Aisaya 7:2 - Anatunya Buku Baepole Ole Testamene Pii Lapo dee Nuu Tesamene

² Juta wambunya kiŋi dokome siyamo dokopa Siria wambunya ami dupwame Isaraele wambunya yuu dorena pyala epelyaminyi lamo lao sepala kiŋi baa banya wambu pipya pakao minyuo inju ingyuo pyuku pyuku lapala isa kanyinginya peteyami.

Aisaya 7:2 ပူးပေါင်းရင်းမြစ်များ

2 Samyuele 7:16

Yuu peparae emba wane manjo jingi parape lao puu pare. Nambame embena kiŋi yulu doko sulu jinya lao piru. Dee nambame embena rara dokona akali dupwa iki embena panda nyuo kiŋi inginya lao rombo palyarapu pyuo puu paro, lapya, lamaipi, leya.

1 Kiŋi 11:32

Isaraele yuu peparaena piso nambana kendemande Dapiti dokona kingi lao dee yuu taone Jerusaleme namba rangena ingyara lao rombo palyiyu dokona kingi lao Solomone baa rara mendaki iki iso karara.

1 Kiŋi 12:16

Wambu dupwame kiŋi dokome nakamana pii soo nyii nara ingiya doko kandapala nakamame pii poraiyuo lao, Dapiti baape banya ree palu dupwape isa pena. Nakamame namwa angi mende nyisa nalyaminyi. Namwa Isaraele range dupwa anda mwua. Oriapome baa rangena wambu dupwa mee iso karena leyami. Dopa pyuo Isaraele wambu dulurena palenge dupwame Oriapome mata maiyuo yaki nyuo kaeyami.

Aisaya 6:13

Wambu akalisa dokona doloma pena lapala mendaki karo kaeyara ramo doko isa kapya angi doko poko mapu pipala angalu doko yaki nyilyaminyi doloma rapala ralamuli pyuo kokwa soo para. (Isa yanengena kongwalu pii doko Anatumi banya wambu keta yulu enenge pyakamira dokona letamo.)

Aisaya 7:13

Aisayame pii dokona kando isingi lao, Kiŋi Dapitinya para pyasi doko embame dakepa mende pyamo lao sepe. Akalimi iki mali soo karo makana lao pilini doko iki kapa daaŋa. Anatu opetaeko mali soo karo makana lao piriko, leya.

Aisaya 7:17

Kamongo dokome randa mende nyuo emba embena wambu akalyanda dokona pisara ingilyamo. Randa angi doko wamba Isaraele wambu dupwa paka lakyuo Juta ingyuo peyamipya kande dopale ingya napala wakasale epara. Doko baame Asiria kiŋi doko kame lalyinyi peyara ingilyamo, leya.

Aisaya 7:5

Siria wambupi Isaraele wambupi pipya dee Isaraelena kiŋipi nakambame yulu koo mende pinya lao palyiyami.

Aisaya 8:12

Wambunya mende piramo lao lao retelyaminyipape dee bange lapona paka renge nyilyaminyipape dupwana emba rambe rambe palyuo suu pyaa napipi.

Matyu 2:3

Pii doko sepala kiŋi Erote Jerusaleme wambu dupwa peparaepe mona yanyi piyamo kareyami.