Aisaya 8:7 - Anatunya Buku Baepole Ole Testamene Pii Lapo dee Nuu Tesamene

⁷ namba Kamongo dokome Asiria wambunya kiŋi banya amipi nyinyi peyapala Juta wambu dupwa pyarowale. Namba Kamongo dokome dopa pyuo pyasinya lalopono. Nakamame epo pyao pyaramisa mendepe yapa ronge nyii nao ipwa Yuporisa marongepe mende see nao kama pyao epo penge dopale ingyuo popyamo, leya.

Aisaya 8:7 ပူးပေါင်းရင်းမြစ်များ

Jenesese 6:17

Nambame yuu dupwa ipwame yambe pinya laronopa yuunya lee renge peparae kumuo rembe narami, leya.

2 Kiŋi 19:32

Asiria kiŋi akali dokona lao Kamongo dokome pii dake leya. Baame yuu taone dakena sukusa pyaka soo dee wanga kakupi kuki mende yanda pimwaiyuo pyao sukusa peya narako. Dee yanda singi kuki mendemepe konambe embo yuu taone dakena repetape epa nara dee yanda singi dupwamepe yuu doko nyelana pyuo karapusi pyao kame pyuo sukusa palya naramiko, leya.

Samu 46:4

Ipwa Anatunya yuu taone dokona epopelyamo dokome rae maingi renge minyuo epo penge. Epo Anatu Ama Ketaena anda poo pyasi dokona penge.

Samu 72:8

Banya isingi yulu doko ipwa kota mendasa piso pao kota pete mendena suu lao dee ipwa Yuporisa lenge dokona piso pao yuu wangu dolapona kapa kapa pira.

Aisaya 28:15

Nakamame kumungi renge dokopa wato lao kana minyamaŋa kuma narami lao rangena kingi dokona lakanda minya minya pyuo lao karaminyi. Nakama kyambo doko kinyi inginyi pyambuo lao nakama mee kyawa minyuo lete karamwali aiya lao lao karamisa pilyamo. Dokona randa eparamo dokopa kapa wanja narama ingilyamo, letaminyi.

Aisaya 28:17

Lao rolenge renge dupwa kanda soo pinginya pinya makande pingi dopale. Panga soo kyambo laa nange renge doko roya karo makande pingi dopale. Dopa piramopape apunda randake kapa epapala kyambona renge nakama angi mende lakalyamo lao minyuo petaminyi dupwa pyao soo kaki pira ingilyamo. Ipwa palipala nakamana kapa mondo lao karamano lao suu pingi renge doko kokwa sinyi nembara.

Aisaya 28:2

Kamongo doko akali mende eneko porakai nakama nyuo kwuinya palyuo suu pyao karamo. Baa eparamo dokopa apu romende randake kapa pale pale epo pyalamo dopale ingyuo yuu doko kewaipimi anda lalyuo nyili lapala ipwa kama pyao isa kanape manjo pyalamuli pyuo pyara ingilyamo.

Aisaya 43:2

Nakama ipwa rapu koko kyuwa dupwa yalo paraminyi dokopa namba range nakama role kararo. Nakamana randa dupwame nakama kapa nyuo anamasi minya nara. Isare rao kararamo dupwana sukusa parami dokopa nakama isare dokome kapa raa narami. Dee makande pingi andake dupwa nakama keta eparamo dokopa randa nyii narami.

Aisaya 7:17

Kamongo dokome randa mende nyuo emba embena wambu akalyanda dokona pisara ingilyamo. Randa angi doko wamba Isaraele wambu dupwa paka lakyuo Juta ingyuo peyamipya kande dopale ingya napala wakasale epara. Doko baame Asiria kiŋi doko kame lalyinyi peyara ingilyamo, leya.

Aisaya 7:20

Yuu gii doko pyaka seramo dokopa Kamongome kyawa rokonge akali Asiria kiŋi doko yuu Yuporisa dokona oko soo epena lao kyakale lao nyakaronopa dokome epo nakamana kyawasi angasi dee yongo yamanjipi dusipa roko wapya pyanyi nembakara, leya.

Daniele 9:26

Ee kana 434 epo paparamopa nakamame Anatunya rombo palyisi akali mupwa doko mee langa pyao kumakarami. Dokopa wambu iso karenge akali mupwa mendena ami yanda singi dupwame epapala yuu taonepe tembole andape dupwa pyao lalyuo kokwa serami. Anatumi yanda pyuo randa epo pira lao reteyamo doko ipwa kopetame palyuo epenge dopale ingyuo lumwa pyuo epara.

Emosa 8:8

Dopa pirono dokopa yuusili andake minyara. Minyaramo dokopa wambu yuu range dupwa peparae koo keta palyuo ee lao pisirami. Yuu dokona yuu muu dupwa peparaena yuusili andake minyara. Ipwa Naele andake ingyuo palipala pyao sepala enakana lyaneya doko suu pyao yuu doko ando ketae papala enakana isa para.

Emosa 9:5

Kamongo Mupwa Andake Wakasa Ama Porai karenge doko banya kingi dokome yuu doko minyandelyamo dokopa yuu doko pyuku pyuku lenge. Dokopa wambu yuu dokona palenge dupwa mona rando ee lenge. Ipwa Naele palelyamo dokopa ando ketae papala panyi pilyamo dokopa isa pao lyanenge dopale ingyuo yuu muu dupwa peparae ketae papala enakana isa para.

Maeka 1:9

Dokona lao Samaria wambunya randa dupwa kapa umbwa pii nara ingilyamo. Juta wambu dupwa randa mendare nyerami ingyapya doko epapu angi Jerusaleme kame kambu dokona sukusa nambana wambu palenge dokona oo pyaka silyamo.

Maeka 5:4

Baa eparamo dokopa porai renge Kamongo keta palenge dokomepe Kamongo Anatu kamame mee mende nyilyingili karenge doko baa range keta eparamopa dolapome nyuo rapu pyuo karara. Banya wambu dupwa koo keta pali nao lete kararami. Dokona lao wambu yuu muu ree lao peparaeme banya porai andake wakasa doko soo gisaraminyipa banya mona kyuu lao singinya renge doko maira. Dokopa Asiria wambu yanda pimwai dupwame epo namwana yuu doko ama pyao kwaenyi nembala eparami dokopa namwame namwana akali lita porai dupwame yanda pela pena lao nembarama.

Luku 6:48

Akali mendeme anda pinya dokopa yuwale andake kyasipala kana koko pisu petenge mende kando nyepala dokona kana anda isarename retenge dupwa retapala anda doko ketae piya. Apu andake epo ipwa kama pyapala anda doko lalyuo soo panya piyamopa anda mondo lao piyamo dokome poraiya.

Orepalaisane 17:15

Dee aŋala doko kamba langyuo, Ipwa malu dupwana enda baa repeta pisipyamo kandelene doko wambu ama malupi yuu wakale wakalepena rarape pii rara wakale wakalepe dupwa lyakande leya.