Daniele 9:6 - Anatunya Buku Baepole Ole Testamene Pii Lapo dee Nuu Tesamene

⁶ Embena kendemande akali poropeta dupwame embena kingi dokona lao namwana kiŋi akalipi akali mupwape rora ambasupi dee namwana wambu peparaepe lamaingi dokopa namwa see nalu nayama.

Daniele 9:6 ပူးပေါင်းရင်းမြစ်များ

2 Kiŋi 18:12

Doko nakamana Kamongo Anatu warombo see nayami dokona Samaria wambu dupwa nakama isa peyami. Dopa pyuo Kamongome nakama pipya kana minyuo lalu lao leyamo pii doko minyuo pii nayami dee Kamongona kendemande akali Mosese keta lowa pii maiyamo dupwa warombo soo minyuo kara nayami. Nakama dupwana soo nyuope warombo soo minyuo pyuope pirami ingya naya.

Niyamaya 9:30

Ee kana peparae embame wambu dupwa pipya imbu singi nyii nao waa waa lao repe repe lamaiyuo karee. Embena poropeta akali dupwa keta nakama pii lamainyipa embena wambu dupwa kale poeyasa see nayami. Dokona lao wambu yuu lili wakale lapome embena wambu dupwa iso karena lao panda maiyuo kaeye.

Niyamaya 9:32

Anatu, Namwana Anatu doko emba kamame wakasa. Emba ama porainya renge palenge doko wambu soo pako karaminyi. Embena pii lalu lao lao kana minyingi doko emba yaki nyii nange. Asiria kiŋi dupwame namwa piyaminyi yuu gii dokona piso pao epapu dokona namwa randa andake nyuo karamano. Namwana kiŋi dupwape namwana lita dupwape namwana purisi dupwape namwana poropeta dupwape namwana rora ambasu dupwape dee namwana wambu peparaepe randa nyuo kareyami. Dokona namwa randa kuki lama nyiyamape lao suu pyape.

Niyamaya 9:34

Namwana rora ambasupi namwana kiŋipi namwana litape dee purisipi dupwa peparaeme embena Mawa Pii doko minya nayami. Nakamame embena repe repe piipi embena pinya lao pii poraiyuo ingyuo lengepe dupwa see nayami.

Jeremaya 26:5

Dopako pyuo nambana kendemande akali poropeta dupwa nakama keta kaeya nao mapanyi peyapa pyuo kareyo dupwa apa letaminyi lao sokondali pyuo karalapape. Wamba nakamana pii warombo see nayami.

Jeremaya 7:13

Nakamame yulu koo peparae nambame kingi lalono kandape dusipa pingi. Dopa piminyisa nambame nakama kamba kamba langyuo kareyonopape kamba lenge. Lapala nambame kee leyono dokona isingi yano pyaa nange.

Jeremaya 7:24

Dopa lamaiyunupape nakama warombo soo kui lao karope pirami ingya nayami. Dopa pingi kandale doko suu pyao nakamana mona koo kana pokonge dupwamepe mende pinya lao lamaiyamo dupwa piyami. Pipala elyape ingyuo kararami doko suu pyao ama kopetame kareyami.

Daniele 9:10

Embena kendemande poropeta dupwa keta lowa pii namwa jiinyi dokome laramuli pyuo palipwa lao namwa langipinyipape Kamongo Anatu namwame embena pii doko soo nyii nayama.

Daniele 9:9

Namwame emba kando koo pyuo mona kana poko mata jiyamanopape embame sakame kumuo kame sakame kumuo kame sakao karenge.

Matyu 23:37

O Jerusaleme, Jerusaleme, Anatunya poropeta akali dupwa pyao kumakao, pii minyakamyuo epenge dupwa kaname pyapa pingi. Kola inya dokome banya ikyane dupwa papaki dokona lungwa lungwa nyuo pyambungi doko suu pyao yuu malu mee embena wane wanakepe sukusa nyipuli lao suu piyunupa emba daa lee kande.

APOSELENA YULU 13:27

Jerusaleme wambu dupwape nakamana rapu pingi dupwa pipya nakamame baa dopa pyuondelyamo lao soo rola napala Anatunya poropeta akali dupwana pii pyasi palamo doko koro petenge dupwana peparae yaka lapa pingi pii doko soo gisa napalape pii doko leyamuli pyuo piyami.