Daniele 4:27 - Anatunya Buku Baepole Ole Testamene Pii Lapo dee Nuu Tesamene

²⁷ Dokona lao Emba kiŋi andake doko. Namba dopa pii dapa pii leto dupwa moko minyuo piri. Koo pilini dupwa yaki nyuo kaepala yulu keyange pyuo wambu pendewa dupwa sakame kumuo nyisare. Dopa pirinyi dokopa emba dee kapa palyuo karare, leya.

Daniele 4:27 ပူးပေါင်းရင်းမြစ်များ

Jenesese 11:4

Retapala dokopa nakamame lao, Namwa yuu muu dupwana wakale wakale bolombalo lao pasasaramaŋa dokona daaŋa lao namwana kingi ketae pena lao epapu namwame yuu taone andake pyuo dee anda londe mende yake doko kando nyinya lao pyuo pimana, leyami.

1 Kiŋi 21:29

Epapu kiŋi Ayape kandape. Namba kando inyimungu pisipyamo doko emba kandelese? Dopa pyuo karapyamo dokona nambame epapu baa lete karamo yuu gii dakepa baa keta randa mai naro. Rengya banya ikinyingi dupwa kararami yuu gii dokopape Ayape banya ree palu dupwape keta randa doko mairu, leya.

Jeremaya 38:20

Nambame lao, Emba nakamana kingi rakana palya nara. Nambame emba piso sokondali pyuo lao, Kamongo dokona wai pii doko warombo sepe. Dopa pirinyi dokopa bange peparae dupwa emba keta kapa ingyuo paramopa emba range kyawa lete pare.

Isikiolo 18:7

Baame minyako pyuo waa nyii nange. Bange mende yulu pipalana lao nyuo pao dokopa range peyakarono dokopa jereŋe bange mende minyaro karena lao maipala nyuo penge doko enakana peyakamilyaminyi dokopa dolo range mondo lao maingi. Komau see nangepe dee lopolyaminyi dupwa baa nenge pyuo komau maiyuo pingi.

Joele 2:14

Mende ramo namwana Kamongo Anatumi randa jelana suu pyara doko alowa pipala namwa keyange keta pyambuo ee nenge dupwa ama malu jera. Dokopa namwame nengepe waenepe dupwa Kamongo doko mairama.

Emosa 6:13

Nakamame yanda pyuo mupwa ingyapala yuu taone Lotepa nyilyamano lao rae wakasa maiyuo nanga kapape lyuo karaminyi. Namwa rangena porai dokome yuu taone Kanaime doko nyiyamoko kande letaminyi.

Jona 3:9

Dopa piramano dokopa Anatumi banya suu pingi alowa pipala doko imbwa nara ramo doko namwa dee kuma narama, leyami.

Apakuku 1:11

Rangena porainya renge anatuŋu lao lakandenge akali dupwame porambaiye dopale ingyuo waiya lao epo penge.

Matyu 3:8

Nakama mona enenge palyapala karaminyi doko panena lao yulu keyange pyuo karalapape.

Luku 11:41

Dokona ingyuo monana koko palenge dupwa wambu dupwa maiyuo karalapape. Dopa pirami ramo dokopa bange peparae elyape sakara lyakande.

APOSELENA YULU 24:25

Dokopa Pole baa yulu rolae dokonape dee papa lapala langa pii nange yulu dokonape Anatumi kote lara dokonape lao rolo lao kareyamo dokopa Pilikisa pakapala dopa leya. Epapu kaepala puu. Yulu mende kingi minya naramo dokopa emba dee ipu laro.

APOSELENA YULU 26:20

Kamba laa napala wambo Damasakesa range dupwa boo pyao lamaiyu. Lamaipala enakana Jerusaleme dokonape yuu Jutia kipwa kipwa dupwa peparaena rangepe wambu rara wakale dupwa opetae polo lamaiyuo, Nakama mona kapu kyepala Anatu suu pyao karalapape. Karapala mona kapu kyingi wambu yulu rolae pingi dupwa iki pyuo karalapape, lao kareyo.

APOSELENA YULU 8:22

Dokona embena koo doko kondapala yaki nyuo suu pingi enenge palyapala monarena koo piru lao suu pyapinyi doko Kamongo dokome nyuo kame sakapyali lao ateŋa laa.

2 Korina 5:11

Anatu andake dokona kando pakapala wambu dupwa Kurisene inginyi pyambuo karamwanosa pilyamo. Anatumi namwana mona anda soo gisingi. Nakamame namba dopa pyuo soo giso otamili yaka.

Galasia 5:13

Yangonemoo nakama kiiramo nyisi kararami lao kyakale leya. Dokome nakama kiiramo nyisi karamano lao suu pyapala yanengena pundange yulu dupwa mee pirama lao suu pyaa nalapape. Suu pingi dopale yaki nyepala wambu yango mona retenge kata dokome yango sukusa nyiso pyuo kararami.

Galasia 5:22

Dopa pipyamopape Anatunya Imambu yulu keyange paleta epenge. Mona retengepe rae maingipi mona kyuu lao singipi mee elya kalo karengepe anjiki pingipi keyange renge palengepe mondo lao pyuo karengepe dusipa baa keta ando epenge.

Galasia 5:6

Namwa Koraisa Yesupa pako kararama doko yanenge kalomengepe kaloma nangepe dokona pii mende pali nalyamo. Doko Yesu kapa ingingi lao suu pyapala wambu yango mona reto nyisarama yulu doko iki angi ingyuo pelyamo.

Epesasa 4:28

Waali dupwa deeko waa nyii nana. Waa nyii nao rangena kingi dolapome yulu andake pyuo rolae pyuo karena. Yulu andake pipala kakana seramo dokona nyuo wambu bange aeyange dupwa maiyuo karara.

Dutaronome 24:13

Kukwa dupwana yaka lao range maiyakamiri. Dopa pirinyi dokopa baame raeko maiyuo reto luu palenale. Rae maiyuo paramo doko nakamana Kamongo Anatu dokome nakama epe kandenale.

Dutaronome 32:27

Dopa lao suu piyunupape namba rangeme pyao minjuku minyinyi nembeyo dokome nakambana yanda pimwai dupwame nambana wambu dupwa pyao isa palyilyamano kae lao nanga kapape lyinya lao panda maiya naro ingilyamo, leya.

Dutaronome 8:17

Dokona lao nakama rangena porai dokome porainyi pyambuo yulu dupwa kamonganyi nembo pyuo karamano lao suu pyaa nalapape.

1 Pita 4:8

Yulu mupwa minyarami doko wambu yango mona reto karalapape. Mona retarami renge keyange dokome nakamana yulu koo dupwa yambe pyakara ingilyamo.