Dutaronome 12:7 - Anatunya Buku Baepole Ole Testamene Pii Lapo dee Nuu Tesamene

⁷ Nakamana Kamongo Anatunya lenge kambu dokona nakamape nakamana ree palu dupwape nenge nao nakamame keyange nyelana lao yulu poraiyuo piyaminyi dokopa Anatumi elyape keta pisiyamo dokona ama rae wakasa maiyuo pisirami.

Dutaronome 12:7 ပူးပေါင်းရင်းမြစ်များ

Niyamaya 8:9

Wambu dupwa peparaeme mawa pii sepala dokopa ee leyami. Dokona lao yaka leyaminyipa Niyamaya baa Jerusaleme gapomane yulu pyuo kareyamo dokope Esera purisi yulupi mawa pii mana lenge yulupi pyuo kareyamo dokope dee Lipae wambumi mawa pii polo lamaiyuo kareyaminyi dupwape nakama peparaeme wambu dopa pyuo lamaiyami, Yuu gii dake nakamana Kamongo Anatunya yuu gii poo pyasi ingyuo silyamo dokona nakama ee lao kumaralerale nyii nalapape, lamaiyami.

Ekelesiyastisi 3:12

Dokona lao namwa lete kararamano dokopa rae maiyuo yulu elyape pyuo kararama lao soo nyiyu.

Ekelesiyastisi 3:13

Namwame yulu pipala nenge ipwape nyepala rae maiyuo narama. Dupwa Antumi jiya.

Joele 1:16

Namwana lenge angi dokome wambo kandamwanopa nenge jingi dupwa kokwa sinyi nembapya. Dokopa namwana Anatunya tembole anda dokona rae maingi renge mendepe see nalyamo.

Joele 2:26

Epapu nakama nenge malu seramo napala sikya piramo kararami. Nakamana Kamongo Anatu yulu keyange nakamana lao pyakayamo doko lakandarami. Dokona rara lapome nambana wambu dupwa dee kamba kilya kando laka narami.

Lipitikase 23:40

Nakamame yuu gii mupwa dokona nakamana isa jingi lyingi dupwana lyuo nyuo dee yala isa wangyape isa yoko malu mandenge wangya dupwape lakyuo nyuo pipala yuu gii yanda ipingi nyepo nakamana Kamongo Anatu dokona lenge kambu dokona baapa lao ketae nembo rae maiyuo pisirami.

Malakae 2:13

Yulu mende nakama dapa pilyaminyi. Nakama mena pyao kiso epo mairami doko baame dokona epapu rae maiyuo nyii nalyamo. Dokona ee pipya yamarangyuo kondome kumamisa ee ipwange dokome Kamongona kana pyare lasi doko yambe pilyamo.

APOSELENA YULU 2:46

Nakama yuu peparae kaeya nao tembole anda dokona role pyapeta pao nakamana anda dupwana borete nyuo kau lao nao mona karo anjiki pyuo kareyami.

Dutaronome 12:12

Nakamape nakamana wane wanakepe nakamana kendemandepe dee Lipae rara nakamana taone dokona palaminyi dupwape peparae banya lenge kambu dokona ama rae wakasa maiyuo kararami. Lipae rara dupwa nakama rangena yuu mende pingyu see nara doko poraiyuo suu pyalapape.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:8

Anatumi panda baa lakandarami lao wasaramo dokopa nakamame epapu mee maso lakando karaminyili pyuo kara narami.

Dutaronome 26:11

Lakando lao embena Kamongo Anatu dokome bange keyange dupwa embape dee embena ree palu dupwa keta jiyamo doko kandapala baa kando ange andake lao karare. Dopa pyuo ange lao rae maiyuo kararaminyi dokopa Lipae akali dee akali wakale karala paengepe nakama role palenge dupwa pipya rae maiyuo yalya kando pisimana epena lare.

Pilipai 4:4

Kamongona arapu dokona karo yuu peparae rae maiyuo karalapape. Rae wakasa maiyuo karo pipwape lao dee kamba leto.