Aisaya 8:17 - Anatunya Buku Baepole Ole Testamene Pii Lapo dee Nuu Tesamene

¹⁷ Kamongo dokome banya wambu pipya nombe nombe pisipyasa lenge kambu nee pyuo karapyamopape namba doko baame mende pyakarakao lao baa keta pyamalyaro kararo.

Aisaya 8:17 ပူးပေါင်းရင်းမြစ်များ

Jenesese 49:18

O Kamongo namba mata kyakao nyerene dokonaiso karo.

Jopo 14:14

Akali doko kumara ramo doko dee lete eparase? Nambana randa epelyamo doko pao otaparamopa yuu gii elyape dokona epo kararo lao iso karapuli yaka.

Samu 130:5

Namba Kamongome banya pii dokona letamodoko kinyi lao sepala nyisaramo dokona wangu lakapala isaro karo.

Samu 27:14

Kamongo keta pyamalyuo karape. Baa kapa ingingi lao suu pyao karape. Mona nemba napala baa keta pyamalyuo karape.

Samu 33:20

Namwa Kamongo keta pyamalyapala karamano lao sepala kararama. Baame namwa nyiso kingi kapeme nee pyuo minyuo papingi.

Samu 37:34

Kamongome keyange mende pira lao suu pilini dokona baa keta pyamalyuo karapala banya mawa pii dupwa rape rape lao minyuo karape. Dokopa yuu dokona nao karalapa lao baame porai renge jeramo karo kandare dokopa koo pingi dupwa ralinyi neta nembara ingilyamo.

Samu 40:1

Kamongo dokome namba nyisara lao suu pyao mee isaro kareyo. Dokopa enakana nambana ee leyo doko baame siya.

Aisaya 1:15

Embame kingi ketae pyambwapala ateŋa larene dokopa nambame lengeme emba kandalena eeya lara. Ateŋa malu lare panda akipare lare dusipana namba mende saka naro ingilyamo. Renge doko emba kingi ranjamako dokome karo larenesa dokona yaka laka naro ingilyamo.

Aisaya 30:18

Dopa piraminyipape Kamongome sakame kumuo nakama nyisalana lao isaro karamo. Kamongo baame yuu peparae anjuku rolae lao dokonako pingi dokome nakama kando kondome kumuo nyisalana suu pyao rapa rapa pisi karamo. Kamongo kapa ingingi lao suu pyao mona pyamalyapala karaminyi wambu dupwa rae maiyuo parami ingilyamo.

Aisaya 33:2

Kamongo embame mende piri lao soo karamano dokona namwa kando sakame kumuo karape. Namwa yangaramo yaka lao nyiso randa eparamo gii dokopa kyawa minyuo karape.

Aisaya 45:15

Isaraele wambunya Anatu banya wambu dupwa lete pyuo nyingi doko baa range yalu yalu pyuo karenge.

Aisaya 54:8

Namba imbwayo dokona yuu gii kuki lama nakama mata jiyu. Dopa piyunupape nambame nambana mona retenge renge doko lasaka pyuo karalu kararo, lao Kamongo emba pyuo nyilyamo dokome letamo.

Aisaya 64:4

Wambu Anatu embapa karo mende pirandelyamo lao soo manji nyisi karaminyi dupwa keta yulu andake pyakamingipya. Dokona Anatu emba yale mende karelyamo soo dee kando nyuowape pipa nangepya.

Aisaya 64:6

Namwa peparaeme koo pyuowako karamano. Namwana yulu rolae angi pilyamano lao pyuo pumwanopape yulu dupwanako peparae karo piso koo ingyuo pelyamo. Namwana koo dokome namwa mee isa porakana yao ingyuo soo papiyamo karamano.

Aisaya 64:7

Mendemepe moname nyinyi nembo emba keta nyisapili lao ateŋa pyao epana lao suu pyapa nalyaminyi. Embame namwana koo dupwana namwa yaki nyuo kaeyalana embena lenge kambu doko namwa pipya nee piru karene.

Maeka 3:4

Nakama Kamongo kando ee larami yuu gii doko epelyamo dokopa ee laraminyipape baame nakama yulu koo pimi dokona nakamana ateŋa dupwa saka nara.

Maeka 7:7

Dopa piraminyipape nambame Kamongo kandaro kararo. Namba mona porayapala Kamongo dokome namba pyuo nyeramo doko keta isaro kararo. Nambana Anatu dokome nambana pii sera.

Apakuku 2:3

Pii langiru doko aopa pyaka see nara ingilyamo dokona lao pepa pyao retare. Angi yulu pira lao lasaka pirunu doko waiya lao pira. Piramo doko mona palyuwale epelyamo lao masere. Maserenepape kaeya napala isaro karare. Nambame yuu gii retelyo dokona pira. Yuu gii retelyo dokona ama papu pii nara.

Luku 2:38

Josepe Mariapa tembole anda Anatu mona maiyuo kingi lao peteyambinyi gii dokopako Ana baa epapala Anatu kando ange lapala Anatumi Jerusaleme kiiramo nyela epelyape lao kando kareyami dupwa peparae wane dokosa lao kando lamaiya.

Luku 24:27

Lapala Mosesena pii dupwa minyuo lao Anatunya poropeta akali dupwa peparaena pii doko opetaena lao Anatunya pii pyasi dupwa peparae baa rangesa lao paleyamo dupwana nakamba renge dupwa polo lamaiya.

Dutaronome 32:20

Anatumi lao dokopa, Wambu mona kana poko namba yaki nyuo kaelyaminyi dupwa nambame nakama kamame nyisa naro. Dopa piru dokopa nakama apa pyuo kararamipi lao lenge makande pyuo kando kararole.

1 Tesalonaika 1:10

Banya Ikinyingi baame lopo nyiyamo doko yake panda piso lupyuo eparamo doko isaro karaminyi. Yesu eparamo dokopa Anatunya kote andake palira dokona namwa nyiso kiiramo nyera.

2 Tesalonaika 3:5

Kamongome nyisaramopa nakama Anatu dokona mona maiyapala Koraisame yulu kaeya nao piyamo dokona mana nyepala dopako pyuo karamili yaka leto.

Ipuru 2:13

Dopa lapala dokonako lao, Anatu kapa ingingi lao suu pyao baa keta pyamalyaro kararo leya. Deeko kamba lao, Anatumi wambu yango jiyamo dupwa pipa dakena karo leya.

Ipuru 9:28

Koraisa baa wambo yuu mendaki iki wambunya koo dupwana lao Anatupa kumuo maiyuo kaeya. Dee eparamo doko koo dupwanako kumala eparande daa. Baa epelyape lao iso pisarami dupwa nyeramo dokona suu pyale pyale epara.