Dutaronome 26:8 - Anatunya Buku Baepole Ole Testamene Pii Lapo dee Nuu Tesamene

⁸ Banya porainya renge dokome Isipi dupwa keta namwa kingi rekya lao nyiya. Baame wambumi yulu kanda nangepe yulu wambumi kando yamarangyuo pakanyi pyambungipi dupwa pyuo piya.

Dutaronome 26:8 ပူးပေါင်းရင်းမြစ်များ

Ekesetase 12:37

Isaraele wambu dupwa yuu Oramese piso kata nyuo yuu Sakote dokona panya yuu kata peyami. Peyaminyi dokopa akali ama malu (600,000) dee enda wanepe dupwa opetaeko peyami.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Ekesetase 12:51

Yuu gii dokopa Kamongome Isaraele wambu dupwa yuu Isipi yaki nyuo lanyuo epeya.

Ekesetase 13:3

Moseseme wambu dupwa lamaiyuo, Nakama Isipi karapusi karo neta epeyami kande doko dakepa suu pyalapape. Anatumi banya porai renge dokome nyuo lanyuo epeya kande doko yuu gii dakeŋe. Borete isi pyambwasi doko wasaka pyuo naa nalapape.

Ekesetase 6:6

Dokona lao embame Isaraele wambu dupwa lamaiyuo Kamongo doko nambaŋa. Nakama Isipi dupwame karapusi pyuo yulu nyuo suu lao joo karaminyi dokona nambame nakama karapusi yulu pyakamyuo karaminyi dokona kingi rekya lao nyero. Nambana kingi porai dokome nakama pyao rekya lalana pyuo karo dokome nakamba randa koo maipala nakama kyawa lete nyero.

Aisaya 63:12

Kamongo banya porai renge dokome nyepala Mosese keta yulu andake piya. Wambu dupwame baa rangena kingi minyalyuo karalu kararami lao baame ipwa kota doko pyao karalyapala sukusa dokona lanyuo peyamo Kamongo doko anja karase?

Dutaronome 34:11

Kamongome Mosese keta yulu wambumi pii nangepe yulu wambumi kando yamarangungipi Isipi kiŋipi dee dokona isingi akalipi minyanyi palyuo yuu liti doko peparaena piyamo dopale mende poropeta akali mendemepe pii naya.

Dutaronome 34:12

Moseseme Isaraele wambunya lenge kambu dorena pakanyi pyambuo yamarangunyi sero yulu andake pingi dopale poropeta mendeme kapa pirami ingya nange.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.