Aisaya 66:2 - Anatunya Buku Baepole Ole Testamene Pii Lapo dee Nuu Tesamene

² Namba rangena kingi dokome yuu muu peparae pyuo wasiyu. Wambu lapome namba iki mupwa lao suu pyao pako warombo soo nakamana koo dupwa polo lao yaki nyepala inyimungu karenge dupwa kando namba epe soo karenge, letamo.

Aisaya 66:2 ပူးပေါင်းရင်းမြစ်များ

1 Kiŋi 21:29

Epapu kiŋi Ayape kandape. Namba kando inyimungu pisipyamo doko emba kandelese? Dopa pyuo karapyamo dokona nambame epapu baa lete karamo yuu gii dakepa baa keta randa mai naro. Rengya banya ikinyingi dupwa kararami yuu gii dokopape Ayape banya ree palu dupwape keta randa doko mairu, leya.

2 Kiŋi 22:10

Lapala enakana baame lao, Buku dake akali Ilikayame jipya, leya. Lapala baame kiŋi doko sinya lao pii poraiyuo yaka lao lamaiya.

2 Kiŋi 22:11

Buku yaka leyamo doko kiŋi dokome sepala kondome kumuo banya komau doko minyuo kanguya.

Samu 34:18

Wambu baa rangena yulu dokona uki minyuo pelyasa dokona isa pwuamano lao sepala mona nembenge dupwa keta Kamongo doko repeta karenge. Dee keyange eparali dupwa isa pwuamo lao suu pilyaminyi dupwa baame minyalyingi.

Samu 51:17

O Anatu, nambame mena pyao kiso maingi dokona lao suu pyao nambana imambu inyimungu karenge doko emba keta jilyu. Doko akali inyimungu koo dupwana kondo karenge doko emba yaki nyii nange kandale.

Samu 51:19

Enakana angi mupwa pyao mairaminyi dokopa emba rae mairi. Mena pyao kisomaingi dupwa kandapala rae mairi. Dee bulamakao kali dupwa embena pyao kiso maingi rate dokona pyao kiso mairamiko.

Aisaya 40:26

Yake dokona kandalyuo kandape. Embame bui kandelene dupwa apimi wasiyase? Mende yanda singi ami ingyuo laminyuo penge dokome akipare karaminyi lao soo otenge dee bui mendaki mendaki lao kingi lenge. Banya porainya renge doko kamame andake wakasa dokome mendaki mendepe neta pyarepala paa nana lao singi.

Aisaya 41:20

Wambu dupwame doko kandapala namba Kamongo Anatu dokome piilyamo lao soo nyerami. Isaraele wambunya Anatu poo pyasi dokome dopa pinya lao piyasa piyalyamo lao nakama soo gisarami.

Aisaya 61:1

Kamongo Mupwa Andake Wakasa dokome banya imambu doko namba keta palyuo simbwapya. Baame wambu pendewa dupwa waili pii keyange doko boo pyao lamaiyuo karape lao namba rombo palyapya. Mona yanyi pyapyamo karaminyi dupwa pyuo nyuo puu maisi karaminyi dupwa moko nyuo wambu isare rapyamo karaminyi dupwa mokwala pupi lapyasa epelyo.

Maeka 6:8

Kamongome keyange doko anjuku lao langipya kandapi. Dokona nakama keta yulu pimili lao suu pilyamo doko dakeŋe selapape. Yulu rolae yapasi dupwa pyuo nakamana mona retalu reto retenge doko lasaka pyuo nakamana Kamongo dokona inyimungu rape rape lao karo pirami.

Apakuku 3:16

Dopa pyuo pelyamo lao sepala walu lao kareyonosa dokome namba kambu walu walu lapala pakalyo. Pakapala nambana yongo doko wale wale lao yaku kuisi ingyapala namba kimbu doko walu walu lapala pao palinya pilyu. Anatumi namwa pyalana pilyaminyi dupwa randa mairamo yuu gii doko epelyape lao elya kalo isaro pisiru.

Matyu 12:6

Tembole anda doko makande pyuo renge kamame wakasa mende palamo lao langilyu.

APOSELENA YULU 7:50

Nambame rangena kingi dokome bange peparae pyuo wasa nayose?

APOSELENA YULU 9:6

Dopa pyuo pipinyipape emba sipurapala anda malu palyuo karamo dokona puu. Parene dokopa emba dopa piri dopa piri lao langirami leya.

Pilipai 2:12

Nambana puu minyingi dupwa yuu peparae namba nakama pipya role pyao kareyonopa nakama warombo siyami kande. Doko suu pyao epapu dakepa namba nakama pipya kara nalyamano doŋo nambana pii warombo serami ramo doko ama keyange wakasa ingyara. Neta pasaramaŋa lao pakame kumuo walu walu lao Anatunya Imambunya yulu dokona pyuoko karalapape.

Kolosi 1:17

Bange peparae ene wasapa nayamopa baa wambo ingyuo karalu karenge. Dee baameko bange peparae serali panda dupwana reto simuo pyao minyaro karamo.