Daniele 9:17 - Anatunya Buku Baepole Ole Testamene Pii Lapo dee Nuu Tesamene

¹⁷ Anatu nambana ateŋa piso sokondali pyuo leto doko sepe. Sepala embena tembole anda kokwa siyamo doko karengenyili pyuo elya pepe. Emba Anatuŋu lao wambu peparaeme soo nyinyaleŋe dokona tembole anda doko kamba elya pepe.

Daniele 9:17 ပူးပေါင်းရင်းမြစ်များ

1 Kiŋi 8:28

Kamongo nambana Anatu, namba embena kendemande akali. Nambana ateŋa pilyu doko sakape. Sakapala epapu nambame emba pii piso silyu dupwa pyakape.

Niyamaya 1:6

Embena kendemande Isaraele wambu dupwa emba kando koo piyama dupwana kondapala polo langyuo kukwa korakamape ateŋa lao pyuo karo doko emba kando sepe. Kinyi nambape nambana rakangena ree palupi koo piyamako, lamaiyu.

Samu 119:135

Embame namba eŋa nembapala embena lowa dupwa mana langipi.

Samu 67:1

Anatu embame namwa sakame kumapala elyape keta piso kalya pyuo nembape. Namwa koo nono ingyuo kanda napala anjiki pyuo kandape.

Samu 67:2

Dopa pirinyi dokopa yuu muu peparaeme embena pimili lao suu pilini doko sinyale. Dopa pyuo soo embena pyuo nyingi yulu doko dopa pyuo palyuo penge lamo lao kandenale.

Samu 80:1

Isaraele Wambunya Iso Karenge embame namwana pii soo karape. Emba aŋala dupwana kyawa ingyuo karenge dokome

Samu 80:19

Kamongo Anatu Porai Wakasa dokome namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:3

Anatu embame namwa range sukusa nyepe. Embena sakame kumungi renge doko lasaka pirinyi dokopa namwa kyawa minyinyale.

Samu 80:4

Anatu Porai Wakasa doko embame yuu akipare embena wambunya ateŋa doko soo imbumi kumuo kararese?

Samu 80:7

Anatu Porai Wakasa dokome namwa range sukusa nyepe. Embame sakame kumungi renge doko lasaka pirinyi dokopa namwa kyawa minyinyale.

Daniele 9:19

Kamongo, namwana ateŋa sakape. Sakapala Kamongo namwana koo dupwa nyuo kame sakape. Kamongo namwana pii sepala namwa keta yulu keyange mende pyakape. Wambu peparaeme emba Anatu lao soo nyinyaleŋe dokona mende pinya suu pilini doko waiya lao pepe. Yuu taone dake embena. Dee wambu dae karenge dupwa embenako.

Jone 16:24

Wamba nambana kingi dokona lao piso see nayami. Monarena pyakalyuo pingi renge dokome simbuo pyoko pyoko lena lapala piso selapape. Dokopa kando nyerami ingilyamo.

2 Korina 1:20

Anatumi kana minyuo leya doko Yesu keta kapa pingi. Renge dokona lao Anatu kando namwa Yesu Koraisa karamo dokona alya minyuo namwa doko kinyi lao Anatu lakandenge.

Orepalaisane 21:23

Taone dokona neta kanape dolapo rao karara kata mende see naya. Anatunya yanga paupau lenge dokome neta rao dee Sipisipi Ikyane dokome lambe ingyuo rao kareyamo kandeyo.