Dutaronome 12:18 - Anatunya Buku Baepole Ole Testamene Pii Lapo dee Nuu Tesamene

¹⁸ Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:18 ပူးပေါင်းရင်းမြစ်များ

Samu 32:11

Rolae pyakamyuo karaminyi dupwa Kamongome nyisapya dokona rae maiyuo parami ingilyamo. Banya pii warombo singi dupwa rae maipala pii porakaiyuo lao para ingilyamo.

Poropepe 3:17

Mona palenge singinya renge dokome emba mona kyaka palyuo kata angi lasaka pyuo kyawa minyaramo karare.

Ekelesiyastisi 3:12

Dokona lao namwa lete kararamano dokopa rae maiyuo yulu elyape pyuo kararama lao soo nyiyu.

APOSELENA YULU 16:34

Nyepala baame nakamba banya anda lanyuo papala nenge lapo nyepala nakamba nenge piya. Dokopa baa banya anda range palenge dupwa pipya peparae Anatu kapa ingingi lao mona maiyuo karamano lao raeko maiyuo kareyami.

APOSELENA YULU 2:46

Nakama yuu peparae kaeya nao tembole anda dokona role pyapeta pao nakamana anda dupwana borete nyuo kau lao nao mona karo anjiki pyuo kareyami.

1 Korina 10:31

Nakama yulu wakale wakale pyuope ipwa nenge naope dokopa Anatunya kingi dokona lakando pipwape.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Dutaronome 12:14

Nakamana rara palaminyi dupwana yuu mende Kamongome rombo palyaramo dokona iki bange mairami. Yuu mendaki dokona iki nakamana bange kiso maiyuo dee yulu wakale peparae pipwape langiyunu dupwa pyuo kararami.

Dutaronome 12:19

Nakamana yuu dokona palyuo karo dokopa nakamame Lipae rara dupwa kame sisaramano kando lao karalapape.

Dutaronome 12:5

Nakamana rara peparae palaminyi dupwana Kamongome yuu mendakindena wambu dupwa banya lenge kambu dorena karo lakandarami lao rombo palyara.

Dutaronome 12:7

Nakamana Kamongo Anatunya lenge kambu dokona nakamape nakamana ree palu dupwape nenge nao nakamame keyange nyelana lao yulu poraiyuo piyaminyi dokopa Anatumi elyape keta pisiyamo dokona ama rae wakasa maiyuo pisirami.

1 Samyuele 1:4

Elekaname banya mena pyao kiso maiyuo dokopa lapo etenge Penina maiyuo dee banya wane dupwa mendaki mendaki lao maipa piya.