Dutaronome 32:4 - Anatunya Buku Baepole Ole Testamene Pii Lapo dee Nuu Tesamene

⁴ Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 32:4 ပူးပေါင်းရင်းမြစ်များ

Jenesese 1:31

Anatumi bange piyamo dupwa peparae ama keyange ingyuo peyasa kandeya. Kwuara yangara doo piyamo dokome yuu gii pakinyamange ingiya.

Jenesese 18:25

Koo rolaepa pakao kokwa sinyi nembalena emba yulu dokore nombe nombe petenge kandapi. Emba yuu muu dupwana koo keyangepana lao rolo karenge dokome rolo laa nao wambu koo keyangepe komonda kata palyuo nembarese? leya.

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

2 Samyuele 23:3

Isaraele wambunya Anatu dokome pii leya. Isaraele wambunya konambe ingyuo alya isa ingingi dokome namba langyuo lao, Kiŋi akali kata rolae dokona iki wambu dupwa iso karo dee Anatu lengenyili pyuo iso karenge doko

Niyamaya 9:8

Embena yulu dokona yaki nyii nao mondo lao pyakao kareyamo kandee. Dokona embame baapa kando lao kana minyuo lalu lao lee. Embame yuu Kenanepe Iti rangepe Amo rangepe Perasi rangepe Jepusi rangepe Gukase range dupwa palenge dupwanape banya ree palu dupwa palirami lao Mairu lao doko lalu lao leepya Embame lenge nyili pyuo pingi dokona embena lalu lao lenge doko kaeya nao minyingi.

Samu 100:5

Kamongo doko keyange. Baame namwa kulisa palyuo mona reto karalu karenge. Baame namwa yaki nyii nao namwa keta keyangeko pyuo puu penge.

Samu 145:17

Kamongo baame yulu pilyamo dupwa rolae dokonako pingi. Baa wambunya lao sakame kumuo yulupyakamyuo karenge.

Samu 19:7

Kamongona mawa pii dupwa nyisu yakunaipi pisa nao singi dokome wambu enenge ingyuo porai renge maingi. Kamongona mawa pii dupwa soo nyepala karapenge ingilyamo dokome yangilyamo karelyaminyi wambu dupwa singinya renge maingi.

Samu 33:4

Kamongona yulu dupwa angingyuo pao banyapii dupwa kinyi ingyuo silyamo.

Samu 90:16

Namwa embena kendemande dupwame embenayulu doko porainya renge kuiyuo pirinyipa kandenale. Namwana jingi parape dupwame embena neta rengena yulu porai doko kandenale lao piri.

Ekesetase 34:6

Dokopa Kamongome Mosesena lenge kambusa papala kee lao lao, Namba Kamongo doko Anatu kondome kumuo nyiso karenge. Dopa pyuo karo dokopa namba waiya lao imbwa nange. Dee namba yaki nyii nao mona retenge renge andake doko nakama keta palyingi.

Ekelesiyastisi 3:14

Anatumi yulu peparae pingi dupwa ama sulu seraŋa lao pingi doko namba silyu. Embame dokona mende konda pyuo pyuope dee dokona mende nyisa nyuo nembope pii nare ingilyamo. Anatumi namwame baa mupwa lao suu pyao pako paliramiŋi lao pingi.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Aisaya 32:2

Nakama mendaki mendaki lao dupwa yuu penda penda dokona raiya minyuo neta rao randa piramo dokopa kananda dokona yalu pingi dopale ingyuo dee porambaiye eparamopa mendena pao alya minyingi dopakale ingyuo parami. Nakama yuu muiyanena ipwa epo penge dopakale ingyuo dee yuu ee nengepe jingi lyuo anda nange dupwana kana londe lapo petenge dokona rau lenge dopale ingyuo parami.

Jeremaya 9:24

Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Daniele 4:34

Kiŋi dokome lao, Ee kana yanda ipingi nyepo papeyamo dokopa yake dulu kandalyuo kandeyo. Kandapala suu pingi wambu kopyali minyuo suu pyao kareyo doko kaepala Anatu Mupwa Andake Wakasa karenge doko ketae pyambuo rape rape lao lakandeyo. Baame iso rapu pyuo karalu karara. Banya isingi yulu doko yuu gii peparae soo puu para.

Daniele 4:37

Dokona epapu namba Nepukatenesame, Yake Pandana Kiŋi doko kingi ketae pyambuo rape rape lao lakandelyo. Renge doko yulu peparae baa keyangeko pingi. Baa yuu peparae rolaeko pyuo karo wambu mendali kamame ulipili mupwa lao suu pingi dupwa nyuo kui lao kuki ingyuo inyimungu karena lao pingi, leya.

