Apakuku 2:14 - Anatunya Buku Baepole Ole Testamene Pii Lapo dee Nuu Tesamene

¹⁴ Kota pete doko ipwame soo simbwange doko suu pyao Anatunya soo nyinginya renge yanga paupau lenge dokome isa yuu dokona soo simbwara.

Apakuku 2:14 ပူးပေါင်းရင်းမြစ်များ

Samu 22:27

Dopa pyuo yuu muu peparaeme liti kuki mendepe neta paa nao dee kone pupuripi peparaemepe Kamongo lao suu pyao loma soo kingi wapambupi lakao misi larami ingilyamo.

Samu 72:19

Banya kingi neta renge ingyuo karamo doko lakando karalu kararaminyipa banya neta renge yulu dokome yuu pinjingi dolapona kapa kapa pinyale.

Aisaya 11:9

Yuu Sayone Anatunya yuu kyau poo pyasi dokona randape Satane yulupi sepa nara ingyara. Ipwa kota soo simbuo eparamo dokonako palyuo yuu dokona Anatunya soo nyinginya renge dokome soo simbuo rangu para.

Aisaya 33:6

Dopa pyuo simbunya lapala wambu peparae porai ingyuo kame piru karena lara. Baame banya wambu dupwa kyawa minyapala mona angi palyuo singinya renge soo nyinginya rengepe maingi. Nakamana bange kulisa andake ingyuo retenge doko Kamongo baa wakasa lao suu pingi doko retenge.

Aisaya 40:5

Dokopa Kamongona neta renge yulu maro lao panara. Dokopa wambu peparaeme kandarami. Doko Kamongo baa rangeme dake lalu lao lao kaeyamo dokona pira.

Aisaya 6:3

Nakama range yango sukusa pii lao alowa pyuo lao, Poo pyasi, poo pyasi, poo pyasi, Kamongo Porai Wakasa doko poo pyasi. Banya neta renge yulu dokome yuu muu dupwana soo kapa kapa pinyale leyami.

Jeremaya 31:34

Nakamana andare dokona yango sukusa dopa pinya dapa pinya lao kara naramioko. Yuu gii dokopa wambu kuki andakepe peparae namba soo nyerami. Nambame nakamana yulu koo dupwa nyuo kame sakamirunupa dee koo piraminyi dupwana deeko suu pyale pyale kara naro. Namba Kamongo dokome lapusa pilyamo, leya.

Maeka 2:9

Nakamame nambana wambu dupwana enda dupwa nakamana anda mona retenge dokona pisiminyi pyao ralinyi nembo nakamana wane wanake mona retenge nambame nyisingi dupwa pyao kokwa sakamyuo pilyaminyi.

Apakuku 2:15

Nakama kwaeyalu kwaeyo kwaeyo pelyaminyi. Nakamana imbu singi dokome wambu nakama parali maki palenge dupwa randa maiyuo pyao pendewa nembeyami. Nembapala ipwa biya nenge akali ingyuo pyao bembai lanyi nembeyami.

Apakuku 3:3

Anatu baame yuu Itome karo kamba epelyamo. Anatu poo pyasi doko baa yuu kyau Parane dokona karo epelyamo. Banya yanga paupau lenge dokome yake doko kako penge. Dokona isa yuu dokona karo baa ketae pyambuo lakandelyaminyi.

Nambase 14:21

Dopa pirunupape namba lete karo nambana yanga paupau lenge renge doko yuu dakena pano silyamo dokona kinyi lengenyili pyuo lalu lao lao,

Orepalaisane 11:15

Enakana aŋala yanda ipingi nyepo dokona bikuli leyamo dokopa yake dokona piso pii rekyae lao lapala, Namwana Kamongo kandale dee banya Koraisapa yuu muu dupwana kiŋi ingyuo kaelyambinyiŋi. Dokome iso karalu karara lyakande leyami.

Orepalaisane 15:4

Api mendeme Kamongo emba kando paka napala embena kingi doko ketae minyalya narase? Emba iki poo pyasi karene. Embena yulu rolae dupwa panasi silyamo dokome wambu yuu muu peparae epapala emba suu pyao mona kando pisarami.