Apakuku 1:3 - Anatunya Buku Baepole Ole Testamene Pii Lapo dee Nuu Tesamene

³ Akipamo namba randa dupwanako lenge lenge rao kara, letese? Embame dee apa pyuo koo dupwa pyuo karena lapala mee kando karese? Pyao kokwa singi yulupi randa dupwape namba karapu dokona minyuo buale minyuo laiya lao pyakando pyuo epelyaminyi.

Apakuku 1:3 ပူးပေါင်းရင်းမြစ်များ

Aisaya 46:12

Mona kana pokapala nakama simbi simbi pingi wambu dupwa nambana mata kyakao nyerono renge doko nanesale silyamo lao suu pyao karaminyi dupwame kale yukupala selapape.

Aisaya 5:7

Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Jeremaya 15:10

Namba keta rae maingi renge pali nalyamo doko aki akalinde karose? Akipamo nambana anyi dokome isa yuu dakena manjo nyiyase? Nambame yuu dakena wambu peparae kando laiya lao apiyanda pyuoko kararolyamo. Nambame kana lapo kyanju pyao nyakamyuope dee nambame lapo mainyi palyuowape pii nangeko. Doŋo wambu peparaeme namba koo keta palyuo letaminyi.

Jeremaya 20:18

Namba akipamo mandeyamisi? Randa nyuo mona rando elya paleta karo kumare lao mandeyamisi?

Jeremaya 20:8

Namba yuu peparaena pii lapunu yaka lao ee lao pii poraiyuo lao pilyu doko Randa Andake Epo Yuu Doko Kwaeyo Para ingilyamo lao lao karapunu pilyamo. Kamongo namba embena pii dokona lao lakao papipunu dokona namba kando yuu peparae giyalya giyana pyuo isa nembele lao letaminyi.

Isikiolo 2:6

Emba makwa isa ingyuo kuku pyaa nare akali doko nakama kando paka nao dee pii letaminyi dupwa soo pako pii napipi. Nakamame emba kando koo keta palyuo kilya kando larami ingilyamo. Isarepa moko palyuo karenge dopale ingyara. Dopa piramopape kamba lenge wambu dupwa kando paka nao dee pii larami dupwa soo paka nao pipi.

Matyu 10:16

Nambame nakama mena sipisipinde suwa rae lenge dokona nyuo suu lete lao nembelyo kande. Dokona yaka wayamu ingyuo dee kau kulasi dopale ingyuo pao mona angi palenge ingyuo pupwape.

2 Pita 2:8

Nakamba yangama alemanji lao koo piyamisa kando epe nasepala mona nembo kareya.