Dutaronome 26:15 - Anatunya Buku Baepole Ole Testamene Pii Lapo dee Nuu Tesamene

¹⁵ Embena yake panda poo pyasi dokona karo embena Isaraele wambu dupwa kandapala elyape keta piso kamonganyi nembape. Dopako pyuo namwana rakange kyawa dupwa pipya yuunde jeroŋo lalu lao lao kana minyapala yuu kamongo amenge pingi namwa jiinyi doko elyape keta pisinyi pyambwakape.

Dutaronome 26:15 ပူးပေါင်းရင်းမြစ်များ

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

1 Kiŋi 8:43

banya ateŋa doko sakamipi. Yake panda emba palenge dokona karo banya ateŋa doko sakamipala emba pii lao piso seramo doko pepe. Dokona lao wambu yuu muu peparaena karenge dupwame embena Isaraele wambu dupwame emba soo nyuo warombo soo kararaminyili pyuo pirami. Dokopa nakamame tembole anda nambame piyunu dake emba lakandenge panda lao soo nyerami.

Samu 51:18

Anatu, embame anjiki pipala yuu kyau Sayone doko nyisape. Jerusaleme kame doko kamba piri.

Samu 80:14

Anatu Porai Wakasa doko embame namwa kame soo kaeya napipi. Yake dorena karo kandanyi malyo kandapala namwa embena wambu dupwa pyuo nyepe.

Samu 80:15

Namwa embame isa girapo ingyuo wara piinyi palyipya dupwa nyisala ipu. Namwa isa girapo ene nyaŋa dopale doko embame minyuo ando porainyi pyambui.

Samu 90:17

Namwana Kamongo Anatu embena elyape renge doko namwa keta palena lapala pirama laramano dupwa peparaena kapa palyinyi pyambwakape.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Aisaya 63:15

Kamongo embena yake panda poo pyasi neta renge yuu dokona palyuo karene dokona karo namwa kandanyi peyo kandape. Embena namwa poraiyuo suu pingi doko anja silyase? Embena porai renge doko anja silyase? Embame namwa mona reto kondange renge doko anja silyase? Namwa pipya kandele kanda nale laa napipi.

Jeremaya 31:23

Isaraele wambunya Kamongo Anatu Porai Wakasa dokome lao, Nambame wambu dupwa nakamana yuu palenge dokona kamba palyuo karo pinya laro dokopa yuu Juta dokonape dee dokona yuu taone dupwanape nakama dee kamba lao, Kamongo dokome Jerusaleme yuu kyau yapasi panda poo pyasi baa palu karenge doko elyape keta pisinya larami.

Matyu 6:9

Dokona ateŋa dapale lalapape. Namwana Rakane yake panda karene doko, embena kingi doko poo pyasi ingyuo palenale.

APOSELENA YULU 7:49

Yake doko nambana kiŋinya isa petenge rate silyamo isa yuu doko nambana kimbu kararo petenge. Anda apiyakale mende pyakarami? letamo Kamongome. Yuu anjukundena palirusi?

Dutaronome 1:8

Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.

Dutaronome 26:14

Namba kumanda piso dokopa nenge pingyasa dokona mendepe nyuo naa nange. Nambame embena lenge kambu dokona poo pyasi ingyuo kara napalape dokopa nambana anda silyamo dokona mendepe nyuo kamanda minyuo paa nange. Dee dokona lapome nyuo wambu kumuyaminyi dupwana lao kiso mainginde daa. Kamongo embapa lao nambame kamba laa nalyo. Bange akalisa dusipana pingyu nyuo jepengeŋe lao letene dupwa pyuo otelyo.

Dutaronome 26:7

Dopa piyaminyi dokopa namwana rakange kyawa dupwana Kamongo Anatu dokome nyisinya lao kyakale leyama dokopa baame namwa sepala randa andake nyuo koo keta palyuo kareyamano doko kandeya.

Dutaronome 26:9

Dopa pyuo namwa lanyuo dae epapala yuu kamongo amenge pingi nenge poro lao karenge dake jiya.

Dutaronome 6:3

Nakama Isaraele wambu dupwame mawa pii dupwa selapape. Sepala warombo soo minyuo pyuo karalapape. Dopa piraminyi dokopa Kamongo namwana rora ambasu dupwana Anatu dokome lalu lao leyamuli pyuo nakama elyape keta piso yulu keyange pyuo bange peparae au pyuo soo puu paramopa rara porai ingyuo karo yuu amenge pingi dokona kapa palyuo kararami.