Aisaya 7:13 - Anatunya Buku Baepole Ole Testamene Pii Lapo dee Nuu Tesamene

¹³ Aisayame pii dokona kando isingi lao, Kiŋi Dapitinya para pyasi doko embame dakepa mende pyamo lao sepe. Akalimi iki mali soo karo makana lao pilini doko iki kapa daaŋa. Anatu opetaeko mali soo karo makana lao piriko, leya.

Aisaya 7:13 ပူးပေါင်းရင်းမြစ်များ

Jenesese 30:15

Leyamopape Liyame Oresolo kando isingi lao, Mee ingyalya ingyana pyuo nambana akali doko nyuo pupinyi kandapi dokome dee wanena epale amu dupwa kambako nyipuli lao lalyane, leya. Dokopa Oresolome lao, Ikinyinya epale amu jeramo dokona lao akali doko embapa kukwa reto palyase, lamaiya.

Aisaya 1:14

Dopako pyuo nakamana kana enengena nenge malu palyuo naminyipape dee yuu gii poo pyasi lao nyilyamano laminyipape dupwame namba kenda jimisa selana rae mai nalyo, leya.

Aisaya 1:24

Dokona lao dakepa Anatu Isaraele wambunya Kamongo Porai Wakasa dokome apa letamo lao selapa. Nambana yanda pimwai dupwa nakamana koo dupwana bekeme pyakaronopa dokona nakamame namba isingi randa dee jeraminde daa lao silyu.

Aisaya 43:24

Nakamame rendamu pingi bange lapo ropo pyao nyaka nayami. Dee mena kapa rukisipi kiso jiminyi namba sikya pipyamo karonde daa. Dopa pii nayaminyipape nakamame koo pipala namba mona kendanyi pyambuo kareyami. Nakamame kopetame piyaminyi dokome yame yame lanyi pyambuo karo piyami.

Aisaya 63:10

Dopa piyamopape nakamame baa kando mata maipala mona randanyi pyambuyami. Dopa piyamisa Kamongo doko nakamana yanda pimwai ingyuo papala nakama yanda piya.

Aisaya 7:12

Dokopa Easame isingi lao, Nambame Kamongo Anatu doko dopale pinya lao piso see naro. Dopako pyuo Kamongo doko makande pyuo kanda naro ingilyamo, leya.

Aisaya 7:2

Juta wambunya kiŋi dokome siyamo dokopa Siria wambunya ami dupwame Isaraele wambunya yuu dorena pyala epelyaminyi lamo lao sepala kiŋi baa banya wambu pipya pakao minyuo inju ingyuo pyuku pyuku lapala isa kanyinginya peteyami.

Isikiolo 34:18

Nakama dupwana lapome nenge nao karapala kando kaeyo nao malasi dupwa moko karo rambetaku pyanyi nembenge. Nakama ipwa keyange napala malasi dorena uki palyinyi nembenge.

Emosa 3:13

Kamongo Mupwa Andake Wakasa karenge dokome pii dake Jekopena para pyasi wambu dupwa kale yukupala selapa lao letamo.

Malakae 2:17

Nakamana pii dokome Anatu maka pinyi pyambulyaminyi. Dopa piminyipape nakamame lao, Namwame apa pyuo baa maka mainyi pyambulyamase? letaminyi. Dokona doko Kamongo Porai Wakasa dokome yulu koo pingi dupwa keyange lao suu pilyamo, letaminyi. Kinyiko, nakamana lao rae mailyamo, letaminyi. Panda Anatu kinyi rolae rapu pilyamo doko anja karamo lao piso silyaminyi. Dopa pyuo baa maka mainyi pyambulyaminyi.

Luku 1:69

Dokona lao banya yulu pingi akali Dapiti dokona palu dokona Lete Wai Pyao Nyingi akali porai mende karena lao renge kuipyamopa karamo.

APOSELENA YULU 7:51

Sitipename lao, Dopa lao palipyamopa nakama wambu mata enokwaro piso monarena simbi simbi pyuo kalena palyuo see narama lao Imambu Poo Pyasi dokopa sisi nyuo karaminyi leya. Nakamana rora ambusipi pyuo kareyaminyili pyuo karaminyi.

Ipuru 3:10

Dopa pyuo peyaminyi dokome namba imbu singi nyakayami. Nambame enda akalipi yuu peparae kopetame suu pyao karenge leyo. Nambame nenge rambo lao piso karo pingi doko mana nyii nalu nao nayami.