Apakuku 2:3 - Anatunya Buku Baepole Ole Testamene Pii Lapo dee Nuu Tesamene

³ Pii langiru doko aopa pyaka see nara ingilyamo dokona lao pepa pyao retare. Angi yulu pira lao lasaka pirunu doko waiya lao pira. Piramo doko mona palyuwale epelyamo lao masere. Maserenepape kaeya napala isaro karare. Nambame yuu gii retelyo dokona pira. Yuu gii retelyo dokona ama papu pii nara.

Apakuku 2:3 ပူးပေါင်းရင်းမြစ်များ

2 Kiŋi 6:33

Pii dake lao oteyamopa aopa kiŋi doko epo pyaka sepala dopa leya. Randa dake Kamongo dokome namwa jilyamo. Dokona baa mende pira lao akipamo namba lama opetae isaro kararope? leya.

Samu 27:14

Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Aisaya 7:4

Kiŋi doko kando nyepala lenge rao mona seramopa paka nao karena lare, leya. Kiŋi Oresene banya Siria wambu dupwape dee kiŋi Pekana imbu singi dokope mee lyipongona yao isare dopaleŋe paka nalapape, leya.

Aisaya 8:17

Kamongo dokome banya wambu pipya nombe nombe pisipyasa lenge kambu nee pyuo karapyamopape namba doko baame mende pyakarakao lao baa keta pyamalyaro kararo.

Daniele 9:24

Ee kana andete kisima ipisu akalisa mange mendaki (490) epo paparamopa Anatumi embena wambupi embena yuu taone poo pyasipi koo keta moko nyero lao rombo palyiya. Yuu gii dokopa koo dupwa kame sakaramo dokopa wambu dupwa rolae pyuo karalu kararami. Dopa piramo dokopa pii repa repa piinyi dokope dee rengya mende pira lao poropeta pii leyamo dokope angi kinyi ingyuo para. Paramo dokopa tembole anda doko dee yapasi ingyuo karara.

Maeka 7:7

Dopa piraminyipape nambame Kamongo kandaro kararo. Namba mona porayapala Kamongo dokome namba pyuo nyeramo doko keta isaro kararo. Nambana Anatu dokome nambana pii sera.

Nambase 23:19

Anatu doko baa akali kyambo lenge dopakale daa. Isa akalinya suu pingi alowa pyuo lenge. Anatu baa dopakale daa. Aki yulu mende baame piru lao lalu lao lenge doko baa angi pingi. Baame piru lapala dokopa angi pingi.

Luku 2:25

Dokopa akali mende kingi Simione lenge doko Jerusaleme kareya. Baa yulu rolae pyuo Anatu suu pyao karo Anatumi Isaraele wambu dupwa nyisala epelyape lao iso kareyamopa Imambu Poo Pyasi baa keta paleya.

APOSELENA YULU 1:7

Dopa leyaminyi dokopa baame nakama dopa lamaiya. Yulu andake dupwa anjokorape pira lao Rakane baa renge palyuo leyamo dokona yuu gii doko nakama kapa see narami.

APOSELENA YULU 17:26

Akali rara yuu muu dupwana karaminyi dupwa peparae baame rara mendakindena paka lakyapala liti pinyi peyarapu karena leya. Baameoko nakama ee kana akipare kararami laope yuu liti anjukunya kararami laope rangeme rombo palyingi.

Galasia 4:2

Wane andapa nalyamo dokopa kendemande akali lapome baa rapu pyuo banya yulu isakamyuo karenge. Rakangeme baa ando kaelyamo lao suu pyapala dokopa kendemande akali dusipa kaena lenge.

2 Pita 2:3

Nakama kana mone nyelana pii wakale wakale palyuo nakama minyuoko pirami. Dopa pyuo pirami doŋo Kote Pii Lenge doko rapa rapa pipala oo epena pilyamo. Nakama Kokwa Sera Doko luu palipa nalyamo.

2 Pita 3:9

Dokona ingyuo lapome baa mende piro lalu lao leyamo doko kame sepala pii nalyamo lao suu pilyaminyi. Doko renge angi see napala mee lao karamisa pilyamo. Anatumi koo keta pasarami lapala mona kapu kyamili lao isaro karapyamo pilyamo.