Daniele 2:28 - Anatunya Buku Baepole Ole Testamene Pii Lapo dee Nuu Tesamene

²⁸ Dopa piramopape Anatu yake panda karenge dokome kongwalu pii dupwa pano lamaingi. O kiŋi baame emba rengya mende pira lao langipya. Emba luu palipinyi pii repa repa pipi kandapi doko kombeya dakeŋe epapu nambame polo langiruwale.

Daniele 2:28 ပူးပေါင်းရင်းမြစ်များ

Jenesese 40:8

Dokopa nakambame isingi lao, Nambwa range wakale wakale kombeya pimbwa dokona mendeme renge polo langirami ingya napya, leyambi. Dokopa Josepe lao, Nakambana kombeya dokona Anatumi renge polo langiraŋa. Kombeya doko serowale langipwape, leya.

Jenesese 41:16

Josepemeisingi lao, Nambame range laa nange. Anatumi Perao rae mairi dokona ingyuo iso lao rolakara, leya.

Jenesese 41:25

Josepeme Perao lamaiyuo, Kombeya laparae dolapo mendakinya pipilyamo. Anatumi mende pirandena langilyu lao pipya.

Jenesese 49:1

Jekope banya wane dupwa epena lapala, Epo reperepe pyuo kararaminyipa nakama keta apa pyuo para lao langirowale.

Samu 115:3

Namwana Anatu doko yake panda karamo. Baame pinya suu pilyamuli pyuo pingi.

Aisaya 2:2

Yuu gii mende pyaka sera ingilyamo dokopa tembole anda karamo yuu kyau dokome dokopa yuu kyau doloma nyuo isa palyuo sera ingyara. Seramo dokona yuu muu doloma mee kaeya nao ipwa ingyuo kulimbwanyi peeyo epo karalu kararami ingyara.

Daniele 1:20

Dokopa kiŋi dokome piso singi pii mendepe dee randa mendepe sipureyamopa mali mali sakangepe nemonga lenge dupwape nyuo isa palyuo wane parange dusipame kamame ulipili ingyuo renge dupwana konda pyuo soo nyuo lao kareyami.

Daniele 2:18

Yuu Bapilone dokona akali lapo kiŋi doko dopa pyuo piri dapa pyuo piri lao nyiso lenge dupwa pyao kumara dokopa namwa kumwa naramaŋa Anatu yake panda karenge dokome kondome kumuo nyiso kombeya renge angi doko polo langinya lao Anatu piso sokondali pyuo ateŋa lena leya.

Daniele 2:22

Mee wambumi see nangepe dee renge yalu piru karengepe dupwa baame panenge. Dee baame lapo iminjinginya yalu pyuo singi dupwa soo gisingi. Baa keta yanga paupau lao karenge.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Daniele 2:45

Embame kandene dokopa kana mende yuu kyau dokona pisapala mendeme minyanda nayaminyipa rangeme lukundo epapala anepe kone kanape warape kana kulingipi dee golopeme wasisi bange wambu yale piyamo kandee kande. Anatu Kamame Andake Wakasa dokome rengya mende pira dokona emba kiŋi andake doko lasaka pilyamo. Nambame kombeya angi emba pipinyili pyuo langilyu dee dokona renge angi kinyi rolae dusipa langyuo pilyu, leya Danieleme.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Daniele 4:5

Dopa pipunupape namba luu palipunu dokopa kombeya paka pingi mende pipala pii repa repa pyuo kandapala pakame kumapu.

Osia 3:5

Dokopa enakana Isaraele wambu dupwa dee kamba nakamana Kamongo Anatu doko keta kamba range papala kiŋi Dapitinya para pyao nyeramo doko keta parami. Yuu gii doko eparamo dokopa nakama Kamongo kando baa mupwa lao suu pyao pakame kumuo karapala Anatumi bange keyange mee mairamo dupwa nyuo kararami.

Emosa 4:13

Anatu baame iki yuu kyau dupwa pyuo waso porambaiye dupwa pyuo piya. Baame banya suu pingi dupwa akali dupwa soo nyinya lao lamaingi. Baameko yuu yango karenge doko iminjinyi lao alowa pingi. Baa yuu muu dupwana kyawa nyuo kata papingi. Dopa pingi dokona kingi doko Kamongo Anatu Porai Wakasa lenge.

Nambase 24:14

Belameme Beleke kando lao, Nambana wambu range karaminyi dupwa keta kapu kyuo pelyo. Ene papa naronopa nambame emba Isaraele wambu dupwame embena wambu dupwa kando rengya aki mende pirami dokona lao repe repe pii langilyu.

Matyu 6:9

Dokona ateŋa dapale lalapape. Namwana Rakane yake panda karene doko, embena kingi doko poo pyasi ingyuo palenale.

Dutaronome 31:19

Embame dakepa kenane dake pepa pyapala Isaraele wambu nakama mana lamairi. Dokopa kenane dokome nakama pipya nambana usinisi ingyuo yango palyuo pyasi palira.

Dutaronome 4:30

Dokopa nakama keta randa mende epope dee yulu kopetame koope lapo sipuro piramopa nakama Kamongo keta kapu kyuo papala banya pii warombo soo pyuo kararami.

2 Timoti 3:1

Yuu gii lumwa pinya piramo dokopa randa wakale wakale dupwa epara ingilyamo doko soo karape.

Ipuru 1:1

Wambo dokopa Anatumi namwana akali kyawa dupwa banya poropeta akali dupwa keta pii lamaipa piya.

2 Pita 3:3

Yuu repetale lumwa piramo gii dokopa akali lapo rangena suu pingi koo dokona minyuo londo epapala nakama kando giyalya giyana pyuo lao,

Orepalaisane 1:1

Anatumi Yesu Koraisa dokona pii polo lamaiyamo doko dakena pyasi palamo. Yulu oo repeta pyaka selana pilyamo dupwa Koraisa banya yulu pyakamaingi wambu wambo lasaka pinyale lao Anatumi baa lamaiya. Koraisame banya yulu akali Jone soo karena lao banya aŋala mende lamaiyala pena leya.