Daniele 9:20 - Anatunya Buku Baepole Ole Testamene Pii Lapo dee Nuu Tesamene

²⁰ Nambame nambana Kamongo Anatu doko kando ateŋa lao nambana Isaraele wambu dupwana koo dupwa polo lakamyuo dee nambana koo dupwa polo lamaiyuo banya tembole anda poo pyasi doko karengenyili pyuo kamba elya pinya lao piso sokondali piyu.

Daniele 9:20 ပူးပေါင်းရင်းမြစ်များ

Niyamaya 1:6

Embena kendemande Isaraele wambu dupwa emba kando koo piyama dupwana kondapala polo langyuo kukwa korakamape ateŋa lao pyuo karo doko emba kando sepe. Kinyi nambape nambana rakangena ree palupi koo piyamako, lamaiyu.

Samu 145:18

Wambu dupwame baa keta kulisa palyuo kee letaminyi dupwa peparae keta baa repeta karamo.

Samu 32:5

Nambana koo dupwa emba keta polo langiyu. Kopetame pingi dupwa yalu pinya saka napala emba polo langinya suu piyu. Dokona embame nambana koo pingi dupwa peparae kwuanyi nembakaeye.

Aisaya 58:9

Nakama ateŋa laraminyi dokopa nambame yano pyakaro. Dee nakamame namba kyakale laraminyi dokopa aopa ŋee lao sakaro. Renge doko nakamame wambu randa maingi yulupi kingi sikisame suu lao kooŋo lao lengepe pii koo lengepe dupwa yaki nyuo kaepala

Aisaya 6:5

Dopa piyasa namba kumuo kaeyalyano lao mee kikurenge doko kareyo. Karo suu pyao, Nambame kambunya pii epenge dupwa karo petenge dupwako epenge dokoŋo dee wambu pii koo kambunya lao piso palyuo piminyi dupwa pipya piso palyuo pyuo karenge. Dopa pyuo karapunupape nambana lenge angi dokome Kamongo Porai Wakasa Kiŋi doko angi kandelyo lao suu piyu.

Aisaya 65:24

Dopa pyuowako dee nakama nambapa lao ene ateŋa lao otapa naraminyipa kanyasa isingi yano pyakamiru.

Daniele 9:16

Wamba dokopa emba namwa pipya pyamalyuo nyiso karenge. Dokona lao Jerusaleme pipya imbuo karalu kara napipi. Jerusaleme embena yuu taone doko. Dee embena yuu kyau poo pyasi. Namwana koo dupwanape dee namwana rora ambasu dupwana yulu koo piyaminyi dokona wambu yuu liti wakale wakale maki palenge dupwa peparaeme namwa kilya kandelyaminyi.

APOSELENA YULU 4:31

Nakama dopa lao ateŋa lao oteyaminyi dokopa elyambu pyuo peteyaminyi dokona yuusili minyiya. Dokopa Imambu Poo Pyasi nakama keta palyuo simbuyamosa nakama peparae eŋa pyapala Anatunya pii lao kareyami.

Orome 3:23

Dokona lao isa wambu peparaeme koowako pipala Anatunya yanga paupau lenge doko yaki nyuo neta epeyami.

Jemesa 3:2

Namwa peparae kopeta kapeta pingi. Dokona akali mende pii koo kambumi laa nangende kareya kande doko banya yulu peparae angi rolae pyuo parasa pira.

Orepalaisane 21:10

Dokopa imambu doko epo namba keta maralyiyamopa aŋala mendeme namba soo yuu kyau ama ketaendena peya. Papala dokona karo yuu taone Jerusaleme enenge poo pyasinde Anatu keta yake dokona piso epeyamo doko lasaka piya.

Orepalaisane 21:2

Dokopa Jerusaleme taone yapasi doko enenge ingyuo alowa pipala yake dokona piso enda mapwae rapa rapa pyuo kalya pipala akali anda epenge dopale mane mane pyuo epeyamo kandeyo.