Daniele 3:18 - Anatunya Buku Baepole Ole Testamene Pii Lapo dee Nuu Tesamene

¹⁸ Baame kamame namwa lete nyii naramopape namwa emba kiŋi doko soo lape. Namwame embena mee bange antuŋu lenge doko lakanda narama dee wambu yale kana golome wasisi pisinyi doko pangu soo lakandaka naramako, leyami.

Daniele 3:18 ပူးပေါင်းရင်းမြစ်များ

1 Kiŋi 19:14

Ilainjame isingi lao, Kamongo Anatu Porai Wakasa, namba embena yulu iki pyakange kandale. Dopa pipunupape Isaraele wambu dupwame embena poropeta dupwa pyao kumakao embena tembole andana kiso maingi kana pyare lasi dupwa lalyinyi nembo dee embapa lao pii kana minyuo lalu lao leyami doko kokwa soo pimi dokona namba yeelyo karapunupa pyao kumakamwali lao suu pilyaminyi, leya.

1 Kiŋi 19:18

Dopa piramopape wambu malu (7,000) namba rape rape lao yaki nyii napala isa bange kingi Bealo lenge lakanda nao dee bange kingimi wasisi lakandenge doko nyinyi pii nao karaminyi dupwa yuu Isaraele dokona mee lete petena kaeyaro, leya.

Daniele 3:28

Dokopa kiŋi dokome lao, Setarake Mesake Apenekomoona Anatu doko lakandamana. Baame banya aŋala doko peyapala akali baa keta pyamalyuo mona maiyuo karo banya yulu pyakamingi dasipa kyawa lete nyipyalyamo. Nakamame nambana pii lapunu dokona warombo see napala nakama range randa nyisasaramano lao paka napala mee bange anatuŋu lenge lapo pangu sepala lakandenge kandale doko suu pyao nakama rangena doko iki lakandeyami.

Lipitikase 19:4

Namba kame soo yaki nyuo kingimi wasisi dupwa anatuŋu lao mona nyii nalapape. Mee kapa pyakepasi dupwame kiso wambu ingyuo wasapala anatuŋu lao lakanda nalapape. Namba Kamongo doko nakamana Anatu doko namba karo kande.

Matyu 10:28

Dokona suu pyao nakamana yanenge ketae iki pyao kumakapala imambu pyao kumakalana saka narami dupwa paka nalapape. Imambu yongope laparae isare panda dokona kapa kokwa sinyi nembara doko kando pakalapape.

Matyu 10:39

Mendeme range kyawa lete nyera ramo doko baa koo keta palirasa pira. Dee mendeme nambana reke lao kumaramo doko range lete wai pyao nyera ingilyamo.

Matyu 16:2

Baame nakama isingi lamaiyuo, Alemanji dokopa nakama lao, Yake doko kone wakasa pilyamo dokona kandapala rakya panyi piralyamo lenge kandale.

APOSELENA YULU 4:19

Dopa leyaminyipape Pita Jonepa dopa lao isingi leyambi. Anatunya lenge kambu dokona nambwame banya pii kaepala nakamana pii seramba ramo doko rolae panda daa lao nakama rangeme suu pyalapape.

Ipuru 11:25

Baa yulu koo dokona yuu mendasipa iki rae maira dokona paa napala Anatunya wambu pipa randa nyelana suu pyao peya.

Josua 24:15

Dokona lao nakamame Kamongona yulu dokona pinya lao suu pyaa narami ramo nakamame mendena yulu pyakamirami lao suu piyami kande doko dakepa rombo palyuo lalapape. Nakamana rora ambasu dupwa yuu Mesopotemia dokona karo bange wakale anatuŋu lao lakandeyami dupwape panda yuu Amote karaminyi dokona wambunya anatu wakale dupwana lao rombo palyuo lalapape. Dopa piraminyipape nambamoo nambana ree palu dupwape Kamongona yulu pyakamirama, leya.

Orepalaisane 12:11

Namwana yangonge dupwame Sipisipi Ikyane kumuyamopa ranjama isa peyamo dokome Satane nyuo anamasi minyiyami. Nakama range kame soo kaepala kapa kumuo mainya suu pyao, dee pii keyange angi polo leyami dokome anamasi minyiyami.