Aisaya 8:1 - Anatunya Buku Baepole Ole Testamene Pii Lapo dee Nuu Tesamene

¹ Kamongome namba langyuo, Pepa yoko kameyali mende nyepala dokona pyao pingi kameya ingyuo pyapala pyao palyape. Pii dake, Waiya Lao Kokwa Soo Apa Nenge, pyao palyape.

Aisaya 8:1 ပူးပေါင်းရင်းမြစ်များ

Aisaya 30:8

Anatumi namba langyuo, Wambu dupwa apa pyuo karaminyi lao pepana pyao reta, leya. Dokona lao wambu dupwa koo pilyaminyi dokona pii doko angingyuo sulu sera, leya.

Aisaya 8:16

Nakama nambana disaepole dupwame Anatumi banya pii namba keta jiyamo dupwa rakwa pyuo reto minyuo kararami ingilyamo.

Aisaya 8:3

Yuu gii lapo epo papeyamo dokopa nambana enda doko wane ingiya. Wane manjo nyiyamo dokopa Kamongo dokome langyuo, Banya kingi Waiya Lao Kokwa Soo Apa Nenge lape, leya.

Jeremaya 36:2

Pepa yoko kao pele pele lasi doko nyepala nambame Isaraele wambunya laope Juta wambunya laope dee rara peparaena laope langiyunu pii dupwa peparae pepa dokona pyao retape. Yuu gii Josaya baa kiŋi kareyamo dokopa wambo langyuo pao epapu langipunupape dupwa peparae pyao retape.

Jeremaya 36:28

Pepa kao pele pele lasi wakale mende nyepala pepa wambo doko pii palenge dupwa peparae pyao retape lao langiya.

Jeremaya 36:32

Dokopa enakana nambame buku kao pele pele lenge mende wakale nyepala nambana pepa pyakange akali Baruku maiyunusa akali dokome nambame pii lamaiyu dupwa peparae pyao reteya. Buku kao pele pele lasi wambo kiŋi Jiyoakwimi isarena kisiyamo dokona palenge dusipana mende pyarepala para kando lao peparae pyao reteya. Dee nambame pii dopale lapo lamaiyunu dupwa opetae konda pyuo pyao reteyako.

Orepalaisane 13:18

Dokona kongwalu mende palamo poraiyuo suu pyamana. Mendeme mondo lao sera ramo namba doko apiyakalende lao kandara. Namba 666 pyasi palipyamopape angi doko akalinya kingi ingilyamo.

Orepalaisane 21:17

Aŋala dokome kame ketae pulyuo dorena piyamo dokopa make mita 67 dopale ingiya. Makande doko aŋalame mee wambu pinginyili pyuoko piya.