Dutaronome 12:5 - Anatunya Buku Baepole Ole Testamene Pii Lapo dee Nuu Tesamene

⁵ Nakamana rara peparae palaminyi dupwana Kamongome yuu mendakindena wambu dupwa banya lenge kambu dorena karo lakandarami lao rombo palyara.

Dutaronome 12:5 ပူးပေါင်းရင်းမြစ်များ

1 Kiŋi 8:16

Kamongome lao, Nambana wambu dupwa yuu Isipi piso lanyuo epeyono dokopa Isaraele wambunya yuu dupwana nambame yuu taone mendena tembole anda pipala namba dokona lakandaramiŋi lao rombo palya nayo. Dopa pii nayonopape nambame Dapiti emba nambana wambu dupwa rapu pyakape lao rombo palyiyu, leya.

1 Kiŋi 8:20

Dokona epapu Kamongo dokome banya pii lalu lao leyamo doko retaro karamo. Namba Isaraele wambunya kiŋi ingyuo nambana rakanena panda nyuo nambame Isaraele wambu nakamana Kamongo Anatu lakando kararami lao tembole anda doko pyakamiyu.

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

1 Kiŋi 8:29

Tembole anda dakena lakandaramiŋi lao embame rombo palyii dokona kukwa korakamape rapu pyuo karape. Nambame tembole anda dakena lenge kambu pyambwapala ateŋa laro dokopa sakape.

2 Kiŋi 18:22

Lapala baa konda pyuo lao, Nakama nakamana Kamongo Anatu keta pyamalyuo karamanoŋo doko namba langiramisi? Esekayame Kamongona lakandenge panda poo pyasipi dee kana pyare lasipi dupwa kokwa sinyi nembeya. Nembapala Juta wambupi dee Jerusaleme wambupi dupwa lamaiyuo, Yuu Jerusaleme kana pyare lasi dokona iki lakando karena, leya.

Esera 3:2

Dokopa Josua Josatakena ikinyingi dokope banya purisi yango lapope dee Serapapele Siyatielena ikinyingi dokope banya ree palu lapo opetae pyasapala Isaraele wambunya Anatu dokona mena pyao kiso maingi kana pyare doko dee kamba piyami. Doo piyaminyi doko Anatunya akali Mosesena lowa pyao reteyamo dokona ingyuo mena pyao kiso Anatu mairamaŋa lao piyami.

Esera 6:12

Anatu yuu Jerusaleme dokona baa lakandarami lao rombo palyiya kiŋi mendemepe wambu rara mendemepe mawa pii dake kamba lao tembole anda kokwa selana lao kararami dupwape pyao kwaeyanyi nembakana leto. Namba Darisimi mawa pii doko ama poraiyuo langilyu. Nakamame warombo soo minyuo karalu karalapape.

Esera 7:17

Nakamame kana doko kando mondo lao keyange ingyuo nembo mena bulamakao kalipi sipisipi kalipi sipisipi yakanepe witi jingipi waene ipwangepe ropo pyapala Jerusaleme tembole anda kana pyare lasi dokona reto Anatu mairi.

Niyamaya 1:9

Dokopa nakama namba karo dakena dee kamba kapa kyuo epapala nambana mawa pii doko yaki nyii nao minyakao kararami ramo dokopa nakamana wambu dupwa yuu nanesa puu maiyuo nyuo minyuo paraminyipape nambame nakama yaki nyii napala range nyuo sukusa sukusa pipala yuu mupwa enenge mendena namba lakando kararamiŋi lao yapalyo nyepala dokona karalapa lao jero, lamaii kande, leyo.

Ekesetase 15:2

Kamongome namba porainyi pyambwapyamo porai ingyuo karo. Baame namba elyape keta palyuo kiiramo nyiya. Nyiyamo dokona baa nambana Anatu dokona nambame banya kingi lakandaro. Baa nambana rakanena Anatu. Banya kingi andake dokona lao nambame lakandaro.

Jeremaya 26:2

Tembole anda kamapi dokona karapala wambu yuu Juta taone dupwana piso dokona lakandala eparami dupwa nambame emba pii langilyu dupwa peparae lamaipi. Pii dupwanape kuki mende kame soo yaki nyuo kaeya nao lamaipi.

Jeremaya 7:14

Dokona lao yuu Sailo tembole anda dokona piyunu yulu dokoko nambana tembole anda nakama mona pyamalyaro karaminyi dakena piru. Dae yuu dake nambame nakamana rora ambasu dupwa maiyuo dee nakama joo piyunu doko nambame yuu Sailo randa maiyuo yulu piyunu doko suu pyao piru.

Dutaronome 12:11

Baa kingi lakando pisirami lao yuu mendakinde Kamongome rombo palyara dokopa nakamame bange jelapape langiyamo dupwa peparae minyuo eparami. Nakamana bange kiso mairamili dupwape mee mairamili dupwape bange akalisa dusipana pingyu nyuo maipa pirami dupwape mee konda pyuo mairami dupwape dee wambo bange keyange Kamongo mairama lao lalu lao leyami dupwape minyuo eparami.

Dutaronome 12:13

Nakamame mee maso yuu lapo rombo palyaraminyi dupwana nakamana bange dupwa kiso mai narami.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:4

Wambu dolomame nakamana mee bange anatu dupwa lakando karengenyili pyuo nakamana Kamongo Anatu doko lakanda nalapape.

Dutaronome 26:2

nakama range mendaki mendaki lao ee nengepe wakale wakale kanda soo manjo nyuo karo dokopa pisiki minyasi mendaki mendaki laonya paki pyuo minyuo misi lenge panda Anatumi rombo palyiyamo dokona parami.

Dutaronome 31:11

Dokona lao lakandenge yuu mendakinya nakamana Kamongo Anatu doko lakandala eparami dokopa Isaraele wambu dupwa kando yaka lao lamairami.

Kolosi 2:9

Koraisa Yesumi wambunya yongo maralyuo karo, Anatu angi karengenyili pyuo kareya.

Ipuru 12:22

Nakama epapu yuu kyau mendeme kingimi minyandaraminde kandala epa nalyaminyi. Anatu lete karenge dokona yuu yake pandana Jerusaleme kyau Sayone lenge dokona epasi karaminyi. Yuu doko aŋala soo kaeyo raeme kumuo karaminyipa mendeme yaka lao sukusa parami ingya nange.

Orepalaisane 14:1

Nambame kandeyono dokopa mena Sipisipi Ikyanende yuu kyau Sayone dokona roya kareya. Wambu 144,000 Sipisipi Ikyanena kingi dee banya Rakangena kingi nakamana enamba dupwana pyasi paleyamo kareyami.