Dutaronome 1:8 - Anatunya Buku Baepole Ole Testamene Pii Lapo dee Nuu Tesamene

⁸ Yuu dake peparae namba Kamongo dokome nakamana rora ambasu Aporakamemoo Aisakemoo Jekopemoo dee dupwana para pyaraminyi dupwa mairu, lao lalu lao leyo. Yuu dokona pao palyuo karalapape.

Dutaronome 1:8 ပူးပေါင်းရင်းမြစ်များ

Jenesese 12:7

Kamongo dokome Aporame kareyamo dokona epo maro lapala lamaiyuo lao, Yuu dake nambame embena wane manjo para pyao eparene dupwana ingyuo paraŋa lao jero, leya. Dopa leyamo dokopa Aporame baame Kamongona lao kana pyare lakamiya.

Jenesese 15:16

Amo wambu yulu koo pilyaminyi dokona koo andake ingyuo paramo randa maipengele dokopa ralinyi nembaro. Dokopa embena palu yuu kisima mende ingyuo manjo para pyao nyeparaminyipa dee yuu dake epo nyerami, leya.

Jenesese 15:18

Yuu gii dokopa Kamongo dokome Aporamepa kana minyuo pii lalu lao lao dopa leya. Embena wai kisaramo dupwa nambame yuu dake mairuingilyamo. Mairunu yuu doko yuu Isipi lili dokona piso pao ipwa pona andake Yuporisa lenge dokona lili pira lyakande, leya.

Niyamaya 9:15

Wambu dupwa lopayami dokopa yake dokona piso borete maiyuo dee ipwa nanayami dokopa kana dokona ipwa guu lanyi peyakamyuo piipya. Embame yuu mairu lao lalu lao lene doko nyuo kalyinya lao lamaii.

Ekesetase 33:1

Kamongo dokome Mosese lamaiyuo lao, Embape embena wambu yuu Isipi yaki nyuo lanyuo epee dupwape yuu dake yaki nyepala nambame Aporakame Aisake Jekopemoope dee dupwana para pyaraminyi dupwape kando yuu mairuŋu lao lalu lao leyono dokona pupwape.

Nambase 14:23

Nambame nakamana rora ambasu dupwa yuu doko mairu lao lalu lao leyo dokona nakama paa narami. Nakamame namba mata jilyaminyi dupwana mendemepe yuu dokona kapa pao kara nara.

Dutaronome 10:11

Nakamana rora ambasu dupwa keta mairu lao lalu lao leyamo yuu dokona nakama palyuo kararami lao baame namba nakama lanyuo pupi, lao langiya.

Dutaronome 26:15

Embena yake panda poo pyasi dokona karo embena Isaraele wambu dupwa kandapala elyape keta piso kamonganyi nembape. Dopako pyuo namwana rakange kyawa dupwa pipya yuunde jeroŋo lalu lao lao kana minyapala yuu kamongo amenge pingi namwa jiinyi doko elyape keta pisinyi pyambwakape.

Dutaronome 26:3

Yuu gii dokopa purisi rapu pyuo kararamo doko keta papala baa lamaiyuo, Nambana Kamongo Anatunya lenge kambu sipyamo dokona karo leto. Yuu baame namwana imbwange dupwa jero lao kana minyuo leyamo dokona epapu epo palyuo karo, larami.

Dutaronome 30:20

Nakamana Kamongo Anatu doko mona nyepala baapa rape rape lao yaki nyii nalapape. Dokopa nakamape nakamana wane para pyao manjo paraminyi dupwa pipya yuu nakamana imbwange Aporakame Aisake Jekopemoo mairuŋu lao lalu lao lao kaeyamo dokona yuu gii andarele palyuo kararami ingilyamo.

Dutaronome 31:7

Dokopa Moseseme Josua epena lapala Isaraele wambu peparaena lenge kambu dokona karo baa lamaiyuo, Embame wambu dapwa yuu dokona palyuo kararami lao Kamongome nakamana rora ambasu dupwa kando yuu mairuŋu lao lalu lao lao leyamo dokona lanyuo pare. Emba pako pyuku laa napala kando poraiyuo karape.

Dutaronome 34:4

Dokopa dokona karo Kamongome Mosese baa dopa lamaiya. Wamba nambame Aporakame Aisake Jekopemoo nakamana wai kiso nyeraminyi dupwa mairu lao lao kana minyuo leyono yuu doko dakeŋe. Dokona nambame emba mee kanda lao pilyu. Dopa pipunupape nambame emba dokona puu laa nalapono, leya.

