Daniele 4:5 - Anatunya Buku Baepole Ole Testamene Pii Lapo dee Nuu Tesamene

⁵ Dopa pipunupape namba luu palipunu dokopa kombeya paka pingi mende pipala pii repa repa pyuo kandapala pakame kumapu.

Daniele 4:5 ပူးပေါင်းရင်းမြစ်များ

Jenesese 41:1

Ee kana lama epo papeyamopa Perao kombeyame baa ipwa Naele pona dokona kareyande

Daniele 1:7

Dokopa akali isingi mupwa dokome wane dusipa kingi wakale enenge leya. Wane mende kingi Beletesasa mende Satarake mende Mesake dee mende Apeneko leya.

Daniele 2:1

Ee kana lapo doko Nepukatenesa baa kiŋi kareyamo dokopa baa kombeya mende piya. Dokome baa mona randa malu piyamosa kapa pyuo luu palira ingya naya.

Daniele 2:3

Dokopa kiŋi dokome lao, Namba kombeya mende pipu dokome namba mona randa pilyamo dokona namba renge angi doko apa lao pipu lao selana suu pilyu, leya.

Daniele 4:10

Namba luu palipunu dokopa yuu muu peparaena anda suku dokona isa ama londe mende karapyamo pii repa repa pyuo kandapu.

Daniele 4:13

Namba pii repa repa dokona lao suu pyao palipunu dokopa aŋala yuu peparae iso karenge mende yake panda piso isa ipyamo doko kandapu.

Daniele 4:15

Dopa pirinyipape ane puu dokome dee kone kana puu dokomepe isa sinju doko awali lao puu pyanyi palyapala kaeyape. Yuu dokona rambi pipya petena kaeyare. Epapu akali dake keta pipyae dupwa kondo petena dee baa mena rarape dee ee nenge rarape dupwana pipya role pyapeta palena.

Daniele 4:19

Daniele banya kingi mende Beletesasa lenge dokome kombeya dokona lao sepala mona randame kumuo baa mende lara ingya naya. Dopa piyamosa kiŋi dokome lao, Beletesasa, emba kombeya dokomepe dee dokona renge dokomepe emba mona randanyi pyambunya laa napipi, leya. Leyamo dokopa Beletesasame isingi lao, Emba kiŋi andake doko, kombeya dokope dee dokona renge angi epara dokope emba keta pali nao embena nyisu petenge dupwa keta palipyali doko kapa ingyapyali, leya.

Daniele 5:10

Dokopa kiŋipi banya akali mupwape dupwana leyaminyi doko sepala enda kuini baa nenge nao petenge panda dokona konando peya. Papala baame lao, Emba kiŋi andake palu karalu karare. Emba mona randame kumuo embena yongo nemba napipi, leya.

Daniele 5:11

Embena kiŋinya isingi panda dokona akali mende Anatu Poo Pyasi dokona imambu doko palengende karamo. Wamba embena rakane kiŋi kareyamo dokopa akali doko kyawa sisingi keyange palenge rengepe singinya rengepe soo nyinginya renge mee bange anatunya soo nyinginya renge dopalepe baa keta paleyamo lasaka piya. Dopa piyamosa kiŋi Nepukatenesa embena rakane dokome doo pipu lenge akalipi nemonga lengepe mali mali sakangepe dee bui isingi ene mende pira dokona polo lengepe dupwana baa mupwa ingyuo karena lao rombo palyiya.

Daniele 7:1

Ee kana mupwa dokopa akali Belesasa baa kiŋi ingyuo yuu Bapilone dokona kareya dokopa namba Danieleme kombeya pipala kukwa dokopa pii repa repa pyuo kandeyo. Kandapala kombeya angi doko pepana pyao reteyo. Kukwa dokopa angi dake kandeyo doko dee pyasi palamo.

Daniele 7:28

Dokona kombeya pii repa repa angi doko dakena ote. Namba lenge kambu yongo nembapala wakasa pakayo. Dopa pyuo pakapala kombeya angi pii repa repa piyunu dusipa peparae kame see nao namba range suu pyaro kareyo.