Dutaronome 32:21 - Anatunya Buku Baepole Ole Testamene Pii Lapo dee Nuu Tesamene

²¹ Nakamame nakamana isa kanapeme mee bange wasisi anatu dupwame imbu singi nyakayaminyisa mee bange anatu angi daa dupwana yango palyuo karo. Dokona lao wambu rara angingyuo kara nalyaminyi dupwa keta nakama imbu singi nyinyi retaro. Dopako pyuo wambu kopyali minyingi dupwa keta nakama pipya yango palyinyi pyambwaro.

Dutaronome 32:21 ပူးပေါင်းရင်းမြစ်များ

2 Kiŋi 22:17

Nakamame namba kilya kando mata joo dee mee bange kingimi wasisi anatuŋu lenge dupwa mena pyao kiso maiyuo dee yulu peparae piminyi dupwame nambana imbu singi doko sipurao nakao pilyaminyi. Dokona nambana imbu singi doko Jerusaleme wambu pipya sipurao epelyamo doko dee lokwalyuo isa paa naralyamo, leya.

Aisaya 65:3

Nakama elya pali napala namba imbu singi nyakao pyuowako karaminyi. Nakamame semango imambu suu pyapala mena yakape yaonge mare dupwana yao maiyuo karaminyi. Dopa pyuo dokopa loma soo semango yao maingi kana pyare lasi dupwana rendamu pingi dupwa kiso maiyuo karaminyi.

Jeremaya 14:22

Yuu liti wakale wakale wambunya mee bange anatuŋu lao isa kanape wasisi dupwame apu peya narami. Yake dokome susu lao apu pura pura pyao epena lao nyuo peya nara. Yulu dupwa peparae embame iki inginyi peengepya. Dokona lao namwana Kamongo Anatu emba keta dupwa peparae epara lao soo karamano.

Jeremaya 18:15

Dupwa alowa pii napyamopape nambana wambu nakamame namba kame soo kaeyapala mee bange kingimi wasisi dupwana lao rendamu pingi bange kiso mailyaminyi. Nakama paraminyi kata rolae doko ranilyaminyi. Wamba paenge kata doko yaki nyuo kaeyapala nakama kata kyakana pelyaminyi.

Jeremaya 2:11

Wambu rara yuu liti wakale dupwame nakamana anatu dupwa anatu angi daa ingiyamopape yaki nyepala kaeya nange. Dopa piyamopape nambana wambu dupwa nambame nakama rape rape lao minyingi doko kaepala mee bange anatu dupwame nakama kando mende pii nara doko nambana panda dokona alowa pyuo dupwana kingi lao karaminyi.

Jeremaya 7:18

Doko wane wanake dupwame isa ponale yapo nyuo malu palyilyaminyi. Akali dupwame isare pete wasilyaminyi dokopa enda dupwame mee bange kingimi wasisi enda anatu yake pandana kuini lenge dokona nenge palawa doko ipwa pipya pyaso minyapala nenge kyake wasakamilyaminyi. Dopa pipala nakamame namba randa jelana suu pyao ipwa waene dupwa kamame kulimbuo anatu wakale dupwa mailyaminyiko.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Jona 2:8

Enda akalipi isa kanape kingimi wasapala anatu lao lakando karaminyi dupwa emba yaki nyuo kaelyaminyi.

APOSELENA YULU 11:15

Namba sipurapala pii lao kareyono dokopa Imambu Poo Pyasi wamba kanda soo namwa keta maralyiya kande doko suu pyao nakama keta maralyiya.

APOSELENA YULU 14:15

Nakama akali dupwa apa pipyasa dopa pilyaminyi? Nambwa mee akali nakama dopale. Nakama mee bange kingi lao karaminyi dupwa yaki nyepala Anatu lete karalu karenge dokome baa yake doko pyuo waso yuu doko pyuo waso ipwa kotape dee dokona palenge dupwa pyuo waso piya. Wasiyamo dokoko mona kapu kyuo suu pyao karalapape lao waili pii keyange doko nakama langya epelyambano.

Orome 10:19

Dokona nambame lao dokopa, Isaraele wambu dupwa see nayamisi? lao piso sero ramo doko Mosese baa wambo angi lao kareyamo doko soo kaelyamano. Pii angi doko dopa leya. Nambame wambu dupwa rara angi ingyuo paa nalyamo dupwa pipya yango palyalapa lao piru. Nambame Juu wambu nakama keta rara kopyali dupwa pipya imbu singi manjo karalapale lao piru leya.

Orome 9:25

Dokona lao baame pii mende buku Osia lenge dokona lao piya. Wambu neta dupwa nambana wambuŋu laro lao rara namba wambo mona nyii nange doko nambana mona retenge rara laro leya.

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 32:16

Nakamame isa kanapeme wasisi dupwa kando lakandeyami dokome Kamongopa yango palyinyi pyambuyami. Dee yulu koo piyaminyi dokome Kamongo imbwanyi pyambuyami.

Dutaronome 32:17

Nakamame mee imambu koo anatu angi daa dupwa keta mena pyao kiso maiyuo kareyami. Mee bange lapo Isaraele akali nakamana imbwange kauwangepe dupwa wamba nyuo pyuo warombo soo kara nayami dupwa lakando kareyami.

1 Samyuele 12:21

Dopa pipala mee bange anatuŋu lao kyambo lakandenge dupwana moko minyuo paa nalapape. Dupwa anatu angi daa dokome nakama nyiso kyawa minyuope pii narami ingilyamo.