Dutaronome 12:12 - Anatunya Buku Baepole Ole Testamene Pii Lapo dee Nuu Tesamene

¹² Nakamape nakamana wane wanakepe nakamana kendemandepe dee Lipae rara nakamana taone dokona palaminyi dupwape peparae banya lenge kambu dokona ama rae wakasa maiyuo kararami. Lipae rara dupwa nakama rangena yuu mende pingyu see nara doko poraiyuo suu pyalapape.

Dutaronome 12:12 ပူးပေါင်းရင်းမြစ်များ

1 Kiŋi 8:66

Dopa piyaminyipa yuu mange lama karo dokopa Solomoneme wambu dupwa anda pena leya. Kamongo dokome banya kendemande Dapiti baa elyape keta pisingi renge maiyuo dee banya Isaraele wambu dupwa keta maiyuo piya dokona nakama peparaeme baa lakandapala rae maiyuo anda peyami.

Niyamaya 8:9

Wambu dupwa peparaeme mawa pii sepala dokopa ee leyami. Dokona lao yaka leyaminyipa Niyamaya baa Jerusaleme gapomane yulu pyuo kareyamo dokope Esera purisi yulupi mawa pii mana lenge yulupi pyuo kareyamo dokope dee Lipae wambumi mawa pii polo lamaiyuo kareyaminyi dupwape nakama peparaeme wambu dopa pyuo lamaiyami, Yuu gii dake nakamana Kamongo Anatunya yuu gii poo pyasi ingyuo silyamo dokona nakama ee lao kumaralerale nyii nalapape, lamaiyami.

Lipitikase 23:40

Nakamame yuu gii mupwa dokona nakamana isa jingi lyingi dupwana lyuo nyuo dee yala isa wangyape isa yoko malu mandenge wangya dupwape lakyuo nyuo pipala yuu gii yanda ipingi nyepo nakamana Kamongo Anatu dokona lenge kambu dokona baapa lao ketae nembo rae maiyuo pisirami.

Jone 13:8

Pitame baa lamaiyuo, Embame nambana kimbu wate pyaka nalu nao nare leya. Yesumi baa isingi lamaiyuo, Nambame emba wate pyaka naro ramo doko emba nambana mana nyii nare leya.

APOSELENA YULU 8:21

Anatunya lenge kambu dokona embena mona rolae ingya napyamopa renge doko emba keta palira ingya nara kandelyo.

Dutaronome 10:9

Dokona lao rara wakale dupwame yuu nyiyaminyipa Lipae dupwa nyii nayami. Nyii nayaminyipape nakamana Kamongo Anatu dokome lalu lao leyamuli pyuo nakama yulu angingyuo nyepala Kamongona purisi yulu pyuo kareyami.)

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:19

Nakamana yuu dokona palyuo karo dokopa nakamame Lipae rara dupwa kame sisaramano kando lao karalapape.

Dutaronome 12:7

Nakamana Kamongo Anatunya lenge kambu dokona nakamape nakamana ree palu dupwape nenge nao nakamame keyange nyelana lao yulu poraiyuo piyaminyi dokopa Anatumi elyape keta pisiyamo dokona ama rae wakasa maiyuo pisirami.

Dutaronome 26:11

Lakando lao embena Kamongo Anatu dokome bange keyange dupwa embape dee embena ree palu dupwa keta jiyamo doko kandapala baa kando ange andake lao karare. Dopa pyuo ange lao rae maiyuo kararaminyi dokopa Lipae akali dee akali wakale karala paengepe nakama role palenge dupwa pipya rae maiyuo yalya kando pisimana epena lare.

Dutaronome 26:12

Ee kana repo dokona yaka lao embena ee nengepe wambu piramo manjirinyi dokopa akalisa dusipana pingyu nyepala Lipae akalipi karala paenge akali muiyane waiyape dupwa maipa piri. Dopa pirinyi dokopa wambu palaminyi dokona nenge yangya naramopa nao palenale. Embame dopa pyuo maipala