Dutaronome 31:7 - Anatunya Buku Baepole Ole Testamene Pii Lapo dee Nuu Tesamene

⁷ Dokopa Moseseme Josua epena lapala Isaraele wambu peparaena lenge kambu dokona karo baa lamaiyuo, Embame wambu dapwa yuu dokona palyuo kararami lao Kamongome nakamana rora ambasu dupwa kando yuu mairuŋu lao lalu lao lao leyamo dokona lanyuo pare. Emba pako pyuku laa napala kando poraiyuo karape.

Dutaronome 31:7 ပူးပေါင်းရင်းမြစ်များ

Dutaronome 31:6

Nakama kando poraiyuo karo wambu doloma kandapala pyuku lao paka nalapape. Nakamana Kamongo Anatu baa rangeme nakama pipya role karara. Baame nakama yaki nyuo kaeya nara, Moseseme leya.

Epesasa 6:10

Pii dake lao lumwa pyuo leto. Kamongopa pako karo banya porainya renge doko nyepala kulisa palyuo karalapape.

Josua 1:6

Embame mona kumapala yulu dokona pilyuŋu lao suu pyao kandokondali pyuo poraiyuo pepe. Dokona lao nambame nakamana rora ambasu dupwa keta yuu mairu lao lalu lao leyono dokona nakama palyuo kararaminyi dokopa emba wambu dapwana mupwa ingyuo iso karare.

Dutaronome 31:23

Mange dokopa dee Anatumi akali Nanena ikinyingi Josua baa lamaiyuo, Paka nao mona porayapala karape. Dopa pyuo embame Isaraele wambu yuu nambame mairuŋu lao kana minyuo lalu lao leyo kande dokona lanyuo pareŋe namba embapa role kararo, leya.

Dutaronome 31:3

Nakamana Kamongo Anatu doko baa range wamboko pao yuu dokona wambu palenge dupwa pyao kokwa soo nembaramopa yuu dokona nakama palyuo kararami. Dopa pyuo nakama yuu dokona palirami dokopa Kamongome leyamuli pyuo Josua baa mupwa ingyuo iso karara.

Jone 1:17

Mawa Pii doko Mosese keta jiya. Enakana dokopa mona keyange palyuo ipingi rengepe pii angi kinyinya renge dokope Yesu Koraisa baa keta paleyamopa epeya.

Nambase 27:19

Retapala purisi Eliasa dee wambu peparaena lenge kambu dokona baa roya karena lare. Dokona karo wambu peparaeme sinya lao baame embena panda nyilyamo lao lamairi.

Josua 1:5

Josua emba lete kararene yuu gii dusipana mendemepe emba nyuo isa palyuo wini pira ingya nalyamo. Namba Mosese keta pyakamyuo kareyonoli pyuo emba keta dopako pyakao kararo. Dee yuu peparae namba emba role karo emba yaki nyuo kaeyaronde daa.

1 Kiŋi 2:2

Nambana kumarono yuu gii doko repeta epelyamo. Dokona emba kando porayapala akali ingyuo karape.

Dutaronome 1:8

Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.

Dutaronome 31:21

Randa koo malu mee nakama keta epara. Dopa piramopape kenane para pyao nyerami dupwame pyao kararami dakeme nambana usinisi ingyuo koo piyaminyi dupwa lasaka pira. Nambame yuu mairuŋu lao kaeyasi kandale dokona lanyuo papa naronopape epapu nambame dopa pyuo suu pyao karaminyilyamo lao soo karapunu pilyamo, Anutumi Mosese lamaiya.