Dutaronome 31:9 - Anatunya Buku Baepole Ole Testamene Pii Lapo dee Nuu Tesamene

⁹ Dokona lao Moseseme Anatunya lowa pii dupwa pyao palyapala Lipae akali purisi ingyuo Kamongona Kana Minyuo Lalu Lao Lenge Pii Palenge Bokote doko rapu pyuo karenge dupwape dee Isaraele wambunya mupwa ingyuo karenge akali dupwape maiya.

Dutaronome 31:9 ပူးပေါင်းရင်းမြစ်များ

1 Kiŋi 8:3

Dokopa lita akali dupwa peparae epo malu palyiyaminyi dokopa purisi dupwame Kana Minyuo Lalu Lao Lenge Pii Palenge Bokote doko minyalyapala soo pao

Niyamaya 8:2

Purisi akali Esera dokome baa Mawa Pii buku doko wambu malu palyuo peteyaminyi dokona minyuo epeya. Epapala dokopa kana yanda ipingi yuu gii mendaki dokona enda akalipi wane wanakepe api mendeme Mawa Pii seramili dupwame soo peteyaminyipa Esera Mawa Pii doko yaka leya.

Niyamaya 8:3

Dopa pyuo leyamopa yangamana piso pao korakama kana kame kambu kingi Ipwa lenge repeta dokona kanda kanda piso yaka leya. Dokopa wambu peparaeme kale yukupala pii sokondali pyuo peteyami.

Ekesetase 24:4

Dokopa Moseseme Kamongona mawa pii dusipa peparae pepana pyao reteya. Retapala yuu gii mende dokona wamba yangama baame yuu kyau isarena dokona kana pyare lao mena kiso maingi rate piya. Pipala kana akalisa ipisu lama malu palyuo pyuo reteya. Reteyamo dusipa Isaraele rara akalisa ipisu lamako dusipana kana mendaki mendaki lao retakamiya.

Daniele 9:13

Mosesena lowa dokona randa nyerami lao lapyamo dusipa pepare namwa jii. Jiinyipape kamame epapu Kamongo Anatu namwana koo dupwa yaki nyuo panda embena pii kinyi angi dokona moko minyuo pao emba rae mainyi pyambwalana lao suu pyaa nayama.

Osia 4:6

Nambana wambu dupwame namba Anatuŋu lao soo nyii nalyaminyi dokona nakama kwaeyo pelyaminyi. Nakama purisi dupwa namba soo nyii napala nambana mana lapunu pii doko nembaminyi dokona nambame nakama nembo kaepala ikinyi dupwa nambana purisi angi lao suu pyaa naro.

Malakae 2:7

Purisi dupwana yulu doko Anatunya rolae soo nyinginya renge doko wambu mana lamaipenge. Purisi dupwa nambana wai pii minyingi akali karaminyi dokome wambu peparae dupwa karaminyi dokona papala nambana pii mana nyepengele.

Malakae 4:4

Isaraele wambu peparae warombo sinya lao yuu kyau Sainai dokona karo mawa piipi mana piipi dupwa Mosese maiyu. Dokona lao nambana kendemande akali Mosesena mana nyiyamo dupwa kame see nao karalapape, leya.

Make 12:19

Mana Lenge, Moseseme mawa pii mende pyao retakaya. Akali mendeme enda nyepala wane manja nao karo kumaramo dokopa banya yangonge wane manjaronopa doko yangonge karenge apo dokona karara lapala enda waiya doko yokoya pyao nyera. Mosese dopa lao pyao retakaya, leyami.

Luku 20:28

mende piso siyami. Mana Lenge, Moseseme mawa pii mende pyao retakaya. Doko akali mende enda nyepala wane manja nao karo kumaramo dokopa banya yangonge wane manjaronopa doko yangonge karenge apo dokona karara lapala enda waiya doko yokoya pyao nyera, lao Moseseme dopa lao pyao retakaya leyami.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Jone 1:45

Pilipame Nataniele koto kando nyepala baa dopa lamaiya. Moseseme Lowa buku dokonape dee Anatunya poropeta akali dupwapeme pepa pyao akali mende epara leyami kande doko Yesu Nasarete range Josepena ikinyingi doko kando nyelamano leya.

Jone 5:46

Mosesena pii piyamo doko kinyi lao siyamili doko baame nambana lao piyara piyaŋa dokona namba kinyiŋi lao soo nyimili.

Dutaronome 10:8

Dokopa yuu kyau dokona Kamongome Lipae rara akali dupwa rombo palyapala Kana Minyuo Lalu Lao Lenge Pii Palenge Bokote doko iso karo purisi ingyuo banya yulu pyakamyuo banya kingi lao wambu dupwa keta elyape pisinya lao karena leya. Leyamuli pyuo yulu doko mee dakepape pyuoko karaminyi.

Dutaronome 31:28

Nakamana rara dupwana akali kyawa iso karaminyi dupwape isingi akali dupwape pii lamairuŋu nambana lenge kambu dokona sukusa sukusa pyuo epena lao nyuo malu palyarami. Nambame yake yuupa dolapo nambana usinisi ingyuo sinya laro.

Dutaronome 33:10

Dopa pipala embena wambumi Mawa Pii dupwa warombo soo minyinya lao mana lamaiyakarami. Nakamame embena kana pyare dokona mena pyao kiso joo kararami.

Josua 3:3

Purisi dupwame nakamana Kamongo Anatu dokona Kana Minyuo Lalu Lao Lenge Pii Palenge Bokote doko soo wambao paraminyi kandapala dokopa nakamana pinji pyapala komau anda dupwa lalyuo nyepala moko minyuo pupwape.

Josua 6:12

Yuu gii dokopa yangama wamba kukwa Josua baa sipureyamo dokopa yuu lapo ingyuo banya yanda singi lapo yuu taone doko awali lao wambo peyaminyi dokopa purisi akali yanda ipingi nyepo dusipame enakana bikuli poo lao peyami. Peyaminyi dokopa dee purisi akali wakale lapome Kana Minyuo Lalu Lao Lenge Pii Palenge Bokote doko soo peyami. Kamame enakana yanda singi lapo peyami. Dopa pyuo peyaminyi dokopa bikuli poo lao peyami.