Daniele 7:25 - Anatunya Buku Baepole Ole Testamene Pii Lapo dee Nuu Tesamene

²⁵ Baame Anatu Mupwa Andake Wakasa doko kando kamba lapala Anatunya wambu dupwa randa maiyuo kopetame isara. Dopa pipala baame nakamana misinya mawa piipi nenge malu palyuo lakando nao petenge yuu giipi alowa pinya piramo dokopa Anatunya wambu dupwa ee kana rema dee kanya ingyuo banya porai dokome isaramopa isarena kararami.

Daniele 7:25 ပူးပေါင်းရင်းမြစ်များ

Daniele 2:21

Baame neta pingipi apu pingipi yuu gii dupwa rapu pingi. Baame kiŋi dupwa rombo palyepala dee nyuo isa nembenge. Baame akali dupwa soo gisinginya rengepe dee singinya rengepe maingi.

Daniele 3:26

Kiŋi Nepukatenesa baa isare alyu uliyapu nyuo rao karenge dokona kambu dokona papala nakama kee lao, Setarake, Mesake, Apeneko, Anatu Mupwa Andake Wakasa dokona kendemande akali dusipa nyisa ipupwa, leya. Leyamo dokopa nakama aopa nyisa epeyami.

Daniele 4:17

Dake aŋala iso karalu karenge dupwana pii lalu lao lao palyimi doko. Anatu Mupwa Andake Wakasa dokona porai renge dokome mee akali kiŋi dupwana isingi yulu doko nyuo isa palyingi. Baame range maso akali mende kiŋi inginyi pyambuo rombo palyingi. Akali kamame kuki karelyaminyipape baame mende rombo palyilyamo doko kiŋi wasingi. Dokona lao pii doko wambu peparae sinya, lapya.

Daniele 4:2

Anatu Mupwa Andake Wakasa yake panda karenge dokome yulu wambumi kando yamarangungipi yulu andake wambumi pii nangendepe namba keta pyuo lasaka pipyamo doko nakama langiruwale, selapape.

Daniele 4:25

Emba wambu menge dupwa pipya rekya lao nyisa papala mena suwa rae lengepe pipya palyuo kararami. Dee emba mena bulamakao yale okese lenge rambi nenge dopale ingyuo nao ee kana yanda ipingi kamanda palyuo kararenepa pipyae dupwa kondo epo emba keta piso karara. Dokopa embame lao, Mee isa wambunya kiŋinya isingi yulu dupwa peparae Anatu Mupwa Andake Wakasa dokome rolo rapu pyuo karenge. Baame yuu dupwana kiŋi karena lao rombo palyingi lare, leya.

Daniele 4:32

Dokopa emba mee wambu dupwa palaminyi dokona dopale ingyuo pali napala nyisa pao mena suwa rae lenge pipya palu kararami. Dee mena bulamakao yale okese lenge rambi nenge dopale ingyuo rambi dupwa nao palu kararenepa ee kana yanda ipingi nyepo dusipa epo para. Dokopa embame polo lao Anatu Mupwa Andake Wakasa dokome banya porainya renge dokome mee isa akali kiŋinya isingi yulu dupwa rapu pyuo karenge dee baame yuu dupwana akali mende kiŋi karena lao rombo palyingi lare, leya.

Daniele 7:18

Seramopa Anatu Mupwa Andake Wakasa dokona wambu dupwa kiŋinya porai renge nyepala minyaro karalu kararami, leya.

Daniele 7:20

Dee banya ayemba dokona nenge akalisa epeyamo dusipana lao dee mendaki enakana epeya dokome nenge dolomana rema pyao lalyiyamo dokona lao selana suu piyu. Nenge enakana epeyamo doko lenge rao nenge kata soo pingindeme range ketae pyambuo lakandeya. Doloma paka piyamopape baa paka wakasa pingipya dokona renge lama kaname selanako suu piyu.

Daniele 7:8

Dopa piyamopa nambame nenge dusipa kandaroko siyunu dokopa kanya dokona nenge kuki mende potemo epeyamo kandeyo. Kandeyono dokome wambo nenge rema kareyami dusipa pyao lalyinyi nembeya. Doko baa wambunya lenge renge dopale renge. Dee wambunya kambu dopale banya kambu kareya. Baame pii dupwa range mupwa lao lakanda minya minya pyuo leya.

Daniele 9:27

Wambu iso karenge akali dokome wambu malu dupwa pipya ee kana yanda ipingi nembo mona mendaki palyuo pii walengena lao kararami. Ee kana rema dee kanya dusa ingyuo baame mena pyao kiso maingipi bange maingipi dupwa ote pyuo kaena lara. Dopa pyuo kaena lapala baame mee bange anatu kingimi wasisi mende tembole anda pinjingi londe dokona ketae pisara. Pisaramo doko pisaramoko pao akali pisiyamo dokona lao Anatumi yuu gii lumwa pyuo randa mairu lao rapa rapa pyuo reteyamo doko pyaka seramo dokopa otara.

2 Tesalonaika 2:3

Dopa pyuo panga seraminyi pii doko soo nyii nalapape. Akali koo karapenge doko wambo epara dokopa yanda pii andake sipuraramopa enakana yuu gii doko pyaka sera. Akali koo karapenge doko panda koo dokona papala karalu karara.

2 Tesalonaika 2:4

Koo karapenge akalimi Anatunyape dee Anatunya yulu peparaepe yanda pimwainyi pyambwara. Pyambwapala baa wakasa dulusale ingyuo suu pyao Anatunya tembole anda pao piso namba anatuŋu lao karara.

2 Tesalonaika 2:8

Panaramo dokopa Kamongo Yesumi banya porainya renge dokome akali koo karapenge doko pyao kumakao baa neta renge ingyuo yanga paupau lao eparamo dokopa akali karapenge doko isa puu pao para.

Orepalaisane 12:14

Peyamopape enda doko yaka kambena papake lama maiyaminyi nyuo karapala bii lao yuu muiyane dokona peya. Yuu dokona ee kana rema dee apo ingyuo kau dokome pyasaramo lapala waso pisira ingiya.

Orepalaisane 12:6

Endangi doko Anatumi yuu pandape rapa rapa pyakamiyamo yuu muiyane dokona ralo peya. Baa yuu gii malu (1,260) Anatumi rapu pyuo kararamo pisira.

Orepalaisane 14:12

Dopa pyuo pyaka seramo dokopa Anatunya enda akalipi Yesu kapa ingingi lao suu pyapala banya mawa pii dupwa yaki nyii nao karapengele leya.

Orepalaisane 16:6

Nakambame Anatunya wambupi dee poropetape dupwana ranjama dupwa kulimbwakamiyami. Dokona lao embame nakama ranjama dupwanako nena lao kapa mailinyi.

Orepalaisane 17:6

Enda dokome Anatunya wambu Yesu yaki nyii nao baa reke lao kumuyami dupwana ranjama napala kyakao peteyamo kandeyo. Kandapala nambame yamaranguyu.

Orepalaisane 18:24

Poropeta akali dupwanape dee Anatunya wambu dupwana ranjama dupwape taone andake doko keta palamo. Dee wambu peparae pyao nakamana ranjama kulimbuyaminyi ranjama doko nakama keta kwualyamoko.