Daniele 6:7 - Anatunya Buku Baepole Ole Testamene Pii Lapo dee Nuu Tesamene

⁷ Namwa peparae embena yulu isoko kando karenge dupwa yulu rapu pingipi gapomanepe gapomane kuki dupwape dee yulu wakale pingi dupwapeme lao palyamwa doko emba kiŋi andake dokome lowa porai mende lao wasapala alowa pii nao minyaro karalu karare. Mawa pii pyao reto yuu gii akalisa rema (30) dusipana mendemepe mee bange anatuŋu lao lakandenge lapope akali lapope bange jinya lao piso see nana. Emba kiŋi andake dokona iki keta piso sinya lare. Larenepa mendeme pii doko warombo see nara ramo doko mena laene palenge yuwale dokona pyambware, leyami.

Daniele 6:7 ပူးပေါင်းရင်းမြစ်များ

Samu 2:2

Nakamana kiŋi dupwa porai ingyuo karo dee akali mupwa dupwa wato lao karapala Kamongope banya rombo palyisi kiŋi dokope yanda pimwailyaminyi.

Daniele 2:4

Leyamo dokopa nakamame Arame pii lao isingi lao, Emba kiŋi dokoŋo palu karalu karena. Embena kombeya doko namwa langipi. Dopa pirinyi dokopa namwame renge doko polo langirama, leyami.

Daniele 3:11

Dee wambu mendeme pangu soo lakanda nara ramo doko isare ama alyu uliyapu nyuo rao karenge dokona sukusa pyambwarami lapi kandape.

Daniele 3:2

Lapala dokopa banya akali mupwape isingi akali dupwape kana isingi dupwape kote singi dupwape gapomane mupwa dupwape gapomane kukipi dee akali mupwa dupwa peparae yuu liti dokona range dupwape nyuo pyaso malu palyinya leya. Kiŋi Nepukatenesame mee bange wambu yale kana golome wasapala ketae pisiyamo dokona nakama lakando ketae pyambwakala epena leya.

Daniele 3:27

Dokopa gapomane mupwape gapomane kuki dupwape dee kiŋinya akali mupwape nyuo pyasapala akali isarena randa nyuo raa nayaminyi dusipa kandala epeyami. Nakamana kyawasi dusipana pinjingisape mende raa nayami. Nakamana komau dupwana mende raa nayamo dee nakamana yongo dupwana isare sukwa ai pyuope pii naya.

Daniele 3:6

Wambu mendeme pangu sepala lakanda naramo doko waiya lao isare ama alyu rao karenge dokona sukusa pyambwarami, leya.

Daniele 6:16

Dokopa kiŋi dokome akali dupwa kando lamaiyuo, Daniele baa mena laene palenge yuwale dokona minyuo pao pyambwala pena leya. Lapala baame Daniele kando lao, Embena Anatu, embame yulu rape rape lao pyakamingi dokome emba kyawa lete nyinya leya.

Daniele 6:22

Mena laene dupwame namba randa joo naa nana lao nakamana nenge kata dupwa upi larami lao Anatumi banya aŋala dupwa peeyapya. Dokona namba keta koo mende pali nao dee nambame emba kiŋi andake doko keta koo mende pii nao pingi doko baa singi dokome dopa pipya, leya.

Maeka 6:5

Nambana wambu dupwa nakama keta kiŋi Beleke yuu Moape range dokome mende piruna lao lao palyiyamopa Belame Beona ikinyingi dokome baa isingi apa lamaiyape lao suu pyalapa. Dee yuu taone Akasiya dokona piso pao yuu Gilikale panya penge kata dokona yulu mende piya kande doko nakama masalapapeko. Yulu dupwa suu pyapala nambame nakama keta apa pyuo lete nyelana mende piyu doko soo gisarami.

Matyu 12:14

Dopa piyamopape Parisi dupwame potemo papala baa apa pyuo pyao kumakarama lao wato leyami.

Matyu 26:4

Pipala, Yesu apa pipala yalu pyuo puu maipala pyarama, lao wato leyami.

Make 15:1

Yuu wamba yangama yangama wambena mumwa dokopa purisi mupwa dupwame kamongo dupwape Sekeraepo dupwape wato andake lenge akali dupwa peparaepe role pyao piso wato leyami. Wato lapala Yesu puu maipala lanyuo pao Pailate maiyami.

Jone 12:10

Dokona purisi akali mupwa dupwame Lasarasa opetae pyao kumakarama lao wato leyami.