Dutaronome 32:16 - Anatunya Buku Baepole Ole Testamene Pii Lapo dee Nuu Tesamene

¹⁶ Nakamame isa kanapeme wasisi dupwa kando lakandeyami dokome Kamongopa yango palyinyi pyambuyami. Dee yulu koo piyaminyi dokome Kamongo imbwanyi pyambuyami.

Dutaronome 32:16 ပူးပေါင်းရင်းမြစ်များ

2 Kiŋi 23:13

Nembapala Saitone wambunya mee bange enda anatu kingi Asera lenge Moape wambunya mee bange anatu kingi Kemose lenge dokope dee Amone wambunya anatu kingi Moloko lenge dokonape lakandeyaminyi kana pyare lasi kiŋi Solomoneme Jerusaleme neta pyakaenge dorena ingyuo dee yuu Olipi kyau dumurena ingyuo waso piyamo dupwa kokwa soo nembeya.

Aisaya 43:12

Rengya nyera dupwana see nao kareyaminyi dokopa dopa piralyamo lao langingi. Langipala dee paki kata palipala nakama nyiso epenge kandape. Doko suu pyao yuu pandape wakale dupwana mee bange anatu mendeme dopa pyuo pingiŋi leyaminyi see nayami. Dokona lao nakama nambana usinisi ingyuo karaminyi.

Jeremaya 2:11

Wambu rara yuu liti wakale dupwame nakamana anatu dupwa anatu angi daa ingiyamopape yaki nyepala kaeya nange. Dopa piyamopape nambana wambu dupwa nambame nakama rape rape lao minyingi doko kaepala mee bange anatu dupwame nakama kando mende pii nara doko nambana panda dokona alowa pyuo dupwana kingi lao karaminyi.

Jeremaya 2:25

Isaraele dupwa mee anatu angi daa dupwa anja lao pete pete papiramisa nakama kimbu kape rando dee nakamana pendoko nyuo pisaraŋa dopa pyuo papi nalapape. Pii naraminyipape nakamame lao, Daaŋa namwa kapu kyuo epa narama. Namwa mee bange anatu wakale dupwa mona retapala dupwa moko minyuo panya pilyamano letaminyi.

Jeremaya 7:18

Doko wane wanake dupwame isa ponale yapo nyuo malu palyilyaminyi. Akali dupwame isare pete wasilyaminyi dokopa enda dupwame mee bange kingimi wasisi enda anatu yake pandana kuini lenge dokona nenge palawa doko ipwa pipya pyaso minyapala nenge kyake wasakamilyaminyi. Dopa pipala nakamame namba randa jelana suu pyao ipwa waene dupwa kamame kulimbuo anatu wakale dupwa mailyaminyiko.

1 Korina 10:22

Namwame Kamongo Yesu yango palyapyali lapala pilyamape? Kamongo baa kaepala namwa ama porai lao suu pilyamase?

Dutaronome 32:21

Nakamame nakamana isa kanapeme mee bange wasisi anatu dupwame imbu singi nyakayaminyisa mee bange anatu angi daa dupwana yango palyuo karo. Dokona lao wambu rara angingyuo kara nalyaminyi dupwa keta nakama imbu singi nyinyi retaro. Dopako pyuo wambu kopyali minyingi dupwa keta nakama pipya yango palyinyi pyambwaro.

Dutaronome 7:25

Wambu dupwana mee bange anatu lenge dupwa nyuo isarena kisarami kana kulingi golopeme mee bange anatu lao wasiyaminyi dokona nakamame nyimwalinya suu pyaa nalapape. Dee dupwa nakama rangena ingyuo nyii nalapape. Doko daaŋa lapala nyerami ramo doko Kamongo dokome mee bange anatu lenge dupwa epe kanda nange dokona nakama peparae kumarami.