Dutaronome 32:30 - Anatunya Buku Baepole Ole Testamene Pii Lapo dee Nuu Tesamene

³⁰ Apa pyuo lama ikimi taosande akalisa anamasi minyuo dee mendakimi taosande mende pyao isa palyuo piyape? lao suu pilyaminyi. Renge doko nakamana Kamongo Anatu dokome nakama yaki nyuo kaeyasa piya. Nakamana Anatu Porai dokome nakamana yanda pimwainya kingi rakana palyakamiyasa piya.

Dutaronome 32:30 ပူးပေါင်းရင်းမြစ်များ

2 Kiŋi 7:5

Dopa lapala yuu kwuala peyamo dokopa nakama Siria wambu komau anda pyuo paleyami dokona peyami. Dopa pyuo pao repeta kando nyiyaminyi dokopa mendali dokona kara nayami.

Aisaya 30:17

Yanda pimwai yanda singi mendaki iki kandapala dokopa nakama dokona wambu taosande pako makando parami. Yanda singi kingi paki eparaminyi dusipa kandapala nakama peparae pako makando parami ingilyamo. Nakama dupwana mendale kara naraminyipa komau palake yukungi isa doko iki yuu kyau dokona pero karara, Kamongome letamo.

Aisaya 50:1

Kamongo dokome lao Nakamame suu pyaminyi dokopa akalimi enda ramanyi nembenge dopale ingyuo nambame nambana wambu dupwa neta ramanyi nembo kaeŋe lao suu pilyamisi? Dopa pyuo suu pyarami ramo ramanyi nembelyo lao pepa piyunu angi doko anja silyase? Akali mendeme banya wane dupwa karapusi ingyuo yulu pyuo pena lao maiyuo kana nyingi dopale ingyuo nambame nakama karapusi ingyuo pupwa lapala maiyuo bange nyiiŋi lao suu pilyamisi? Daa nakama karapusi ingyuo peyami doko nakama rangeme koo pipala lowa yalo piyaminyi dokona peyamisa piya.

Aisaya 52:3

Kamongome banya wambu dupwa kando lamaiyuo lao, Kana mendeme nakama ropo pyao nyuo karapusi palyiyaminde daa. Dokona ingyuo nakama nyisa moko eparami lao kana reto nyeraminde daa.

Matyu 18:25

Dokopa baa maiyalana saka nayamo dokona banya kamongo dokome lao, Baamoo banya etengemoo banya wane wanake dusipape banya bange retenge dupwa peparaepe ropo pyao maipala dokome baa namba kana jerali dusipa range nyero, leya.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Jasi 2:14

Dokopa Kamongo Anatumi Isaraele wambu dupwa kando ama wakasa imbwaya. Imbwuapala waa nyingi wambu dupwame nakama pyao bange nyerami, leya. Kamongo baame dee lao, Yanda pimwai dupwa palu awali lenge dupwame epo sukusa sukusa pipala Isaraele wambu dupwa pyao dee nakama iso karena leya. Dokopa Isaraele wambu dupwa nakama range kapa mendasa alyasa minyuo kararami ingya naya.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.