Apakuku 1:12

Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.

Apakuku 1:13

Embame akali koo panga singi dupwa akipamo mee pyuo karena lapala kando karese? Embena lenge ama poo pyasi keyange dokome koo dupwa kandare ingya nange. Wambu yulu koo pingi dupwa embame epe kanda nange. Dokona akipamo yulu koo pingi wambu dupwame wambu yulu rolae pingi dupwa kokwa sinya lapala romo napyuo karese?

Matyu 5:48

Dokona nakamana Rakane yake panda karenge doko ama rolae wakasa pyuo karamo doko suu pyao nakama ama rolae wakasako pyuo karalapape.

Jone 1:14

Pii doko baa isa wambunya yongo nyepala namwa pipya role pyao kareya. Kinyinya rengepe mona keyange palyuo ipingi rengepe baa keta palyuo simbuyamopa ama yanga paupau lao kareyamo kandeyama. Baa Ikinyingi mendaki dokona Rakangeme yanga paupau lao karenge renge doko baa keta pyamalyiyamo kareya.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Jone 14:6

Yesumi baa lamaiyuo, Namba kata angi dokope kinyinya renge dokope letena renge dokope karo. Mendali namba keta epa nara ramo doko Anatu karamo dokona kando nyii nara.

Jone 5:22

Rakange baame akali mende kando yapalya yapana pyuo laa nange. Baame wambu yapalya yapana pyuo lenge yulu doko Ikinyingi maiya.

Orome 1:32

Anatunya mawa pii dokome lao dokopa wambu yulu dopa pyuo pingi dupwa kumarami ingilyamo letamo doko silyaminyi. Sepalako karo kata koo dupwanako pyulu pyuo pilyaminyi. Dee wambu lapo koo pilyaminyi dokona mee kyanyi kando karaminyi.

Orome 2:2

Anatumi wambu yulu koo dopale pingi dupwa keta kote rolo lenge dokopa rolae pyuo karamo lao silyamano.

Orome 2:5

Dopa pipyamopape nakamana mona kana pokwapala soo nyii nalyaminyi dokona Anatu koo dupwa epe nasepala rolo laramo yuu gii dokopa nakamame kamame koo ingyuo randa nyerami kata doko range wapuo karamisa pilyamo.

Orome 3:5

Namwa isa wambu koo pingi dokona Anatu baa iki rolae doko panara. Dokopa aki pii laramase? Anatumi namwa randa jingi doko baa koo pilyamo laramase? (Pii doko mee wambunya pii lenge doko makande pyuo lapusa pilyamo.)

1 Korina 10:4

Dopako pyuo Anatunya kana nakama role pyao peyamo dokona kana dokona ipwa doko naoko peyami. Kana doko Koraisa baa range.

Dutaronome 10:18

Baame wane wanake muiyanepe enda waiyape dupwa kando rolae pyakamingi. Baa yuu rara wakale wambu namwa pipya palenge dupwa mona reto nenge komaupi maingi.

Dutaronome 32:15

Kamongona wambu dupwa kamongoyaminyipape nakama mona kana poko kamba leyami. Dopa pyuo nakama mendasape kakasera kando lao nenge pyano sepala ando ama rondo lasi ingyuo kareyami. Nakamana Anatu dokome nakama wasiyamo doko kame soo kaepala dee nakama lete wai pyao nyingi akali porai doko mata maiyami.

Dutaronome 32:18

Nakamame nakamana Anatu dokome nakama lete wai pyao pyuo nyingi porai dokome nakama letena renge maiyamo doko kame siyami.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

Jemesa 1:17

Bange ama keyange yapasi namwa keta epenge dupwa yake panda dokonako piso epenge. Yakena neta kanape rao karamo dupwana Rakane baameoko keyange dupwa joo karenge. Baame yuu peparae mee yanga paupau lao karo neta kapu kyepala anda pao dokopa yuu kone pupuripi pingi dopale ingyuope alowa pii nange.

Jemesa 4:12

Anatu baame yeelyo lowa dupwa waso reto koo keyange lao yapalya yapana pyuo kararali. Baameko lapo lete nyuope lapo kokwa sinyi nembope yapara. Dokona ingyuo emba apiyakalendeme wambu yango dupwa kando koo keyange lao pakana palyuo larese?

1 Pita 2:6

Buku Baepolena pii mende pyasi palamo doko, Kana keyange mende yapo nyepala yuu Sayone dokona mupwa ingyuo pisilyu letamo. Mendeme kana dokona mona maira ramo doko baa kanjakala parami ingya nalyamo letamo.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.