pingi doko mondo lao rapu pyuo karalapape. Baame banya Ikinyinginya ranjama dokome kiiramo nyiya kande.

Orome 8:15

Anatumi Imambu jiyamo doko baa nakama puu maipala pako kararami lao epeyande daa. Baa nakama keta maralyapala banya wane angingyuo pyambuyamopa nakama Anatu kando Rakane, nambana Rakane lao karaminyi.

1 Korina 6:20

Anatumi nakama kiiramo nyuo kaeya dokona nakama banya. Dokona lao nakamana yongo dupwame Anatunya kingi ketae pena lao pipwape.

Galasia 3:26

Yesu kapa ingingi lao suu pingi dokome nakama peparae Anatunya ikinyingi ingyuo Koraisa Yesunya arapunya karaminyi.

Galasia 4:6

Epapu nakama banya Ikinyingi ingilyamo dokona lao Anatumi banya Ikinyinginya Imambu, Rakane nambana rakane lenge doko nakamana mona dokona palena leya.

Dutaronome 32:15

Kamongona wambu dupwa kamongoyaminyipape nakama mona kana poko kamba leyami. Dopa pyuo nakama mendasape kakasera kando lao nenge pyano sepala ando ama rondo lasi ingyuo kareyami. Nakamana Anatu dokome nakama wasiyamo doko kame soo kaepala dee nakama lete wai pyao nyingi akali porai doko mata maiyami.

Dutaronome 32:18

Nakamame nakamana Anatu dokome nakama lete wai pyao pyuo nyingi porai dokome nakama letena renge maiyamo doko kame siyami.

Dutaronome 32:28

Isaraele wambu dupwa kyawa sisingi bolombalo lao mona kuki mendepe pali napyamo karaminyi.

2 Pita 2:1

Wambo dokopa akali lapo poropeta akali angi daa kyambo lenge dupwa lao epeyami doko suu pyao dokore lapo dee kamba eparami ingilyamo. Nakama Lete Wai Pyao Nyiyamo Kamongo doko mata maipala nakamana kyambo pii dokome Elyambu Pingi wambu ukiaki minyarami. Yulu koo doko nakama keta lalyuo ingyuo eparamopa nakama waiya lao kokwa sera ingilyamo.

1 Jone 3:1

Rakange Anatu namwa renge kuiyuo mona reteyamo dokome namwa banya wane wanakepe leya dokona suu pyaokondali pipwape. Namwa mee dopa rapisa lao wane wanakepe laa nange. Namwa banya wane wanakepe angingyuo karamano. Dokona isa yuunya suu pingi wambu dupwame Anatu apa pyuondeme pyuo karamo lao soo pakana palya nayami doko suu pyao namwa apa pyuondeme pyuo karaminyi lao soo pakana palya nalyaminyiko.