Aisaya 8:22 - Anatunya Buku Baepole Ole Testamene Pii Lapo dee Nuu Tesamene

²² Dokopa yuu dokona apa pipala pilyamo lao lenge lukunyi peyapala mona nembo kandaro serami dokopa mee mende maro laa napala randa dokako maro maro larami. Kandarami dokome nakama paka renge maiyarala soo pao koo dokona nembaramopa koo doko kapa. Wanjarami kata mende sepa nara.

Aisaya 8:22 ပူးပေါင်းရင်းမြစ်များ

Ekesetase 10:21

Kamongo dokome Mosese lamaiyuo, Embena kingi doko ketae palyapala yake dorena pyambwarene dokopa yuu Isipi dokona iminjo koro koro lara.

Ekesetase 10:22

Moseseme dopa piyasa yuu Isipi dokona yuu remasa lao iminjaro kareya.

Aisaya 30:6

Anatunya pii dake yuu muiyane penda penda donorena palenge suwa menape dupwana lao letamo. Gapomane akali nakamana yuu dokona lao yuu wakale dupwana lamaila penge dupwa yuu koo randa singi mena laenepe kau wambu pingipi kau pambeya bii lao pengepe dupwa soo male lenge kata yuupi dokona pelyaminyi. Nakamana mena dongepe mena kamelepe mata dupwana kana malu nembo nyingi bange malu retapala rara dolomame nyisaramiŋi lao mailana lao pelyaminyi. Dopa piraminyipape wambu dupwame nakama angi mende nyisa narami ingilyamo.

Aisaya 50:3

Wambu kumaminyi dokopa kumanda karo piso petengenyili pyuo nambame yake doko iminjinyi pyambwaro.

Aisaya 60:2

Yuu muu liti wakale wakale dupwa iminjingi dokome yambe pyaramo kararami. Dopa piramopape Kamongona neta renge dokome nakama keta yanga paupau lao rao karara. Dopa pyuo banya eŋa penge renge doko nakama keta palira.

Aisaya 8:20

Embame wambu dopale dupwana pii yano pyakamyuo dopa lamairi. Nakama Kamongo Anatumi aki mende mana langyalyamo lao kale yuku selapape. Ropakape pipu lengepe dupwa kale yuku sakami nalapape. Dopale langilyaminyi dokome nakama uki minyara ingilyamo.

Aisaya 9:1

Napatalai Sepyulanepa rara dolapona yuu doko wamba randa epeyamo elya nyuo peteyami doko enakana yuu nakamana dorena kapa seramo pisirami. Ipwa Metitaraniane pete silyamo yuu neta pyakaenge ipwa Jotane dumu wangu ingyuo yuu Galili angi sukusa wambu rara wakale range epo palenge dorena ingyuo pyaka sera.

Jeremaya 23:12

Nakama kata moko minyuo pelyaminyi dupwa iminjo keta keta pira. Nambame nakama lukumakapala pao palena lao piru. Nambame nakama keta randa andake mairu. Nakamana randa nyerami yuu gii doko epelyamo. Namba Kamongo dokome leto.

Matyu 22:13

Dokopa kiŋi dokome banya yulu pyaka maingi dupwa lamaiyuo, Baa nyuo kingi kimbupi puu pyapapala iminjingi netarena pyambwalapape. Iminjingi dorenako akali dupwa ee lao nenge ginyi ganyi lao kararami, leya.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Matyu 8:12

Pisaraminyipa yake panda sukusa pupingele dupwa iminjingi neta dorena nyuo pyambwara. Dokopa ee lao nenge ginyi ganyi lao kararami, leya.

Juti 1:13

Nakamana yulu koo wakasa piminyi dokome ipwa kota jingi kasokole minyingi make make manjo epenge dopale ingyuo panelyamo. Bui mee yakena paeyo karenge dupwa Anatumi iminjingi panda koko karalu kararami lao nembara dopale ingyuo karaminyi.

Orepalaisane 16:10

Aŋala kingi paki dokona Anatunya imbu singi banya perena siyamo doko kulimbwanyi bange mena koona petenge isa dokona palyiya. Dokopa bange mena koona isingi panda dorena iminjiya dokopa akali banya arapunya karenge dupwa sii leyasa kambu nakepanyi nembo siyami.