Daniele 4:30 - Anatunya Buku Baepole Ole Testamene Pii Lapo dee Nuu Tesamene

³⁰ Karapala baame lao, kanda. Yuu Bapilone andake doko. Nambana taone mupwa dokome nambana porainya rengepe yanga paupau lenge rengepe neta rengepe dupwa lasaka pipuli lao piyu, leya.

Daniele 4:30 ပူးပေါင်းရင်းမြစ်များ

Jenesese 10:10

Baa wambo yuu Sina dokona yuu taone Bapele Ereke Akate dusipana iso kareya.

Samu 104:1

Nambana imambu dokome Kamongo lakandape. O Kamongo, nambana Anatu, emba kamame mupwa wakasa. Kingi ketae pao kingi neta renge ingyuo karo pingi dopale emba ketako paleta karenge.

Samu 49:20

Akalinya kamongonge renge dokome baa kuma nana lao kyawa minyarande daa. Baamee mena suwape kumuli lara.

Samu 73:8

Nakamame wakale dupwa kando pii koo lao giyalya giyana pilyaminyi. Nakama range mupwa lao suu pyapala enda akalipi wakale dupwa randa maiyuo kokwa seraminyi dokona lao suu pyao lao palaminyi.

Daniele 4:31

Pii doko ene banya nenge kata dokona potemo lalana piyamo dokopa yake panda piso pii mende epo lao, Kiŋi Nepukatenesa, nambame pii leto dake sepe. Epapu embena kiŋinya isingi yulu doko emba keta kingi raka lao nyisa pelyamo.

Apakuku 1:11

Rangena porainya renge anatuŋu lao lakandenge akali dupwame porambaiye dopale ingyuo waiya lao epo penge.

Luku 14:11

Dokonako ingyuo wambu range mupwa ingyuo karo larami dupwa peparae kuki ingyaramopa kararami. Mendeme range kuki ingyuo karo laramo doko mupwa ingyaramopa karara leya.

Luku 14:9

Akali nenge piramo doko kandapala embena panda baa maiyasara. Emba elyuo pao wambu kamame kuki petenge dokona pao pisasare.

1 Korina 10:31

Nakama yulu wakale wakale pyuope ipwa nenge naope dokopa Anatunya kingi dokona lakando pipwape.

1 Pita 5:5

Nakama wane akali dupwame akali andapae dupwana arapunya karapala range mee kuki ingyuo karo lao suu pyapala wakale dupwana kendemande ingyuo karalapape. Baepolena lao dokopa, Anatumi inyimungu karenge dupwa nyuo ketae pyambwapala dee rangeme mupwa lao suu pingi dupwa nyuo isa palyingi letamo.

Orepalaisane 14:8

Aŋala wambo doko lapeyamo dokopa enakana mendeme lao. Baa isa pwuamo. Kingi andake Bapilone lenge doko isa pwuamo doko baa wambu rara peparae waene ipwange porai enda banya pasende yulu pingi doko paleta napala pundana lao maiyamopa dokona lao taone andake doko baa isa pwuamo leya. (Yuu taone Orome dokona kongwalu palyuo leya.)

Orepalaisane 16:19

Taone andake doko remasa lao liti pyuo rali piya. Dee yuu mure lao rara wakale dupwana taone dupwa boo leya. Dokopa Anatumi yuu andake Bapilone lenge doko kame see napala banya kapona waene imbu singi renge paleta siyamo doko nao goe lena leya.

Orepalaisane 17:5

Banya kingi mende kongwalu pii ingyuo yuu andake Bapilone doko baa pasende enda peparaena endangi kyawa ingyapala dee isa yuunya ama yulu koo peparaena endangi ingyuo petamo lao banya enamba dokona pyasi paleya.

Orepalaisane 18:10

Nakama baa randa nyeramo doko kando pakapala ama nanesa karo kando karo lao, Yuu anda malu karenge Bapilone kandale doko kopyali ingyuo mee waiya lao koo keta palyuo pwuamo, wamao lao kararami.

Orepalaisane 18:21

Enakana aŋala porai mendeme kana ama reeko mende nyuo ipwa kota dokona pyao nembo karo lao, Taone andake yuu Bapilone kandale doko dopa pyuo pyao kokwa sinyi nembelyamo doko dee kandaraminde daalyamo leya.