Dutaronome 12:11 - Anatunya Buku Baepole Ole Testamene Pii Lapo dee Nuu Tesamene

¹¹ Baa kingi lakando pisirami lao yuu mendakinde Kamongome rombo palyara dokopa nakamame bange jelapape langiyamo dupwa peparae minyuo eparami. Nakamana bange kiso mairamili dupwape mee mairamili dupwape bange akalisa dusipana pingyu nyuo maipa pirami dupwape mee konda pyuo mairami dupwape dee wambo bange keyange Kamongo mairama lao lalu lao leyami dupwape minyuo eparami.

Dutaronome 12:11 ပူးပေါင်းရင်းမြစ်များ

1 Kiŋi 8:13

Dopa leenepape epapu nambame embena lao tembole anda kamame keyange wakasa doko pyakapu. Panda dokona emba epo karalu karare.

1 Kiŋi 8:16

Kamongome lao, Nambana wambu dupwa yuu Isipi piso lanyuo epeyono dokopa Isaraele wambunya yuu dupwana nambame yuu taone mendena tembole anda pipala namba dokona lakandaramiŋi lao rombo palya nayo. Dopa pii nayonopape nambame Dapiti emba nambana wambu dupwa rapu pyakape lao rombo palyiyu, leya.

1 Kiŋi 8:29

Tembole anda dakena lakandaramiŋi lao embame rombo palyii dokona kukwa korakamape rapu pyuo karape. Nambame tembole anda dakena lenge kambu pyambwapala ateŋa laro dokopa sakape.

2 Kiŋi 18:22

Lapala baa konda pyuo lao, Nakama nakamana Kamongo Anatu keta pyamalyuo karamanoŋo doko namba langiramisi? Esekayame Kamongona lakandenge panda poo pyasipi dee kana pyare lasipi dupwa kokwa sinyi nembeya. Nembapala Juta wambupi dee Jerusaleme wambupi dupwa lamaiyuo, Yuu Jerusaleme kana pyare lasi dokona iki lakando karena, leya.

Esera 6:12

Anatu yuu Jerusaleme dokona baa lakandarami lao rombo palyiya kiŋi mendemepe wambu rara mendemepe mawa pii dake kamba lao tembole anda kokwa selana lao kararami dupwape pyao kwaeyanyi nembakana leto. Namba Darisimi mawa pii doko ama poraiyuo langilyu. Nakamame warombo soo minyuo karalu karalapape.

Samu 100:2

Mona pyakalyuo pyao kenane lapo pyao rae maiyuo Kamongo lakando karalapape.

Samu 116:17

Nambame ange lao emba bange pyao kiso joo dokopa nambana ateŋa pii doko opetae jero ingilyamo.

Dutaronome 12:13

Nakamame mee maso yuu lapo rombo palyaraminyi dupwana nakamana bange dupwa kiso mai narami.

Dutaronome 12:14

Nakamana rara palaminyi dupwana yuu mende Kamongome rombo palyaramo dokona iki bange mairami. Yuu mendaki dokona iki nakamana bange kiso maiyuo dee yulu wakale peparae pipwape langiyunu dupwa pyuo kararami.

Dutaronome 12:18

Nakamape nakamana wane wanakepe dupwape kendemande dupwape dee Lipae rara nakamana taone dupwana palenge dupwa peparaeme nakamana Kamongo Anatu dokome yuu mendakinde rombo palyiyamo dokona piso banya lenge kambu dokona nenge dupwa narami. Nao karo dokopa yuu dokona yulu peparae piminyi dupwana lao rae maiyuo kararami.

Dutaronome 12:21

Kamongo lakandenge panda mende nanesa wakasa ingiya kande dokopa nambame nakama langiyunuli pyuo nakamame mena bulamakao sipisipipi Kamongome nakama jiyamo dupwana mende pyao kisapala nakamana anda dokona nao pisiramo.

Dutaronome 12:26

Nakamana bange mairaminyi dupwape dee Kamongo mairama lao lalu lao leyaminyi dupwape nyepala lakandenge panda mendakinya minyuo parami.

Dutaronome 12:5

Nakamana rara peparae palaminyi dupwana Kamongome yuu mendakindena wambu dupwa banya lenge kambu dorena karo lakandarami lao rombo palyara.

Dutaronome 26:2

nakama range mendaki mendaki lao ee nengepe wakale wakale kanda soo manjo nyuo karo dokopa pisiki minyasi mendaki mendaki laonya paki pyuo minyuo misi lenge panda Anatumi rombo palyiyamo dokona parami.

Dutaronome 31:11

Dokona lao lakandenge yuu mendakinya nakamana Kamongo Anatu doko lakandala eparami dokopa Isaraele wambu dupwa kando yaka lao lamairami.

1 Samyuele 1:21

Elekana banya ree palu pipa yuu Sailo dokona ee kana yaka lao yuu gii dokopa Elekana baame mena pyao kiso Kamongo mainginyili pyuo maiyala penge yuu gii doko kamba epeyamopa peyami. Kamongopa kiso mairuŋu lao lalu lao leyamo doko opetaeko kiso maiyala peya.