Dutaronome 26:13 - Anatunya Buku Baepole Ole Testamene Pii Lapo dee Nuu Tesamene

¹³ dokopa Kamongo doko lamaiyuo, Bange nengepe manju nyipunu akalisa dusipana pingyu nyepala emba jeroŋo lao dokona mende nambana anda dokona pyakuiyuo yalu pipunu see nalyamo, lamairi. Embame Lipae akalipi karala paengepe muiyane waiyape dupwa maiyapengeŋe langipinyi kandapi dokonako nambame maipunu pilyamo, lare. Bange akalisa dusipana pingyu nyuo maiyapengeŋe langipinyi pii dokona mende kamba lao kame soo kaeyapunde daa.

Dutaronome 26:13 ပူးပေါင်းရင်းမြစ်များ

Samu 119:139

Nambana nyisu petenge dupwameemba lapinyi doko sili see nale lamisa imbu singi wakasa nyilyu.

Samu 119:141

Namba embapa manda daa dokona nakamame namba kando ipyarami ingilya kande. Dopa pipyamopape embena mana piikuki ingyuo retenge dupwa yaki nyii nalyo.

APOSELENA YULU 24:16

Anatunya lenge kambu dokonape wambunya lenge kambu dupwanape yulu koo pipiŋi laraminyi lao yuu peparae kandokondali pyuo pyuo karo.

2 Korina 1:12

Isa yuu dakena palyuo karo piyamano dokopa yuu peparae panga see nao Anatu dokona lao suu pyao pii rolae iki langiyama. Akipamo namba rae maiyuo pyakalyuo pilyunu dokona langirowale. Namwame mee wambunya soo gisingi dokome langya nao Anatunya mona keyange palyuo ipingi dokona porainya renge dokome lao langiyama.

2 Korina 11:31

Namwana Kamongo Yesunya Rakane Anatu, kyambo laa nalene lao silyamo. Banya kingi poo pyasi ingyuo sulu soo sinya.

Dutaronome 26:12

Ee kana repo dokona yaka lao embena ee nengepe wambu piramo manjirinyi dokopa akalisa dusipana pingyu nyepala Lipae akalipi karala paenge akali muiyane waiyape dupwa maipa piri. Dopa pirinyi dokopa wambu palaminyi dokona nenge yangya naramopa nao palenale. Embame dopa pyuo maipala

Dutaronome 26:14

Namba kumanda piso dokopa nenge pingyasa dokona mendepe nyuo naa nange. Nambame embena lenge kambu dokona poo pyasi ingyuo kara napalape dokopa nambana anda silyamo dokona mendepe nyuo kamanda minyuo paa nange. Dee dokona lapome nyuo wambu kumuyaminyi dupwana lao kiso mainginde daa. Kamongo embapa lao nambame kamba laa nalyo. Bange akalisa dusipana pingyu nyuo jepengeŋe lao letene dupwa pyuo otelyo.

1 Tesalonaika 2:10

Yulu piyama doko nakamape Anatupi soo kandeyami. Nakama Kurisene wambu dupwa keta kopetame pii napala yulu rolae dupwa piyama dokopa mende larami ingya naya doko silyaminyi.