Apakuku 1:12 - Anatunya Buku Baepole Ole Testamene Pii Lapo dee Nuu Tesamene

¹² Kamongo emba ene lokoyamopa baa Anatuko karee. Emba nambana Anatu poo pyasi lete karalu karenge. Kamongo nambana Anatu namba kyawa minyuo karenge dokome Bapilone wambu dupwa namwa randa jinya lapala porainyi pyambuo rombo palyuo pii.

Apakuku 1:12 ပူးပေါင်းရင်းမြစ်များ

Jenesese 21:33

Dokopa Aporakame isa mende kingi tamarisiki lengende yuu Biasipa dokona wara pipala Kamongo Karalu Karenge Anatu dokona kingi lakando kareya. (Kingi Biasipa doko Ipuru pii ipwa pete kingi pii lalu lao lenge dopale.)

2 Kiŋi 19:25

Nambame dupwa peparae yuu wamba rapa rapa pyuo reteyo doko emba kaname see nangese? Epapu dakepa nambame minyuo pulyuo raelyo. Yuu taone kana kame porai awali lao palenge dupwa nyuo koo ingyuo kokwa sinyi nembo pepe lao nambame emba porainya renge jiyu.

Samu 118:17

Namba kuma naro. Kumungi kandale doko suu pyao lete karapala Kamongome apa pyakalyamo dupwa polo lamairu.

Samu 90:1

Kamongo emba yuu peparae namwanaanda angingyuo karenge.

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Samu 93:2

O Kamongo, embena kiŋinya yulu doko yuu kanda soo wasiyamo dokopa piso pao porai ingyuo sulu singi. Yuu gii ene kanda sepa nayamo dokopa emba mee karalu karenge.

Aisaya 31:1

Nakama yuu Isipi nyisinya lao pelyaminyi dupwa kumuo rumbyuo parami. Nakama Isipi yanda singi malu porai renge palengepe mena osepe mena ose ipyuo papingi uliulipi yanda singi dupwape kandapala nyisaramiŋi lao suu pyao mona maiyuo pelyaminyi. Dopa pipala Isaraelena Kamongo Anatu poo pyasi dokome nyisaramo kararama lao pyamalyuo paope dee baame nyisinya lao piso soope pii nalyaminyi.

Aisaya 40:28

Kamongo baa lete karo puu penge. Baame yuu muu peparae wasiya. Baa makame kumuo mende pii nara inginginde daa. Banya suu pingi dupwa mendemepe sakami nange. Doko nakama see nao soo nyii nao pingisi?

Aisaya 43:15

Namba Kamongo doko nakamana Anatu poo pyasi ingyuo karo. Nambame nakama Isaraele wambu dupwa pyuo wasiyu. Wasapala namba nakamana kiŋi ingyuo karo.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

Maeka 5:2

Yuu Juta dokona Beteleme Eporata taone ama kuki ingyaramopape nambame nakama range sukusa dokona mende Isaraele wambu rapu pirande rombo palyuo nyero. Banya rora ambasupi dokona wamba malu mee karo peyami dokonandeme rapu piraŋa lao rombo palyaro.

Apakuku 3:2

Kamongo embame yulu pii doko kando siyu. Sepala namba yamarangyuo karo. Yulu andake pinginyili pyuo namwa karamano dakepa pipi. Imbu piya kandepe namwa sako karape.

Apakuku 3:6

Lao karo otapelyamo dokopa yuusili minyingi. Baame lengeme kandelyamo dokopa wambu dupwa walu walu lenge. Yuu kyau sulu singi dupwa longwalya longwana pinya lenge. Pilyamopa yuu kyau baa wamba papyuo kareyamo dokopa siyamoko singi dupwa purukwo ranenge.

Malakae 3:5

Kamongo Porai Wakasa dokome lao, Nambame nakama yapalya yapana pela eparo. Epapala pipu lao karenge wambu dupwape kepo pingi dupwape panga soo kote pii lenge dupwape dee yulu pyakamingi akali dupwame kana lapo waa pyakepo nyakamingipi enda waiyape wane muiyanepe wambu yuu wakale rangepe minyoko pingi dupwape dee namba rape rape laa nao karengepe wambu dupwana peparae namba epapala aopa isa palyuo lakamiru.

Malakae 3:6

Namba Kamongo doko namba dee alowa pii nange. Dokona lao nakama Jekopena wai kiso nyiyamo dupwa peparae nembo otasi kara nalyaminyi.

APOSELENA YULU 3:14

Anatumi baa yanga paupau lanyi pyambuyamopa wambo poo pyasi rolae pingi doko nakamame mata maipala akali koo mende wambu yango pyao kumakange doko peyakana leyami.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 33:27

Anatu baa yuu peparae nakama kyawa minyuo karenge. Banya kingi dolapome nakama paka pyao soo karalu karenge. Nakamame pyao pelyaminyi dokopa baame nakamana yanda pimwai dupwa pyao ralinyi nembakange. Dopa pyakapala nakama langyuo, Pyao kokwa selapape, lao langingi.

1 Timoti 1:17

Kuma napala karalu karenge Kiŋi doko baa wambumi kapa kanda nange Anatu mendaki doko kando wambu peparaeme lakandapala kingi ketae nembo karalu kararami doko kinyi.

1 Timoti 6:16

Anatu baa iki kumungi renge doko pali nange. Baa rao yanga paupau lao karelyamo dokona mendali repeta paa nange. Baa mendemepe kanda nange dee mendeme kapa kandarami ingya nangeko. Banya kingi ketae pyambuo paliramopa wambu peparae iso karalu karena, doko kinyi.

Ipuru 13:8

Yesu Koraisa baa wamba kareya doko suu pyao epapu alowa pipyande daa. Rakyamepe mee dopaleko karalu karara.

Orepalaisane 1:11

dopa pyuo langiya. Emba kandarene dupwa pepana pyapala Elyambu Pingi yanda ipingi nyepo dusipana mairi. Mende yuu Epesasa lenge, mende Semena, mende Pekamama, mende Tayataira, mende Satisa, mende Pilatepia, mende Leotosia lenge yuu dusipana mairi leya.

Orepalaisane 1:8

Kamongo Anatumi Wakasa, Namba yuu ingya ingya ingyuo karo pao lumwa pingi ingyuo kararo letamo. Baa wakasa ingyapala wamba kareya, epapu karamo rengya kararako.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.