Daniele 4:32 - Anatunya Buku Baepole Ole Testamene Pii Lapo dee Nuu Tesamene

³² Dokopa emba mee wambu dupwa palaminyi dokona dopale ingyuo pali napala nyisa pao mena suwa rae lenge pipya palu kararami. Dee mena bulamakao yale okese lenge rambi nenge dopale ingyuo rambi dupwa nao palu kararenepa ee kana yanda ipingi nyepo dusipa epo para. Dokopa embame polo lao Anatu Mupwa Andake Wakasa dokome banya porainya renge dokome mee isa akali kiŋinya isingi yulu dupwa rapu pyuo karenge dee baame yuu dupwana akali mende kiŋi karena lao rombo palyingi lare, leya.

Daniele 4:32 ပူးပေါင်းရင်းမြစ်များ

Jopo 42:2

Kamongo emba keta porai renge peparae palenge doko namba soo karo. Embame pinya suu pyare ramo dupwa mee kapa piri ingilyamo.

Samu 115:3

Namwana Anatu doko yake panda karamo. Baame pinya suu pilyamuli pyuo pingi.

Ekesetase 8:10

Kiŋi dokome isingi lao, Rakya embame nambana lao ateŋa lakare, leya. Leyamo dokopa Moseseme lao, Emba piso silinyili pyuo piru. Pirunu dokopa anatu wakale mende Kamongo namwana Anatu dopakale daa lao soo gisare.

Ekesetase 9:14

Yuu gii dakepa randa dake embena yulu pingi akali mupwa dupwape embena wambu dupwape keta iki eparande daa. Emba keta opetaeko epara. Eparamo dokopa yuu muu peparaena namba yale mende kara nange doko soo gisare.

Ekesetase 9:29

Leyamo dokopa Moseseme baa lamaiyuo, Namba taone andake dake yaki nyuo paparo dokopa aopa yake dokona Kamongo Anatu karamo dokona nambana kingi pyalyuo ateŋa laro. Dokopa yuu galape apunda randake kapape dupwa epa nara. Dopa piramo dokopa yuu muu doo silyamo dupwa Kamongonalyamo lao sere, leya.

Aisaya 40:15

Kamongona lenge kambu dokona wambu yuu muu liti andakena petaminyi dupwa mee kuki ingingi. Nakamame Kamongome kandapyamo dokopa ipwa goe mendaki dopale ingyuo penge. Yuu kuki ipwa kota nanesa singi dupwa banya lenge kambu dokona mee sinjimu yaepa dopale ingingi.

Aisaya 40:17

Yuu muu peparaena wambu malu petamano lao suu pilyaminyi dupwa Anatunya lenge kambu dokona angi mende daa ingilyamo.

Aisaya 45:3

Nambame kamongonge bange wakale iminjinginya yalu pyuo singi dupwa emba jero. Dokopa emba namba Kamongoŋo lao soo nyuo dee Isaraele wambunya Anatu dokome emba kingi lao kee lapyalamo lao soo nyere.

Daniele 2:21

Baame neta pingipi apu pingipi yuu gii dupwa rapu pingi. Baame kiŋi dupwa rombo palyepala dee nyuo isa nembenge. Baame akali dupwa soo gisinginya rengepe dee singinya rengepe maingi.

Daniele 4:31

Pii doko ene banya nenge kata dokona potemo lalana piyamo dokopa yake panda piso pii mende epo lao, Kiŋi Nepukatenesa, nambame pii leto dake sepe. Epapu embena kiŋinya isingi yulu doko emba keta kingi raka lao nyisa pelyamo.

Daniele 5:21

Baa wambu palenge raka dokona pali napala nyisa papala banya suu pingi doko menana dopale ingyuo paleya. Baa mena donge rae lenge dupwa pipya palu karapala mena bulamakao yale okese lenge rambi nenge dopale ingyuo neya. Dee baa pipyae dupwana mende yambe pyaa nao kamanda mee wau kanya dupwana langa palu karo piya. Dopa pipala Anatu Mupwa Andake Wakasa dokome mee akalinya kiŋi yulu dupwa iso karo wambu mende baame rombo palyingi doko maingi lao baa soo gisiya.

Josua 4:24

Renge dokona lao isa yuu dakena wambu peparaeme Kamongona porainya renge doko andake wakasaŋa lao soo gisarami. Dee nakamame nakamana Kamongo Anatu doko lakando kingi ketae pyambuo karalu kararami ingilyamo, leya.