Apakuku 3:13 - Anatunya Buku Baepole Ole Testamene Pii Lapo dee Nuu Tesamene

¹³ Embame papala embena wambu dupwa nyiso dokopa embena rombo palyasi kiŋi doko nyisiiko. Akali yulu koona mupwa ingingi doko pyapala banya letamuli pyuo pingi dupwa pyao kokwa sinya nembalu nembo nembee.

Apakuku 3:13 ပူးပေါင်းရင်းမြစ်များ

2 Samyuele 5:20

Dokona lao Dapiti yuu Bealo Perasimi dokona papala Pilisitia wambu pyao anamasi minyiya. Minyapala baame lao, Ipwa mee wau kanya palenge dopale ingyuo Kamongo dokome nambana nyisu petenge dupwa mee kanya kulimbwanyi peyakapya, leya. Renge dokona lao yuu kingi doko Bealo Perasimi lenge. Bealo Perasimi doko Kamongo dokome mee kanya kulimbwanyi peyapya dopale lenge.

Samu 105:26

Dopa pipala banya kendemande akali Mosese Eronepa baame rombo palyuo nyiyamo dolapo pena leya.

Samu 110:6

Baame yuu muu dupwana nyuo kyai rolae lao kote lapala yanda pingi yuu dokona wambu malu mee pyao kumasera. Baame kiŋi yuu muu peparaena karaminyi dupwapyao nyuo isa palyara.

Samu 137:7

Kamongo embame Jerusaleme wambu anjo nyuo peyami dokopa yuu Itome wambu dupwame koo piyami kande doko kame soo kaeya napala suu pyao karape. Suu pyao karo dokopa nakamame yuu andape lalyuo bolombalo nembena lao lapa pyuo kareyami kande.

Aisaya 63:11

Dopa piyamosa wambana Kamongona kendemande Mosese kareyamo doko suu pyapala piso soo lao, Wamba Isaraele wambunya Kamongo dokome Isaraele wambunya lita dupwa kota pete dokona kyawa lete nyisiyamo doko epapu anja karase? leyami. Akali Mosese keta banya Imambu Poo Pyasi maiyamo Kamongo doko epapu anja karase? leyami.

Aisaya 64:1

Akipamo emba yake doko kanguo nyuo karalyapala isa lupyuo epa nalese? Dopa piri ramo yuu kyau dupwa emba kandapala walu lao paka renge nyerami.

Emosa 9:1

Rendamu pingi kiso maingi bokote misi anda andakare singi dokona repeta Kamongo doko roya karapyamo namba kandapu. Karapala baame dopa leya. Tembole and dokona pote isa londe ketae dokona poraiyuo kusape palya. Dokopa anda doko peparae walu walu lena. Laramo dokopa pote dupwa peparae lalyuo lambuo palyuo laiyo palyuo pipala bolombalo lapala wambu dupwana kyawa dupwa pyao poro lapala nakama kumarami. Kumaraminyipa wambu menge lete pisiraminyi dupwa nambame yanda dokona nyuo kisaronopa kumarami. Dopa piramopa mendakipi mendali neta paa nana lao pyaro.

Josua 10:11

Isaraele wambu dupwame peteta peyaminyi dokopa Amote wambu dupwa lano makando peyaminyipa Kamongome yake dokona piso randake kapa isa peyapala wambu malumee pyao kumakaya. Isaraele wambu dupwame wambu pyao kumakayaminyipape randake kapame kamame wakasa pyao kumakaya.