Dutaronome 30:3 - Anatunya Buku Baepole Ole Testamene Pii Lapo dee Nuu Tesamene

³ Karapala baame yuu muu wakalende nakama nembeyamo bolombalo lao peyami dupwana piso range nyuo minyuo epo nakama dee kapa palyuo karalapa lao pira.

Dutaronome 30:3 ပူးပေါင်းရင်းမြစ်များ

Jenesese 28:15

Kando karape. Nambame embapa karapala anja panda parene dupwa minyuo paeyo dee yuu dakena laeyo lanyuo eparo. Dopa pyuo nambame emba yaki nyii nao karo langipu dokona palyapala kaeyaro, leya.

Jenesese 48:21

Enakana Isaraeleme Josepe lamaiyuo, Namba oo repeta kumulyu. Kumuo parono dokopa Anatumi emba lanyuo rakane kauwanepena yuu muru dokona para.

Niyamaya 1:9

Dokopa nakama namba karo dakena dee kamba kapa kyuo epapala nambana mawa pii doko yaki nyii nao minyakao kararami ramo dokopa nakamana wambu dupwa yuu nanesa puu maiyuo nyuo minyuo paraminyipape nambame nakama yaki nyii napala range nyuo sukusa sukusa pipala yuu mupwa enenge mendena namba lakando kararamiŋi lao yapalyo nyepala dokona karalapa lao jero, lamaii kande, leyo.

Jopo 42:10

Dokopa enakana Jopo banya puu minyingi rema dupwana lao ateŋa lakamyuo otapeyamopa Kamongome bange keyange ama malu retena lao maiyamosa bange isa peyamo dupwa dee wai kiso nyakamyuo dokopa mee lama kamame konda pyuowale maiya.

Samu 107:3

Nakama dono yuu muu wakalemana neta pyakaenge neta yalyingi donorena dulurenape piso nyuo epeya.

Aisaya 43:5

Namba nakama role karoŋo dokona paka nao karalapape. Nambame neta pyakaenge dorena pisowape dee neta yalyingi dorena pisowape nakamana wambu dupwa range nyuo anda lanyoko eparo.

Aisaya 54:7

Yuu mange kuki lama nakama mee yaki nyuo kaeyapunu pipyaŋa. Dee nambame mona andake retapunu dokome range nyero.

Jeremaya 23:3

Nambame nambana wambu lapo dupwa bolombalo lao yuu wakale dupwana nembeyono dupwa nyuo malu palyuo lanyuo epo yuu andape range dokona peyaro. Dopa pirunupa nakama keta wane wanakepe malu wai kisaronopa rara doko ando nyimbwara.

Jeremaya 31:10

Kamongo dokome lao, Wambu rara dupwa nambana pii selapa. Sepala yuu nanesa ipwa marenge dupwana nambana pii dupwa lamaila pupya. Nambana Isaraele wambu wakale wakale bolomabalo lao nembeyo dupwa nyuo malu palyaro. Palyapala mena sipisipi rapu pingi dokome banya mena sipisipi rapu pingi dopale ingyuo rapu piru.

Isikiolo 36:24

Nambame nakama yuu liti wakale wakale kuki andakepe dupwana karaminyi doko nyepala lanyuo epo yuu nakamana range dokona dee lanyuo eparo.

Maeka 7:19

Embame namwa deeko kondo sakao nyiso karare. Embame namwana koo dupwa yuu dokona kalyuo minjiku minyapala kota pete yalu dokona nembare.

Orome 11:23

Juu dupwa Yesu kapa ingingi lao suu pyaa nange kata dokona puu pao paa narami ramo doko wambo kareyami dokona range epena lara. Doko Anatu baame dopa pyuo pinya saka naa nange.

Orome 11:26

Dopa piramo doko Anatumi Isaraele wambu dupwa lete wai pyao nyero leyamo doko pii mende pyasi palamo doko semana. Lete Wai Pyao Nyingi Akali yuu Sayone piso epara. Baa epo Jekopena para piyamo dupwana yulu koo dupwa neta nembara letamo.

Orome 11:31

Kata mendaki dokonako palyuo Anatunya sakao nyiso karenge renge doko rara menge keta paleya. Doko nakama Juu dupwame nyimwali lao suu pyami dokome Anatupa kamba lao karaminyi.

Dutaronome 4:27

Dopa pipala Kamongo dokome nakama pyao kokwa soo yuu wambu rara wakale palenge dupwana ralinyi nembaramopa wambu nakama dupwana mendaki mendaki lao palyuo kararami.