Dutaronome 32:31 - Anatunya Buku Baepole Ole Testamene Pii Lapo dee Nuu Tesamene

³¹ Yanda pimwai dupwame nakamana anatuŋu lenge dupwa angi mende daalyamo. Isaraele wambunya Anatu doko ama porai wakasande karamo lao silyaminyi.

Dutaronome 32:31 ပူးပေါင်းရင်းမြစ်များ

Esera 1:3

Nakamba Anatunya wambu dupwa Anatu role pyao karena. Dopa piramopa nakama yuu Jerusaleme dokona papala Isaraele wambunya Anatu yuu Jerusaleme dokona lakandenge Kamongo dokona tembole anda doko kamba pyakamipwape.

Ekesetase 14:25

Dokopa baame mena oseme ipyuo pengena uliuli kimbu dupwa ipwa kee dokona yalyiyasa panya saka nayami. Isipi wambu dupwa doko mende piyasa kandapala Kamongome Isaraele wambu dapwa nyisapala namwa pyalyamoŋo dakena karo kaeyamana, leyami.

Ekesetase 8:6

Leyamo dokopa Eroneme banya pangali isa doko ipwa peparaena ketae palyuo minyalyiyamo dokopa mungi dupwa ketae epapala yuu dupwa minyarambu nyiya.

Aisaya 31:9

Nakamana kiŋi doko pako yamarangupala pyako para. Dokopa akali ami mupwa dupwa ama wakasa pakapala yanda pela pao dokopa minyuo penge komau palake dupwa kame soo yaki nyepala parami. Kamongo Jerusaleme dokona misi lao lakandenge dokona isare rao karelyamopa mena pyao kiso maingi, Kamongo dokome leya.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Daniele 3:29

Dokona epapu namba mawa pii palyuo leto, leya. Yuu muu peparae dupwana wambu mendemepe dee pii rara wakale wakale lenge dupwana mendemepe Setarake Mesakemoo Apenekomoona Anatu dokona kingi doko nyuo isa palyaramo wambu doko banya kimbu kingipi pyao suu lanyi nembo banya anda doko yuu sinjimupi manjomomo nao para. Nakamana Anatu nyiso lete nyipyamo dopale mendepe kara nange.

Nambase 23:23

Wambu mendeme Isaraele wambu dupwa keta pyamwali lao nemongape pipupi kapa laa nara ingilyamo. Epapu wambu dupwame Isaraele dupwa kando lao, Anatumi aki yulu mende pipyamo doko kandalapape, larami.

Nambase 23:8

Kamongome wambu dupwa keta randa epena lao laa nalyamo dokona nambame apa pyuo wambu dupwa keta randa epena larose? Kamongome wambu dupwa koo keta pena laa nalyamo dokona nambame apa pyuo dopa pyuo larose?

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.

1 Samyuele 4:8

Mee bange anatu porainya renge palenge dupwana kingi raka lao namwa apimi kyawa lete nyerase? Mee bange anatu dupwame Isipi wambu dupwa yuu muiyane dokona pyao kumasiyami.