Dutaronome 4:1

Moseseme wambu dupwa lamaiyuo, Nambame mawa pii mana langilyu dupwa peparae warombo serami ramo doko nakama lete karo Kamongo doko nakamana rora ambasu dupwana Anatu dokome yuu doko jipyamo dokona palyuo kararami.

Dutaronome 6:10

Nakamana Kamongo Anatu dokome nakamana rora ambasu Aporakame Aisake dee Jekopemoo dusipa kando lalu lao lao lamaiyuo, Nambame yuu taone andake dupwa bange keyange singi nakamame pii nayami doko mairu leyamuli pyuo baame nakama jera.

Dutaronome 7:12

Nakamame mawa pii dapwa sepala warombo soo poraiyuo minyuo karalu kararami ramo doko nakamana Kamongo Anatu dokome nakamana rora ambasu dupwa kando lalu lao lamaiyamuli pyuo banya kana minyuo lalu lao lenge pii doko nakama keta reto puu para. Dee banya mona retenge doko alowa pii nao nakama lasaka pyuo pira.

Dutaronome 7:13

Baame nakama mona reto dee elyape keta piso pira. Dopa piramo dokopa nakama ama wakasa andake ingyuo dee wane wanakepe dupwa malu manjirami. Nakamana isa olipi ipwangepe kenapape waene ipwangepe dupwa andaramo naramiŋi lao baame nakamana ee yuu dupwa elyape keta pisinyi pyambwakara. Dee mena bulamakao mena sipisipipi malu dupwa elyape keta pisinyi pyambuo nakama jera. Baame nakamana rora ambasu dupwa kando lao yuu jeroŋo lao lalu lao leyamo yuu dokona yulu peparae pyuo nakama elyape keta pisara.

Dutaronome 7:8

Dopa pipyamopape Kamongome nakama mona retapala nakamana rora ambasu dupwa kando lalu lao leyamo pii doko yaki nyii nao minyuo karapuli lao suu piyamo dokome nakama Isipi kiŋi dokona kendemande pyakamyuo karapusi kareyaminyipa banya porai andake wakasa dokome nakama kyawa lete nyuo manda rao kiiramo minyuo epeya.

Dutaronome 8:1

Epapu nambame mawa pii nakama jilyu dupwa rape rape lao kandokondali pyuo minyuo karalapape. Dokona lao Kamongo dokome nakamana rora ambasu dupwa kando yuu jeroŋo lao lalu lao leyamo dokona nakama ama malu soo kaeyo ingyaramopa palyuo kararami.

Dutaronome 9:5

Nakama keyange ingyuo rolae pyuo karamindena Kamongome nakama wambu dolomana yuu doko nyelapa lapyande daa. Wambu doloma koo pingi dokona baame ralinyi nembakara. Dopa piramo dokona nakamana rora ambasu Aporakame Aisake Jekopemoo dusipa keta pii lalu lao lao rape rape lao piruŋu leyamo dokome pira.

Ipuru 6:13

Anatumi Aporakame kando mende piru lao lalu lao leya. Pii doko wambu mendena kingi lapala lara ingya nayasa baa mupwa dokome rangena kingi dokona lapala kingi ketae nembeya.

Ipuru 6:14

Anatumi Aporakame kando, Namba emba elyape keta pisaronopa embena rara andakyaraŋa lao lao kana minyuo leya.

Josua 1:6

Embame mona kumapala yulu dokona pilyuŋu lao suu pyao kandokondali pyuo poraiyuo pepe. Dokona lao nambame nakamana rora ambasu dupwa keta yuu mairu lao lalu lao leyono dokona nakama palyuo kararaminyi dokopa emba wambu dapwana mupwa ingyuo iso karare.

Jasi 2:1

Kamongona aŋala doko yuu Gilikale piso pao yuu Bokimi dokona peya. Papala baame Isaraele wambu dupwa lamaiyuo, Nambame nakama nyepala yuu Isipi doko yaki nyuo nakama lanyuo pao yuu nambame kana minyuo kinyi lalu lao nakamana kauwange dupwa kando leyono dokona lanyuo epeyo. Dokona nambame nakama kando pii kana minyuo leyo dokona dee lili pii naro, leya.