Daniele 9:18 - Anatunya Buku Baepole Ole Testamene Pii Lapo dee Nuu Tesamene

¹⁸ Anatu namwana pii sepe. Sepala namwa randa aki nyilyaminyi lao kandape. Yuu taone dokona embena kingi singi dokona wambu dupwa randa nyilyaminyi doko kandape. Namwa rolae pyuo karamwandena daa. Embame sakame kumuo nyisingi dokome namwa emba kando ateŋa letamano.

Daniele 9:18 ပူးပေါင်းရင်းမြစ်များ

1 Kiŋi 8:29

Tembole anda dakena lakandaramiŋi lao embame rombo palyii dokona kukwa korakamape rapu pyuo karape. Nambame tembole anda dakena lenge kambu pyambwapala ateŋa laro dokopa sakape.

2 Kiŋi 19:16

Epapu Kamongo namwa keta mende pilyamo doko kandape. Kamongo emba lete karenge doko kando akali Senakeripi dokome kilya kando letamo pii dupwa peparae sepe.

Samu 116:1

Nambana pii sipyamo dokona Kamongo doko mona maiyuo karo. Baame nambana ateŋa lao karapu dupwa silyamo.

Ekesetase 3:7

Dokopa Kamongome lao, Nambame nambana wambu dupwa Isipi wambu dupwame randa maiyuo pyuo karaminyi doko kandelyo. Dee karapusi yulu rapu pingi akali dupwame kopetame isilyaminyi dokona kiiramo nyuo pumwali lao ee lao karaminyi doko namba silyu. Randa nami dupwa namba soo gisilyu, leya.

Aisaya 43:7

Nakama namba rangena wambu. Nakamame nambana kingi andakinyi nembo yulu pirami lao nambame nakama wasiyu.

Aisaya 64:12

Dokona lao Kamongo embame mende piroŋo lao suu pyaa napala mee kanaŋa karepe? Namwa randa nyingi dee kamame wakasa nyelapa lapala embame mende pyuo namwa nyisare ingya nalyase?

Aisaya 64:6

Namwa peparaeme koo pyuowako karamano. Namwana yulu rolae angi pilyamano lao pyuo pumwanopape yulu dupwanako peparae karo piso koo ingyuo pelyamo. Namwana koo dokome namwa mee isa porakana yao ingyuo soo papiyamo karamano.

Jeremaya 14:7

Nambana wambu dupwame namba kando ee langyuo dokopa namwana koo wakasa piyama dupwame namwa range randa joo koo keta palyilyamo. Namwa emba karenge lao suu pyao kara napala kata malunya mata joo pao kaeyama. Namwa emba kando koo dupwa piyama. Dopa piyamanopape Kamongo embame nyisaro lao lao kaeyene dokona palyuo nyisape.

Jeremaya 14:9

Emba akipamo akali mona nembako kamenge walu lao nyingi dopale ingyuo dee akipamo emba yanda singi lapo porainya renge pali napala nyisalana pako karenge dopale ingilisi? Kamongo emba namwa role karene doko siyamano. Namwa embena wambu embame namwa kyawa yaki nyii napipi, lao letaminyi, leya.

Jeremaya 15:16

Embame namba pii langii dokopa pii mende isa nemba nao siyu kande. Kamongo Anatu Porai Wakasa doko, namba embena kandale. Dokona lao embena pii doko nambana monarena rae maingi mona pyakalyuo pingipi renge dupwa pipya palyuo simbulyamo.

Jeremaya 36:7

Kamongo dokome banya imbu singi andake isare ingyuo ango karapya dokome wambu dupwa pipya randa mairu lapyamo doko silyaminyi dokona nakama Kamongo kando ateŋa lao nakamana koo dupwa yaki nyuo kapu kyuo eparami rapisi, leyo.

Jeremaya 37:20

Dokona emba kiŋi andake doko, dakepa nambame emba piso sokondali pyuo nambana pii see lao leto. Sepala nambame emba piso silyu dokona kaeya nao pyakape. Doko embame namba akali Jonatanena anda dokona dee kamba kapu kyuo karapusi pyambwa napipi. Emba dopa piri ramo namba dokona angi kumaro ingilyamo.

Isikiolo 36:22

Dakepa doko namba Kamongo Mupwa Andake Wakasa karenge dokona pii Isaraele wambu nakama lamainya pilyu doko lamaiyakape. Nambame renge mende pyupono lamo doko Isaraele wambu nakamana reke lao pinya pilini lao suu pyasaramiŋi doko daa. Nakama yuu liti wakale wakale dupwana peyaminyi dokona nambana kingi poo pyasi doko nyuo yuu paranyi nembo peyaminyi dokona lao piru.

Isikiolo 36:32

Nambana yulu keyange pilyu dupwa Isaraele wambu nakamana reke lao pilini lao masarami doko daa. Nakama nambana yulu keyange doko kando koo dupwana elya nyimili lapala pipunu pilyamo, dopa lao namba Kamongo Mupwa Andake Wakasa karenge dokome pii dake lapunu pilyamo.

Daniele 9:7

Emba Kamongo yuu peparae rolae pyuo karapinyipape namwa yulu koo pyuo range keta elya nyuo karamano. Namwa wambu yuu Juta palengepe yuu Jerusaleme palengepe dee Isaraele wambu peparaepe emba yaki nyuo kaeyama. Dokona lao embame repeta nanesape dupwana palu pena lao minyuo muu raleya lao nembee dupwame dopa pyuo kareyama.

Nambase 6:27

Kamongome dopa lao, Mendeme nambana kingi lao Isaraele wambu dupwa elyape keta pisinya lao ateŋa larami ramo dokopa nambame nakama nyuo elyape keta pisaroko, leya.

1 Korina 1:2

Anatunya Elyambu Pingi wambu yuu Korina palenge dupwa Anatumi banya wambu ingyarami lao kee lao rombo palyiya. Rombo palyiya wambu dupwa Anatu Yesu Koraisapana ingyuo nakambana arapu dokona pakao karo wambu yuu muu dupwana peparae nakamanape namwanape Kamongo Yesu Koraisana kingi lenge dupwa kando letambano.